影片
更多
2020-11-06
2552 瀏覽
又因工作關係嚟到上環，可以四圍搵食。一直已經知道斜路上面有間冰室，懷舊裝修之餘嘢食不錯，便入去試試。一入到去，個Staff超friendly，幫我搵原位之餘，仲睇吓係咪風口，又噓寒問暖。然後我話想去洗手間，仲幫我開門，睇吓地下有冇濕，先請我入去。估唔到係呢啲懷舊冰室，都有五星級酒店嘅服務食物方面，我叫咗香茅豬扒金邊粉。豬扒調味不錯，充滿香茅味，但略嫌太肥，有一半都係肥膏😩 金邊粉味道正常，但可以再有咬口啲，可能煮得內咗。湯底係清湯，都算清甜，但都偏淡，可以再入味啲。環境乾淨，我去嘅時候冇咩客，所以都坐得舒服。周圍掛滿唔同celebrities嘅簽名，地下仲用緊極懷舊嘅紙皮石，呢個地方打卡都一流。
一直已經知道斜路上面有間冰室，懷舊裝修之餘嘢食不錯，便入去試試。
一入到去，個Staff超friendly，幫我搵原位之餘，仲睇吓係咪風口，又噓寒問暖。然後我話想去洗手間，仲幫我開門，睇吓地下有冇濕，先請我入去。
估唔到係呢啲懷舊冰室，都有五星級酒店嘅服務
食物方面，我叫咗香茅豬扒金邊粉。
豬扒調味不錯，充滿香茅味，但略嫌太肥，有一半都係肥膏😩 金邊粉味道正常，但可以再有咬口啲，可能煮得內咗。湯底係清湯，都算清甜，但都偏淡，可以再入味啲。
環境乾淨，我去嘅時候冇咩客，所以都坐得舒服。周圍掛滿唔同celebrities嘅簽名，地下仲用緊極懷舊嘅紙皮石，呢個地方打卡都一流。
香茅豬扒金邊粉
75 瀏覽
0 讚好
0 留言
張貼
