新鴻發咖啡美食

營業中

休息中

#乜乜飲食日記 🔺適合1-4人 🔺要排隊 🔺茶餐廳速食速走格局———————————————「西多麵包厚都Keep到脆同挺，仲有兩層花生醬，西多控表示100分！！」 ———————————————🍊法蘭西多士 $28.5》蛋香、挺身四正係西多的最難做的地方，都一一恰到好處，仲要兩層都可以鬆脆，真係老茶記先做到～🍊乾炒牛通 $39大熱必食～乾炒牛通真係好少見，牛肉就炒通粉入哂味，通粉好爽身，好味！🍊豬扒芝士菠蘿包 $32.5》依個反而有少少失望，菠蘿包唔熱，芝士都唔溶，豬扒好夠味，但整體就唔算特別，寧願食多件超厚西多士。。🍊熱奶茶 $12.5》濃滑的茶記奶茶，12個半真係好抵飲！…………………………………………新鴻發美食 - 🍊賈伯樂店：高士德賈伯樂提督街55A號地舖…………………………………………#乜乜澳門 #mug4fun #乜乜吉吉 #抵食 #foodie #澳門美食 #西多士 #豬扒包 #通粉

成日聽澳門好多野食，但其實自己唔係好識搵，估唔到求其行入一間茶餐廳，竟然有網上盛讚嘅特式食物 - 乾炒牛通！其實餐廳仲有好多其他野食，所以唔食牛/怕油都唔洗擔心。一坐低伙記就介紹我地食乾炒牛通，所以就叫左黎試下，先知原來係網上有介紹，係澳門出名嘅美食。呢碟乾炒牛通真係幾好味，佢冇平日食乾炒牛河最怕嗰種油膩感，牛肉肉質亦夠鬆化，完全唔會韌。不過我自己覺得換左河粉做通粉其實唔算有太分別，不過都幾有噱頭，同埋都好少見，夠創意！我地仲嗌左個厚多士，四個人share 啱啱好，唔會換左厚就好硬，中間亦有一大片花生醬，一啲都唔孤寒！