影片
更多
2021-08-27
1309 瀏覽
最近愛上咗自己一個人偷食 唔駛就其他人時間 專心自己食嘢 個人表示好享受 😎太古東隅Feast一直見到有人講唔錯 一個月前book位 臨食前幾日見到好多評論話差咗 不過我覺得唔好信晒人 都係自己試吓首先講吓環境 主要係天然光 今日落雨陰陰天但係整體好舒服 座位鬆動唔迫 4/5呢度嘅服務真係好有驚喜 可能為服務員睇得出我係第一次嚟 好細心咁介紹點用QR code 落main course (雖然我識 不過唔好意思打斷佢😆）有同我講落咗單好快會送到黎 所以唔使咁急 可以食到咁上下先再落 又同我講得好清楚個收費 仲會介紹有啲咩好食 (食咁多次buffet第一次) 5/5嘢食種類唔算多 今次我差唔多食晒每一樣野 沙律頭盤 凱撒沙律 菜係新鮮嘅 但醬太多好重味 2.5/5紅菜頭 爽口 酸味適中 好食 4/5藜麥沙律 清爽 4/5火腿煙三文魚唔會太鹹不過呢個唔評啦 蒜泥白肉 肉夠薄 但唔爽脆 2.5/5雞翼 唔夠入味 2/5涼拌茄子 木魚蓋過晒啲茄子味 不過茄子好爽口 3/5皮旦 完全冇鹼水味 好味 4/5泰式生蝦 我食嗰隻唔新鮮 1/5雞絲粉皮 一般 唔覺得難食 2/5凍檬粉 好粉好散 1/5冷
太古東隅Feast一直見到有人講唔錯 一個月前book位 臨食前幾日見到好多評論話差咗 不過我覺得唔好信晒人 都係自己試吓
首先講吓環境 主要係天然光 今日落雨陰陰天但係整體好舒服 座位鬆動唔迫 4/5
呢度嘅服務真係好有驚喜 可能為服務員睇得出我係第一次嚟 好細心咁介紹點用QR code 落main course (雖然我識 不過唔好意思打斷佢😆）有同我講落咗單好快會送到黎 所以唔使咁急 可以食到咁上下先再落 又同我講得好清楚個收費 仲會介紹有啲咩好食 (食咁多次buffet第一次) 5/5
嘢食種類唔算多 今次我差唔多食晒每一樣野
沙律頭盤
沙律頭盤
6 瀏覽
0 讚好
0 留言
凱撒沙律 菜係新鮮嘅 但醬太多好重味 2.5/5
紅菜頭 爽口 酸味適中 好食 4/5
藜麥沙律 清爽 4/5
火腿煙三文魚唔會太鹹不過呢個唔評啦
頭盤前菜
10 瀏覽
0 讚好
0 留言
雞翼 唔夠入味 2/5
涼拌茄子 木魚蓋過晒啲茄子味 不過茄子好爽口 3/5
皮旦 完全冇鹼水味 好味 4/5
頭盤前菜
11 瀏覽
0 讚好
0 留言
雞絲粉皮 一般 唔覺得難食 2/5
凍檬粉 好粉好散 1/5
冷盤海鮮
冷盤
12 瀏覽
0 讚好
0 留言
生蠔
18 瀏覽
0 讚好
0 留言
蝦 爽口嘅不過唔甜 2/5
翡翠螺 都係冇乜鮮味 2/5
刺身壽司
12 瀏覽
0 讚好
0 留言
壽司刺身 質素中下啦 舊飯好實 唯一係個芥茉八爪魚OK 2/5
Main course
香橙燴牛膝
15 瀏覽
0 讚好
0 留言
老實講我對佢個主菜係有期待 但亦係我最失望 啲肉好散好碎好淋 寬條麵煮過龍 入口第一啖有啲啲橙味芝士味 但味道好淡 但係食多幾啖之後 得罪講句食唔出呢道菜想表達啲咩 啲肉煮得咁爛冇晒肉味 配搭芝士橙又唔係覺得有咩特別嘅口感味道 重要啲寬條麵淋PetPet 最後我只有一個結論 可能係俾啲老人家食嘅 Sorry可能我唔識欣賞姐 1.5/5
甜品
甜品
15 瀏覽
0 讚好
0 留言
甜品
12 瀏覽
0 讚好
0 留言
呢一餐最驚喜絕對係甜品 唔係我應該唔會寫呢一個分享 我個人好鍾意食甜品 但係又唔鍾意食啲死甜嘅 同埋我基本上唔食杯裝雪糕包括Häagen-Dazs同埋Movenpick (老實講有食開buffet嘅人都食厭晒啦) 我之前覺得食過最好嘅buffet甜品係九龍香格里拉嘅Cafe Kool 但係呢一間絕對可以同佢有一拼 (我未食過tiffin所以冇得比較) 上面嗰啲我全部食晒冇乜邊個係唔好食㗎 講幾個覺得特別啱我口味嘅
紅豆茉茶 有抹茶香味不過唔會苦 個人覺得啱啱好 口感幼滑 因為我平時唔太鍾意食抹茶嘢 呢個食得落仲覺得好味 4/5
焦糖燉蛋 呢個絕對係我喺buffet裏面食過嘅燉蛋No.1 焦糖脆係基本啦 重點係個燉蛋口感厚 實 軟 滑 甜度又適中 4.5/5
紅莓杯 我未試過食呢樣可以食晒 大部份都好酸 呢個真係超級驚喜 輕輕嘅酸帶出少少甜味 每一啖都有唔同嘅口感味道 每一啖都有變化 我都唔係好識形容 有機會去食自己試吓 5/5
其實我仲有食咗啲開心果甜品同雪糕唔記得咗影
開心果馬德蓮 3.5/5
紅莓/菠蘿雪葩 焦糖海鹽雪糕（個人覺得全部都比大牌杯裝雪糕好食）4.5/5
睇咗好多之前嘅評論講呢度嘅熱暈主菜好食 希望係咁啱呢個唔啱我口味 但係因為佢嘅環境、服務同埋甜品我會再試嘅 希望下次會有驚喜啦 (不過講真又唔知要book到何年何月何日)😅
張貼
