影片
更多
2021-04-25
1164 瀏覽
上網成日都見到Rosewood d評語好壞參半，咁今次restaurant week都見到有Rosewood份，就窺探下佢哋究竟！（雖然其實我想book Butterfly Room嘅，但佢好快就full晒，唯有等下次。。）一直都冇去過Rosewood，我都係問咗幾個職員之下先搵到個地下星光大道個入口搭lift上2樓lobby，仲要一出lift，咩指示都冇，原來要行返出去再行一段L路先可以係酒店大門口入去。Rosewood個裝修係瑰麗堂皇嘅，有好多藝術品添，但真係指示唔係好清晰，入到酒店又係迷失方向咁，都唔知間餐廳係邊，想靠自己都唔得！當有職員走嚟好關心咁問你有咩幫到你嘅時候，你答佢就可以好滿意咁解決到你嘅問題同埋帶埋你過去，可能呢d先係貼心嘅服務掛？（其實我真係好想靠自己去搵到間餐廳囉。。）餐廳裝修好靚，氣氛好唔錯，好過隔離Butterfly Room（佢入面夜晚原來勁黑，依家都好少餐廳會咁。）因為我係食Restaurant Week嘅menu，咁係入面揀好3樣嘢就ok！好想講一講個麵包籃，佢個軟法包係真心好食，勁重牛油味，再加埋佢d牛油就更好味！等咗一陣，個芝士沙律就嚟咗啦，個po
一直都冇去過Rosewood，我都係問咗幾個職員之下先搵到個地下星光大道個入口搭lift上2樓lobby，仲要一出lift，咩指示都冇，原來要行返出去再行一段L路先可以係酒店大門口入去。Rosewood個裝修係瑰麗堂皇嘅，有好多藝術品添，但真係指示唔係好清晰，入到酒店又係迷失方向咁，都唔知間餐廳係邊，想靠自己都唔得！當有職員走嚟好關心咁問你有咩幫到你嘅時候，你答佢就可以好滿意咁解決到你嘅問題同埋帶埋你過去，可能呢d先係貼心嘅服務掛？（其實我真係好想靠自己去搵到間餐廳囉。。）
餐廳裝修好靚，氣氛好唔錯，好過隔離Butterfly Room（佢入面夜晚原來勁黑，依家都好少餐廳會咁。）因為我係食Restaurant Week嘅menu，咁係入面揀好3樣嘢就ok！
好想講一講個麵包籃，佢個軟法包係真心好食，勁重牛油味，再加埋佢d牛油就更好味！
等咗一陣，個芝士沙律就嚟咗啦，個portion都ok，切開上面舊芝士，正！爆開！個芝士好滑，番茄都好新鮮！
跟住嚟個湯，好怪！話酸辣湯完全唔酸，得少少辣同勁鹹！喺西餐廳飲中式湯都真係有啲賴嘢。
main就接住嚟，時間啱啱好，龍蝦手卷意粉，一個人食嘅portion一定夠，龍蝦肉有半隻咁多，拆咗肉，彈牙鮮味，龍蝦汁都ok，但個手卷意粉就。。我可能本身唔太鍾意食手卷意粉（佢set好咗應該冇得轉，我又冇問嘅，仲好似話呢度菜係呢間餐廳signature...）太硬啦，雖然佢都吸住d汁。
最後甜品嘅蛋糕今日有3款，我就叫咗個焦糖芝士蛋糕，輕輕嘅焦糖味，再加埋個芝士蛋糕都幾滑，但就淋咗d，唔太實嘅，所以唔會好溜！呢個light desert唔錯！
蕃茄布拉塔芝士沙律
55 瀏覽
0 讚好
0 留言
海鮮酸辣湯
46 瀏覽
0 讚好
0 留言
龍蝦手卷意粉
38 瀏覽
0 讚好
0 留言
焦糖芝士餅
31 瀏覽
0 讚好
0 留言
張貼
