スーパー丼 (駱克道) (已結業)

地址－スーパー丼 (駱克道)銅鑼灣駱克道501號地舖💋雪糕咖喱吉列豬扒飯(大辣)配動感超人芒果特飲，首先係門口度已經見到勁多小新，絕對係心心眼，入到去之後見到雪糕居然出現係咖喱飯內，唔好講咁多，即刻叫黎食下，一上枱見到佢碟飯份量好大都唔及佢雪糕躺在咖喱汁上咁震撼，首先佢個咖喱汁真係好辣下，但配埋雪糕的加持下，辣度至少降低左一級，可以想像好似咖喱汁配埋D呍呢嗱味忌廉咁，好特別，真係去到必點！而佢塊吉豬好厚身，炸得好香脆，配埋呍呢嗱味咖喱，勁正。而飲品方面，我地揀左動感超人芒果特飲，首先已經比佢個賣相吸引左，再飲落酸酸甜甜咁，更進一步地解辣，而最後，佢跟埋腐皮壽司同麵鼓湯，真係想唔飽都難。💋吞拿魚腩蓉，三文魚籽，溫泉蛋丼，佢D吞拿魚腩蓉肉質肥美香滑，將佢連同三文魚籽，溫泉蛋一齊撈埋黎食，每一啖飯都完美地被吞拿魚蓉，蔥粒等包圍，食落口同一時間感受到魚蓉的香滑,三文魚籽在口中爆發的口感，味道又帶一點溫泉蛋黃中的蛋香，口感味道層次勁豐富，令人難忘。