ZipZip

營業中

休息中

餐廳：ZipZip（前身係Mamaday，裝修都唔同左）地點：銅鑼灣霎西街菜式：玩味cafe餐牌：小食，沙律，早午餐，比薩，飯，烏冬，麵，甜品。飲品有酒，咖啡，牛奶，奶昔，沙冰，梳打，茶。美利堅合眾國草飼牛扒 $198 另加一美利堅合眾國草飼牛扒一客8件已經切好，揀咗medium rare，有血水，整得剛好，外皮少脆，入面好嫩，又有牛味，面頭簡單灑上香草調味，可以點另上燒汁食，味道都唔錯。伴有少見既蝦片兩大片，好香脆。另外伴有一細兜燒粟米粒。配有新鮮沙律雜菜同車厘茄加左香甜黑醋，水果有新鮮火龍果同藍莓。食落酸酸甜甜，好開胃。自家製73.5%心太軟 $68 另加一自家製73.5%心太軟擺盤簡單。朱古力心太軟夠熱，果然係薄薄外皮入面包住大量香滑朱古力醬，面頭撒上糖霜。伴有一球雲呢拿雪糕，上面擠上朱古力醬，下面墊有大量曲奇餅碎。暖暖朱古力醬配冰凍雪糕再加上大量曲奇餅碎，味道口感都唔錯。呢個價錢唔算貴。呢度處處打卡位，同食物影相好唔錯。