臺北棧 (荷李活道) (已結業)

今晚約咗一個啱啱喺台灣返嚟嘅朋友去到中環Soho區，揀咗一間食台灣嘢嘅餐廳，都要排一陣隊先有位，見佢咁受歡迎就試吓啦。睇個Menu就俾佢紫色嘅蛋餅吸引，就叫咗個髒髒芋泥鹹蛋黃蛋餅，出奇地好食喎。入面嘅芋泥就好似蓮蓉包嘅餡咁，再加左一啲薄切嘅蛋，蛋餅外面又有鹹蛋黃碎吊味，最重要係賣相非常靚，打卡一流。再加一碟魯肉伴台灣A菜，呢碟菜味道香濃，如果攞嚟送飯，都會食到好多碗。不過我哋今日就揀咗食麵-牛腱鯊魚骨豆乳湯麵。雖然去過幾次台灣，但係都未食過。可以揀粉絲或者刀削麵，最後我哋決定刀削麵，因為會比較吸收到鯊魚骨豆乳湯嘅香濃味道。牛展嘅牛筋分布得均勻，味道亦唔會比豆乳湯搶咗，而且煮得都算淋。其實仲有好多酒類飲品想試㗎，但聽日要早起身，唯有下次再嚟啦。