影片
更多
2021-08-10
3136 瀏覽
異常難book的一間Sunday Brunch，其實想試瑰麗好耐，平時都只係去佢餅鋪買件Napoleon Slice嚟食，難得友人幫手book枱梗係要一試佢最出名嘅Sunday Brunch啦。Sunday Brunch限時食2小時，488一位，加218可以free flow wine。枱面放咗幾個餐包，點解我會話係餐包，因為佢啲味exactly係餐包嘅味，不過係好鬆軟同有好香牛油味嘅餐包，但無什驚喜。Seafood platter - 依個就係成個set最好食嘅嘢，唔係因為我鐘意食海鮮，係因為佢啲凍海鮮真係有水準，講下入面有啲乜嘢食先，生蠔 - 好鮮，有濃烈海水味，蠔肉食到爽脆，雖然唔太大隻，但蠔味重，可惜無金屬味，開得好好，無啤水令到隻蠔失味。波士頓龍蝦 - 睇相就知好水嫩彈牙，但無膏，有啲失色，但肉質好好，亦都有龍蝦味。皇帝蟹腳 - 肉質彈牙唔死實，有蟹獨有鮮味甜，殼幫你扑開咗，放便食用。大蝦 - 同樣水嫩，好彈牙，好食。大蛤 - 唔靭，還重有少少鮮味。佢個有五樣野係可以係限時內無限order嘅，講真有出有唔出色嘅，先講值得叫嘅嘢先：Duck Foie Gras Torchon
Sunday Brunch限時食2小時，488一位，加218可以free flow wine。
餐包
20 瀏覽
1 讚好
0 留言
枱面放咗幾個餐包，點解我會話係餐包，因為佢啲味exactly係餐包嘅味，不過係好鬆軟同有好香牛油味嘅餐包，但無什驚喜。
Seafood platter
23 瀏覽
0 讚好
0 留言
Seafood platter - 依個就係成個set最好食嘅嘢，唔係因為我鐘意食海鮮，係因為佢啲凍海鮮真係有水準，講下入面有啲乜嘢食先，生蠔 - 好鮮，有濃烈海水味，蠔肉食到爽脆，雖然唔太大隻，但蠔味重，可惜無金屬味，開得好好，無啤水令到隻蠔失味。
波士頓龍蝦 - 睇相就知好水嫩彈牙，但無膏，有啲失色，但肉質好好，亦都有龍蝦味。
皇帝蟹腳 - 肉質彈牙唔死實，有蟹獨有鮮味甜，殼幫你扑開咗，放便食用。
大蝦 - 同樣水嫩，好彈牙，好食。
大蛤 - 唔靭，還重有少少鮮味。
佢個有五樣野係可以係限時內無限order嘅，講真有出有唔出色嘅，先講值得叫嘅嘢先：
Duck Foie Gras Torchon
20 瀏覽
0 讚好
0 留言
Duck Foie Gras Torchon
19 瀏覽
0 讚好
0 留言
Burrata
59 瀏覽
1 讚好
0 留言
Burrata
47 瀏覽
0 讚好
0 留言
其餘的3樣可無限追加的食物我無影到相，因為唔值得影，等我講下：
炒蜆 - 上枱唔熱嘅，食味亦比大牌檔差得遠，火口鑊氣不足，唔好食。
豉油雞 - 雞係滑嘅，但唔入味，佢個姜蓉比碟雞更出色，姜味出眾，辣得嚟有姜味。
錦卥雲吞 - 唔夠熱同脆，個汁亦提唔到味，得個酸字。
好喇就到主食喇，我哋就叫咗以下嘅食物：
Seared Salmon
58 瀏覽
0 讚好
0 留言
Seared Salmon
16 瀏覽
0 讚好
0 留言
Seared Salmon - 依個係專登叫嘅因為真係好想食好好啲西式煎魚，西餐煮魚嘅食法，好難好食得過中國人特別係廣東人煮魚嘅食法，印象中只有係布拉格，同埋係琉森食過好食令我印象難忘啲西式煎魚，今日依個overcooked ，食唔到魚肉應有嘅嫩滑，有啲實，個皮煎得蕉香嘅，但都係一條正正常常嘅香煎三文魚，無什突出。
紹興酒爆和牛粒
8 瀏覽
0 讚好
0 留言
紹興酒爆和牛粒 - 和牛全熟，有啲靭，浪費咗件和牛，但其實個食味係唔差，幾香同惹味嘅，個茉莉香米係好食嘅，米煲得夠乾身，帶香，比個和牛粒更好吃。
黑松露蘑菇手捲意粉
10 瀏覽
0 讚好
0 留言
黑松露蘑菇手捲意粉
6 瀏覽
0 讚好
0 留言
黑松露蘑菇手捲意粉 - 意粉煮得剛好，食到Al Dente口感，抵讚，黑松露蘑菇亦都好香，但黑松露有點少，有點覺得孤寒。
Holger deh 71.5%朱古力撻
4 瀏覽
0 讚好
0 留言
Holger deh 71.5%朱古力撻 - 最後到甜品啦，其實都唔洗講，佢哋出品嘅甜品當然係好食啦，朱古力超濃得嚟好細滑，又唔太甜，中間有朱古力mousse令件甜品有不同口感，好食。
題外話/補充資料：
講真佢啲嘢食啲水平落差太大，話晒都叫做一間名牌酒店，其實真係要所有出品都要係合格以上先算對得住自己，但整體用餐體驗係幾好嘅，特別係佢嘅服務，侍應好有禮，食得好舒服。
(以上食評乃用戶個人意見 , 並不代表OpenRice之觀點。)
張貼
