影片
更多
2023-02-21
30 瀏覽
我係飲少少酒就會紅晒嘅人，唔係好飲得，但就好鍾意比酒精包圍嗰種唔清醒，今次嚟到呢間專做手工啤酒嘅餐廳，覺得簡直就係大開眼界。叫左蔥油漬蠔($64)、卡津煎蝦($78)、脆邊漢堡($108)、白布蘑菇意($86)同一人一杯手工啤 - Jasmine Green Tea Wheat Beer ($81)同Ink ($86)。蔥油漬蠔係用黑啤汁煮，黑啤以我理解應該係好苦嗰種，但食落係有少少酒味，但都好易入口。卡津煎蝦係男朋友叫的，本身我無咩寄望，因為我以為會有殼好麻煩，又或者可能有啲霉霉地咁。但出乎意料地，隻隻蝦剝好晒殼，而且仍然係彈牙的，卡津蒜蓉牛油再加指天椒碎好惹味，忍唔住一隻接一隻咁食。脆邊漢堡係最classic嘅配搭，牛肉芝士夾酸瓜🤣 食落唔會乾爭爭，牛肉保留到肉汁，但唔係好肥好漏咁。白布蘑菇意，店員話意粉係佢地近期嘅新嘗試，所以menu上都只有兩種，但係覺得個意粉好好食喎。意粉偏硬身有咬口，白汁偏濃稠掛晒上意粉，但唔會好漏，覺得佢地可以繼續研發更多款式。上面嘅食物其實都係次要，因為餐廳嘅重點係手工啤酒，因為佢地係本地手工啤品牌 - 少爺啤旗下餐廳，都見店裏面顧客本意係嚟飲酒吹水，而
叫左蔥油漬蠔($64)、卡津煎蝦($78)、脆邊漢堡($108)、白布蘑菇意($86)同一人一杯手工啤 - Jasmine Green Tea Wheat Beer ($81)同Ink ($86)。
蔥油漬蠔係用黑啤汁煮，黑啤以我理解應該係好苦嗰種，但食落係有少少酒味，但都好易入口。
卡津煎蝦係男朋友叫的，本身我無咩寄望，因為我以為會有殼好麻煩，又或者可能有啲霉霉地咁。但出乎意料地，隻隻蝦剝好晒殼，而且仍然係彈牙的，卡津蒜蓉牛油再加指天椒碎好惹味，忍唔住一隻接一隻咁食。
脆邊漢堡係最classic嘅配搭，牛肉芝士夾酸瓜🤣 食落唔會乾爭爭，牛肉保留到肉汁，但唔係好肥好漏咁。
白布蘑菇意，店員話意粉係佢地近期嘅新嘗試，所以menu上都只有兩種，但係覺得個意粉好好食喎。意粉偏硬身有咬口，白汁偏濃稠掛晒上意粉，但唔會好漏，覺得佢地可以繼續研發更多款式。
上面嘅食物其實都係次要，因為餐廳嘅重點係手工啤酒，因為佢地係本地手工啤品牌 - 少爺啤旗下餐廳，都見店裏面顧客本意係嚟飲酒吹水，而且對手工啤略有研究。本身對手工啤唔係好多認識，但店員好樂意解答我地嘅問題，而且會就住我地嘅喜好去介紹返我地應該會鍾意嘅款式。
我鍾意啲易入口、偏甜嘅，店員介紹左Jasmine Green Tea Wheat Beer同Pu’er English Strong Ale，我最後揀左5.2%嘅Jasmine Green Tea Wheat Beer。店員話呢款係加埋左茶去釀啤酒，味道都係偏甜啲。我平時飲得最多就係果汁酒，但呢款對我嚟講都易入口，可以享鶢酒精嘅味道。
男朋友鍾意黑啤，店員介紹左Ink同Taxi Driver，佢就揀左Ink，我試左一啖，對我嚟講好苦🤣 但男朋友覺得真係有種墨嘅感覺，對應返佢個名。餐廳氣氛好chill，感覺好適合大家返完一日工，嚟傾下計輕鬆下。呢間我會擺落pocket list，如果有一日朋友約飲酒，我會推介呢間。
= TAP - The Ale Project // 旺角黑布街19號地舖 // 2468 2010 =
張貼
