錦麗 (世貿中心) (已結業)

我呢個係綜合牛河，有牛丸，生牛肉同熟牛肉，有教學，由湯入手先，個湯好正，好入味，又甜又重牛味，我幾乎飲哂，啲河粉質素就普通咗少少，好易碎，牛丸好食，但牛肉唔知係咪我食得太慢，開始鞋口，但總括呢碗嘢性價比幾高，唔貴又好食。連同個椰汁涼粉又係好飲，椰汁係好重椰子味，但唔算好甜，同以前賣杯裝椰子汁嗰啲差唔多味，涼粉就麻麻，食到最後覺得涼粉太多，唔想食添。牛油雞翼都好正，岩岩炸好，口感一流，最鍾意佢上面有啲蒜蓉，香好多。