壽司藝 (已結業)

Omakase 意思是廚師發辦，係品嘗日本料理的最高境界。開始前師傅會問你有咩係唔食，之後就靜待師傅在你面前調制你的晚餐！壽司藝有三款Omakase 給你選擇，我們今日選了”彩 $1280”。入面包含前菜、刺身、熱食、壽司、湯品同甜品。前菜 - 前菜別緻，有黑豆、胡麻豆腐、秋葵蝦。豆麻豆腐上鋪上小小柿肉，秋葵及蝦味道好夾！師傅在製作即磨山葵，新鮮山葵雖然成本高，但師傅絕不手軟。鮮山葵的辣是直衝鼻腔而非喉嚨，更令食材發揮其鮮味。深海池魚 - 口感結實、爽口，味道鮮甜。北海道牡丹蝦 - 蝦身粉紅而通透、修長，肉質軟綿彈牙。而蝦頭就係炸食，炸得非常香脆。蟹醋啫喱毛蟹 - 將毛蟹拆肉，再拌入蟹醋啫喱，微酸口感，再次刺激口腔味蕾。仙人掌葉 - 中途食仙人掌葉，味似霧蓮，爽口帶微酸。拖羅 與 燒拖羅 - 拖羅肥厚，入口即溶。而燒拖羅燒後陣陣油香，配紫蘇葉及紫菜一齊食，好食到難以形容！炙燒赤目魚 - 魚肉結實，好喜歡聞到炙燒魚所散發的魚香味。三文魚子壽司 - 每粒魚子都非常大。海膽壽司 - 海膽味在口腔不斷遊走，好滿足呀！拖羅手卷 - 在云云壽司中，手卷令我非常難忘。首先師傅在我們面前拿出長長的拖羅