Boire et Manger (已結業)

坐落於繁忙軒尼詩道 Boire et Manger 由灣仔站B1出口步行約3-5分鐘即到達，位置極方便👍🏻餐廳主打法國菜，環境悠閑舒適，以Tiffany Blue做主調，影相打卡一流。✦ 是日餐湯 - 紅菜頭好濃郁紅菜頭味道，入口好滑身。✦ 新鮮生蠔🦪嚟自美國嘅生蠔，海水味濃郁，配醒神開胃嘅紅酒醋，不錯的！✦ 煙三文魚配柚子醬生牛肉他他經常會食到，但煙三文魚他他第一次試，配清新柚子醬，又係一款開胃前菜。✦ 香煎比目魚呢款係我最喜歡菜式之一，白雪雪嘅魚肉好彈牙，擠少少檸檬汁，更能帶出比目魚嘅鮮味。下面仲鋪滿多款海鮮，有蜆、帶子、魷魚等等，又有薯粒做伴菜，好豐富。✦ 法式油封鴨髀好飽滿嘅油封鴨髀，亦係好喜歡法式名菜之一。鴨髀皮脆肉嫩，表皮鬆脆、皮肉之間的油脂酥香，肉質軟腍。而配菜就係健康藜麥，粒粒藜麥好爽脆。✦ 法式可麗餅甜品當然要食法式可麗餅😍有多款味道可供選擇，有焦糖、蜜糖、朱古力等等。而我哋就揀咗雜莓味，餅皮薄身又帶蛋香味，配埋雜莓，令人簡直難以抗拒！✦ 朱古力心太軟 一切開心太軟，朱古力漿就好似噴泉式湧出嚟，配Movenpick雲呢拿雪糕是絕配。