影片
更多
2015-08-26
4441 瀏覽
食評之前先講講入座安排，真係非常差！一早打電話想book位，唔接受，冇所謂啦，walk in 都ok嘅。但等位嘅場地相當細同窄，而且又位於lift口位，加上人流愈來愈多，真係相當擠逼！行到有問題。空氣唔流通搞到好焗，就算拎左飛，都要呆企成粒鐘，呢個真係一個好大嘅考驗！希望店主盡快去解決安排入座問題之餘又可以疏導人流呢個問題，否則令客人因為等位而鼓燥，係件好得不償失嘅事。除安排入座問題外，店內環境幾舒適，加上燈光嘅配合，令人好放鬆。店員好nice好好笑容，由其幫我地落單嗰位oppa,so cute~餐牌食物款式唔多，嚟嚟去去都係得嗰幾款，但每款都可以俾到驚喜，係件好難得嘅成功！柚子米酒，酒精度唔高，同啤酒濃度差唔多，但相當易入口，完全唔覺得自己飲緊米酒，因為聞唔到強烈嘅酒精味，反而係好清香嘅柚子甜香，味道好出色，令人忍唔住一飲再飲！好正！！芝麻葉吞拿魚飯卷，一口一卷，甜甜地，唔錯！原味炸雞&蒜香炸雞，原味雞炸得啱啱好，外脆內軟，肉味調得啱啱好，而且唔會覺得油膩！可點附上嘅調味醬芥末、甜辣、醬油或沙爹，但我覺得就咁食亦可以，加點其他醬則有多幾番滋味。蒜香嗰款係意想唔到嘅，蒜味唔算太重，所以
食評之前先講講入座安排，真係非常差！一早打電話想book位，唔接受，冇所謂啦，walk in 都ok嘅。但等位嘅場地相當細同窄，而且又位於lift口位，加上人流愈來愈多，真係相當擠逼！行到有問題。空氣唔流通搞到好焗，就算拎左飛，都要呆企成粒鐘，呢個真係一個好大嘅考驗！希望店主盡快去解決安排入座問題之餘又可以疏導人流呢個問題，否則令客人因為等位而鼓燥，係件好得不償失嘅事。
除安排入座問題外，店內環境幾舒適，加上燈光嘅配合，令人好放鬆。店員好nice好好笑容，由其幫我地落單嗰位oppa,so cute~
餐牌食物款式唔多，嚟嚟去去都係得嗰幾款，但每款都可以俾到驚喜，係件好難得嘅成功！
柚子米酒，酒精度唔高，同啤酒濃度差唔多，但相當易入口，完全唔覺得自己飲緊米酒，因為聞唔到強烈嘅酒精味，反而係好清香嘅柚子甜香，味道好出色，令人忍唔住一飲再飲！好正！！
芝麻葉吞拿魚飯卷，一口一卷，甜甜地，唔錯！
原味炸雞&蒜香炸雞，原味雞炸得啱啱好，外脆內軟，肉味調得啱啱好，而且唔會覺得油膩！可點附上嘅調味醬芥末、甜辣、醬油或沙爹，
但我覺得就咁食亦可以，加點其他醬則有多幾番滋味。蒜香嗰款係意想唔到嘅，蒜味唔算太重，所以唔使怕太重口味，味道反而有啲似蜂蜜，甜絲絲～好味！加上伴上嘅薯條同脆薯，灑上香濃嘅芝士粉，又一享受！係覺得啲雞份量少左啲囉⋯海鮮餅，感覺有啲似中式年糕，呢個反而最平凡，冇咩特別，但味道都ok嘅～
芝士肋骨，全晚重點之作！
整盤上檯已經夠晒震撼，仲有專人代處理，好窩心！邊位有芝士乳酪栗米，芝士好煙韌，同粟米配埋一齊真係好夾，特別香甜。
韓國雞蛋卷，口感有啲似玉子豆腐，好滑，但質地上又有啲實同有啲韌，食少少都ok,但唔多啱我口味。
泡菜自家制？好似咸咗啲啲⋯同平時食開嗰啲有啲唔同，水份冇咁高，乾咗啲。
番薯蓉，原以為係普通薯蓉，番薯蓉味道濃，甜度有如食甜品！like!
重點返到嚟中間嘅肋骨同韓國年糕！
肋骨小辣，肉質鬆化，味道濃厚，捲上濃密程度特高嘅芝芝芝士！嘩！好邪惡呀！芝士味反而相當淡，唔中意食芝士嘅朋友都可以一試，芝士嘅牽拉度超高，芝士絲可以拉到好長都唔會斷！
就算放咗入口，韌度仍然好強，可以嚼好耐都仲繼續嚼⋯好抵食下喎！最後係一個後加嘅自己製飯團，呢個重點係食得又玩得！樂趣甚高哦。
張貼
