L Place Cafe (已結業)

今日放工 係ssp見到有間裝修同附近好唔同既cafe見佢幾靚就入去試一試 入面好多牛排揀 不過我麻麻地牛 所以就叫左個焗豬食 餐湯得一種 係洋蔥湯黎既 洋蔥好多 基本上個碗有一半都係洋蔥黎 好在佢d洋蔥味唔太勁 食焗野就預左要耐少少 不過杯野飲都幾快上到 今次叫左杯榛子latte 奶味幾重 味道偏甜少少 台式風味既感覺 加埋個杯 真係有強烈既少女風焗飯係炒飯底既 上面有好多好多好多汁 好正 我最怕就係d焗飯太乾無咩汁 今次幾個好ok 不過呢d係個人喜好 喜濕既朋友可以一試 可以加埋小食都係幾十蚊 不過今日可能我夜去 無左最想食個樣所以無叫 下次可以同fd早d一齊黎再叫 ：）