影片
更多
2015-02-21
1038 瀏覽
之前同朋友過黎都係食番個吐司就走。見到原來佢地都有供應鹹點熱食，當然想小試一下啦！聽講油塘分店係沒有供應意粉，既然黎到旺角，就試下佢地既意粉點啦！ 環境雖然不算闊落，但坐得都叫舒服，有種與一起用餐的對方更加親近的氣氛。只係燈光真係超奇怪！又紅又藍又紫又白……影到出黎既相全部都係偏紫，搞到食物變得有點嚇人。而且看著看著，也有點眼花咁……-___>-香草煙三文魚伴意粉 煙三文魚色澤非常深濃橙紅，捲成花狀疊於意粉之上。但不自然的顏色讓友人們覺得很奇怪，表示不想吃。我是勇者，食先。 煙三文魚香味是正常的，鹹度頗高，油香少。質感有點像半熟的魚肉，不韌不乾，濕潤度足夠的。意粉炒得十分乾爽，入口沒有油膩感。朋友話太過乾又韌，我就只係覺得乾身了少許，個人喜愛韌身有嚼勁的。麵條滑順，帶有蒜香，清新不嗆。咀嚼期間不覺有麵香，不過迷迭香味道就濃郁突出。整體黎講唔會話特別推薦，算是勉強合格吧？黑松露炒雜菌意粉 黑松露同菇菌一向是好伙伴好兄弟！成日飲湯品都會遇見他倆，今次食意粉又係見到佢地。賣相比參考圖凌亂了一點，但還是頗惹人垂涎。店方炒意粉落哂配料一齊炒，盛起之時係一鑊倒落去既感覺。算啦我
之前同朋友過黎都係食番個吐司就走。見到原來佢地都有供應鹹點熱食，當然想小試一下啦！聽講油塘分店係沒有供應意粉，既然黎到旺角，就試下佢地既意粉點啦！
環境雖然不算闊落，但坐得都叫舒服，有種與一起用餐的對方更加親近的氣氛。只係燈光真係超奇怪！又紅又藍又紫又白……影到出黎既相全部都係偏紫，搞到食物變得有點嚇人。而且看著看著，也有點眼花咁……-___>-
香草煙三文魚伴意粉
$88
36 瀏覽
0 讚好
0 留言
煙三文魚色澤非常深濃橙紅，捲成花狀疊於意粉之上。但不自然的顏色讓友人們覺得很奇怪，表示不想吃。我是勇者，食先。
煙三文魚香味是正常的，鹹度頗高，油香少。質感有點像半熟的魚肉，不韌不乾，濕潤度足夠的。意粉炒得十分乾爽，入口沒有油膩感。朋友話太過乾又韌，我就只係覺得乾身了少許，個人喜愛韌身有嚼勁的。麵條滑順，帶有蒜香，清新不嗆。咀嚼期間不覺有麵香，不過迷迭香味道就濃郁突出。整體黎講唔會話特別推薦，算是勉強合格吧？
黑松露炒雜菌意粉
$88
27 瀏覽
0 讚好
0 留言
黑松露同菇菌一向是好伙伴好兄弟！成日飲湯品都會遇見他倆，今次食意粉又係見到佢地。賣相比參考圖凌亂了一點，但還是頗惹人垂涎。店方炒意粉落哂配料一齊炒，盛起之時係一鑊倒落去既感覺。算啦我都係食既姐，唔係擺係玻璃櫃收藏，味道始終最重要既。
意粉還是炒得乾身，是條條分明，但友人們又有點微言。韌度嚼勁均在，是我喜歡的彈牙爽口感。黑松露香氣繞舞於菇菌及意粉之間，清清的，淡淡的。其實如果再濃郁一點就更佳了！菇菌切成片狀，富有咬口，微韌。炒完比較乾水，味道更濃縮，算可以幫下黑松露去湊回香氣既。
題外話/補充資料：
服務效率也叫可以吧，唔會等太耐。態度方面都幾友善既，送上餐點時唔會話太馬虎。收碟清枱都叫快手，只係我地都有下一站去處，不久留了。
(以上食評乃用戶個人意見 , 並不代表OpenRice之觀點。)
張貼
