金利來食坊 (已結業)

好臭ar...昨夜等埋太太做完yoga後食dinner。每次行過呢度都係燈火通明，人氣極度鼎盛。決定一試...之前上嚟OR做定功課，餐牌都唔使望就叫飄香雞、窩貼炸蝦餅及蒜茸粉絲蒸扇貝...典型大牌檔格局，環境算係亁淨。但對於我呢種對食物質素重於一切嘅人嚟講，係唔會太care個環境嘅...每碟嘢嘅份量十足。蝦餅大大塊，正式抵食夾大件，質素就普通la，表皮炸得唔夠金黃，蝦膠打得唔夠彈牙。但勝在夠大份...飄香雞雖然只係叫例牌，但一樣係夠大份。雞件上面舖有極多嘅蒜粒、辣椒粒及葱粒，極惹味，用嚟撈飯確係一流。可惜個豉油汁落咗太多師傅，過多嘅蒜粒完全掩蓋應有嘅雞味；雞當然係雪藏貨，不值一提...扇貝屬普通貨，但上面又係舖有大量蒜粒...卒之食完後個口臭到第二朝，食多多香口膠都攪唔掂...呢次真係"臭味相投" lor...