The Platter (悦品天秀酒店‧元朗) (已結業)

上星期 趁住兩個細路未開學 一家大細去濕地公園玩左一日，晚上來到The Platter享用晚餐。餐廳响新開嘅悅品天秀酒店，入到酒店大堂 見到D佈置 幾有大自然FEEL。上到四樓餐廳，見到好多位置擺放左唔同既運動裝飾，原來係用運動做主題嘅餐廳，風格比較新穎同輕鬆，我like，無一般酒店果D餐廳咁拘謹。當日因為係平日，唔算係非常多人，餐廳經理比左一個Set Menu我地，原來每個禮拜嘅菜式都唔一樣，睇D菜名都好吸引，最驚喜嘅就係餐牌嘅價錢，同埋每道菜都會附送餐湯同甜品，好抵食! 我地Order左個意式蕃茄小河蝦扁意粉 同埋扒連尖魚柳配香草忌廉汁。 品嚐完個餐湯之後侍應就上主菜，個賣相真係幾OK，我地香港人緊係相機食先。聞落去已經有好香既芝士同蕃茄味，意粉既硬度岩岩好，食物既質素拍得住出面嘅酒店。佢地做緊開幕優惠，可以加3蚊 享用Haagen Dazs配薄餅既甜品，埋單果陣仲有八折，每人150蚊都唔洗就食到超水準嘅菜式，聽講佢地星期六日會有BUFFET如果有機會都想再同屋企人黎試下！