スーパー丼 (駱克道) (已結業)

Superdon, 超級丼，聽個名就好似好勁咁，即管入去試下佢有幾super 。餐廳裝修同擺設簡約，環境舒適，而且所有既丼都係用日本米，好正宗。有好多款丼選擇，個個都咁吸引，唯有揀個最勁既特上北海道海鮮丼，一份餃子，一客三文魚鮫特上海鮮丼刺身好多，全部都係靚野，帶子同海膽好鮮甜，同函館朝巿食既一樣甜。吞拿魚腩同油甘魚好肥美，好好味。海膽份量都算多，但其實有幾多都唔夠。呢個海鮮丼真的非常super好味，而且價錢都唔算貴。其他小食水準正常，當然丼就遠超預期。