必勝客

營業中

休息中

去朋友屋企打麻雀，我哋肚餓但唔想出街食，就叫咗外賣Pizza，要千島醬配海鮮同埋最重要加芝心，另外再加一個意粉同埋白汁雞皇飯，蒜蓉包同埋四個蘑菇湯，大概＄400價錢都可以接受。等咗半個鐘度就送到黎，熱辣辣嘅批加上軟林林嘅芝心真係非常好食，而千島醬配海鮮一向係我最鍾意嘅選擇，個醬酸酸甜甜，能夠帶出海鮮嘅鮮味，意粉同雞皇飯都唔錯，在座有男孩子，所以最好就叫個飯會飽啲。另外，蒜蓉包好香脆，蒜蓉味好香，蘑菇湯夠濃！