泰好記

營業中

休息中

朋友係勁中意食泰國菜，今晚約左佢食飯就揀左呢間泰好記試下，估唔到又幾好味，價錢又唔貴。燒豬頸肉沙律豬頸肉爽口彈牙，沙律新鮮，醬汁酸甜開胃。拼盤(小)有炸蝦餅，炸雞卷，炸魚卷，三款小食都係熱辣辣新鮮炸起，沾上醬汁更為惹味。黃咖喱雜菜雜菜份量多，黃咖喱甜甜地，烘得香脆嘅蒜蓉包吸收哂咖喱汁超級好味。泰式乾炒牛河牛肉入口嫩滑，河粉炒得乾身唔會有油膩感，味道辣辣地。椰青大菜糕椰青清清甜甜，大菜糕口感Q彈。泰式奶茶沙冰奶茶入口茶味甘香濃郁，沙冰透心涼。