柏林頓班戟屋(美式班戟專門店) (已結業)

今次來到澳門睇演唱會, 順道來找尋美食。早前看了報紙一篇食評介紹, 馬來西亞過江龍的班戟店, 主售班戟。先來兩柸飲品,草莓之吻及歡樂奇遇, 兩柸都mix得好好味,不會太甜。草莓之吻: 草莓+草莓雪糕+梳打歡樂奇遇:奇異果+青檸+荔枝+ 梳打自家製牛肉漢堡扒, , 配上蘿圈, 新鮮蕃茄, 青椒, 洋蔥, 底面再加兩塊班戟, 炸薯條。漢堡肉汁充分夠厚身, 很有滿足感。水果百寶盒:特製的迷你班戟稱「金錢班戟」, 一口一個,伴以士多啤莉,香蕉,荔枝,水蜜桃,葡萄,葡萄乾, 椰絲, 醉花生, 加上雪糕, 賣相吸引, 迷你班戟多達二十多塊, 充滿蛋的香味且帶少許甜味,不用沾cream也好味。

上星期聽到有朋友說澳門新馬路附近有一間食班戟的專門店，自己本身比較喜愛食班戟，所以立即跟女友過大海一試究竟!星期六的中午1點到達店門口，需等位15分鐘，最後點了3款班戟，一甜，一鹹，一甜品!澳洲班戟漢堡漢堡扒有肉汁，比M記既厚2倍以上，而且食得出由數種香料醃過，但香料味亦不會搶走肉味，再配上太陽蛋，蕃茄等材料，不錯!水果百寶盒由香蕉，草莓等其他水果組成，再配細細粒既班戟仔及雪糕，好味!!(如果食哂雪糕都未食完D既班戟仔，可另配楓樹糖漿食埋佢!!)草莓水蜜桃班戟此班戟既材料個名已經講哂出黎~~面頭既係草莓醬，比較甜，唔想太甜既我諗落單前應該可以同店員講落少D!!總括黎講，下次去澳門我諗都會再去食!

細個間唔中就會去M記食熱香餅，但直到今年3月，澳門突然開左一間班戟專門店，於是就去左一探究竟，唔好講咁多，睇相!忌廉白汁意粉--意粉係澳門黎講OK,有口感，份量亦夠!加洲班戟!--呢款係以芝士做底既班戟，班戟入面有車打芝士，配薯餅，芝士沙樂美腸同2條大香腸，大香腸入面都有車打芝士，不過條腸略咸，一定要配班戟食!墨西哥雙層班戟漢堡---呢個漢堡等左我地30分鐘，不過店家解釋係即煎同埋因為塊扒厚，需要一定時間整熟佢!講番個漢堡，份量不得了，好彩我地4個人SHARE O岩O岩好!漢堡扒亦有肉汁，但未算超JUICY!水果百寶盒---呢個唔係一般糖水鋪既水果甜品，其實個底入面全部都係細細粒既班戟，但食呢個要快,我發覺放耐左D雪糕溶哂之後D班戟冧左就冇咁好食LU!呢間野整體黎講我覺得OK，間唔中都會再去食!