【編輯推介】Happy Hour嘆盡多國特色手工啤

約埋三五知己落吧飲返杯輕鬆下，澳門人通常都會揀喺晚飯時間過後約22:00或更夜，同香港人有啲唔同。因為港人比較鐘意收工後直接去happy hour，而澳門人就算返屋企食個飯先出嚟都十分方便。所以澳門的酒吧一般都較遲才營業，而今次介紹嘅酒吧Agora夜晚七點就開門， happy hour又得宵夜時段摸杯底亦得，除咗有勁多啤酒選擇，他們供應嘅熱食水準亦相當唔錯。

下載OpenRice優惠券，可享有9折優惠(更多)

Agora提供眾多啤酒選擇，另有多款紅酒同白酒，簡直令人花多眼亂，支支都想試！主要係嚟自美國、英國、澳洲、日本、德國、比利時嘅手工啤酒，台灣及香港自家品牌亦都一樣可以喺度搵到！(店家採用電子menu，以酒名首個英文字母排序，方便客人挑選)

Brothers(英國)
佢係蘋果同拖肥味嘅CIDER，味道較甜，容易入口，尤其適合女士或怕啤酒苦味人士。

（左）TACO(澳洲)、（右）Yeastie Boys(美國)
TACO雖然喺澳洲出產，但一睇包裝就應該估到其實佢係走墨西哥風啦。飲落會有淡淡墨西哥肉醬嘅香味，它係以小麥酒底釀造嘅白啤，屬於清爽類型。

而Yeastie Boys係IPA類型手工啤，酒花味香濃，帶少少熱帶水果風味。

IPA啤酒係近年廣受歡迎嘅啤酒類型之一，特別係美國人就十分鍾情IPA嘅野草味。IPA全名係Indian Pale Ale(印度淡啤酒) ，但唔好以為係因為印度出產，其實係有段故嘅…話說十八世紀當時，大不列顛成功統治殖民印度之後，好多英國官員同人民都紛紛去到印度生活，於是英國嘅啤酒商就決定將啤酒運過去賣，當時冷凍儲藏技術仍未發明，基於運送過程長久，運到一半酒就已經變壞，最後倫敦一間酒商諗到一個解決方法，就是將原本嘅pale ale(淡啤酒)特別加多啲具有保存作用嘅啤酒花同提高酒精濃度，因為啤酒花同酒精係細菌嘅大敵，IPA從此得名。