蕃滿門 (已結業)

是日千里迢迢黎到奧海城shopping~為把握時間, 諗住簡簡單單地幫襯food court喇~兜個圈睇下d店, 俾呢間賣蕃茄湯既檔口吸引住~~39蚊既麵餐都唔使考慮咁多喇~本身係想揀螺絲粉既, 但見到有公仔麵, 又諗起尖沙咀哂蕃茄麵~~~所以最後叫左滑蛋蕃茄公仔麵配龍蝦丸, 再加3蚊加粟米!!又係一個大碗夾抵食既選擇! 蛋係炒得好滑但唔重牛油油膩味既~龍蝦丸雖然再半但都係好大粒, 再加埋成半個碗咁多既粟米蕃茄湯係夠濃既, 仲有舊舊大蕃茄~ 不過個公仔麵煮得過左少少..如果可以生返少少就會更爽!!