美心西餅 (已結業)

又係食tea嘅時間，就決定去換D西餅嚟食...我換咗三個Le French Tart，諗住同朋友share...因為本人係hazelnut迷，所以就換咗三種唔同味道嘅榛子撻...(左上)香酥榛子撻->有濃濃嘅榛子味，食到一粒粒碎碎嘅nuts，上面放上嘅脆餅亦好酥脆...食完都唔覺得膩，(右上)朱古力榛子撻->上面嘅朱古力碎，加上可可粉，配上朱古力蛋糕，連個外皮都係朱古力味...乜都係朱古力，所以有好濃嘅朱古力味，但係太甜啦...好膩><食到一半已經覺得好漏... 另外，上面嘅cream，又甜又唔滑，認真麻麻... 完全唔適合做tea:/(下)XX榛子撻->同香酥榛子撻嘅味道差唔多，唯一唔同嘅就係中間個舊蛋糕... 蛋糕很鬆軟嘅，而上面類似焦糖嘅野，又酸酸甜甜既感覺，食落都唔錯...三個之中，最好食都係香酥榛子撻! 可以一試! 其他，就算唔食都唔覺得可惜...外形都幾靚幾吸引，但味道真係一般... 不過，以$7嚟講，係咁嘅質素...