法蘭度餐廳

營業中

休息中

第1次嚟黑沙海灘呢邊，知道有呢間都算好耐嘅葡國菜餐廳，所以12點前已經排隊等開門，去到都已經有幾個family向到等緊，然後陸續都有人排隊，看似真係幾出名咁，等到侍應帶位，到落完單，基本上已經滿座。燒乳豬- 葡菜我一定會必點嘅，呢間個皮都係好脆 肉質都好滑，仲配薯條同沙律菜，必食！！炒蜆- 好入味，好多蒜蓉，味道又唔同平時食嘅豉椒炒蜆，整體嚟講都好好食。馬介休球- 又係必點葡菜，好香嘅魚味，初初以為應該會好咸，但食落又唔會。釀魷魚- 幾特別，同埋啲魷魚幾有咬口，不過個人覺得偏咸，如果有白飯就會比較好。SANGRAI- 唔太好飲酒嘅我，最後都飲左兩杯，佢嘅酒味係偏淡易入口嘅。

大熱天時過大海(澳門) 走一走，成三十幾度真系有d頂唔住 落船後即刻飛奔坐車仔去賭場遊個圈，之後過氹仔行下嘆杯啡吃個撻才去黑沙食晚飯。位置偏離市中心的葡國餐廳，氹仔打的要成80蚊都唔平(因為坐巴士實在太耐) 為由用錢買時間。 叫支啤酒爽下先 仲有個脆脆大麵包 好味天氣熱到爆燈無乜食慾，所以只叫左招牌燒乳豬肉質嫩滑夠juicy，不過感覺有d油，皮唔夠脆身。 洽菜芯 雖然賣相有d 走樣 估唔到有驚喜 菜芯超嫩無渣 好正總括黎講，食物OK，餐廳僱用全葡人，但識講廣東話。另秋天黎可能好d因為呢度無冷氣

每次遊澳門 我們一定會到法蘭度餐廳 品嚐葡國菜!超級喜歡那裡既古典既環境及帶點浪漫既氣氛~紅磚牆加上整個裝潢令你慼覺置身歐陸~菜式也超讚!! 特別推介 葡式燒乳豬~ 其他菜式如紅豆豬手、燒馬介丘也不錯~值得一試~!!!價錢OK~ 每道菜式份量都很大~二人去叫2道菜加一道小吃已經很足夠了餐前 餐廳還會送上麵包建議早點去排隊 ~ 

朋友極力推介去澳門要試下法蘭度雖然黑沙灣比較遠 不過都去試下炸馬芥休球同蘋果汁馬芥球好正！外層好香脆 但一咬落去仲食到薯泥同馬芥休鬆軟既口感味道咸咸地 但好香口 作為前菜好正烤乳豬外皮烤到好脆身 有少少似港式既烤法但下層既豬肉仲好嫩滑 一咬落去先食到脆卜卜既皮 之前係嫩嫩既香烤豬肉溶入口中 好幸福啊！最底有薯條同沙律菜沙律菜有洋蔥好正 清除左豬肉油膩既感覺

很少到澳門, 一場到來, 總想吃點好。朋友說這葡國菜餐廳很有名氣, 所以就冒名前來一試, 結果倒叫我失望。首先, 服務態度必須改進。極微量的招待已令我反感, 有職員對我們視而不見, 縱使有人招待, 亦不甚友善、禮貌。食物質素都有感名過於實。即使當時天氣頗冷, 也不至把食物端出來就冷吧?! 就是失望!或許真的有捧場客, 但我只能說那一定不會是我!!!

夜晚諗唔到食咩，朋友話之前試過呢間餐廳，咁我地一行六人搭兩架的士由新酒店入去食。因為無訂位，就坐係出面個露天AREA等，大約十五分鐘左右就話有枱，俾我地先。確實，朋友介紹係無令人失望，燒乳豬係嬴晒，外脆肉嫩，配埋生菜一齊食更帶出乳豬肉味。個辣蝦都好味，好入味，其他葡國菜都OK，只係乳豬較為突出。食完夜媽媽去沙灘行下消化番呢餐咁豐富又好味既葡國菜。

睇呢度食評好多讚，朋友又去過幾次，等幾耐都要排，因為真係好好食！今次過澳門點都要試下，坐了大半小時巴士終於來到，但原來開十二點，只好行下沙灘影下相，其實黑沙灣又真係冇咩睇，所以提早十幾分鐘在門口等啦，越等越多人。。真係咁好食？ ! 十二點終於開門了，穿過簡單的門口，原來入到去別有洞天，後園是大大的用餐區，充滿異國的優閒風情，這裡沒有冷氣，但11月的氣温加埋風扇舒服不過，點菜喇！ 燒雞半隻，燒乳豬，炒馬介優，兩個湯， 蟹煲等，先來豬仔包，好硬唔太好食，比三個我地真係浪費左，講燒雞微辣雞胸不"鞋"口， 炒馬介優唔熱，其實真係唔知馬介優係點樣，只知是一堆野冇咩特別，好似雞蛋炒雜菜咁，兩個湯古古怪怪，蟹煲隻蟹肉實淨有蟹膏但唔香成隻蟹都冇蟹味，只有調味，調味是用來帶出食物的鮮味， 而不是將調味放在食材上食調味，$358 真係極唔抵，如果到坪洲快車可以食到又好食又抵食的真正靚蟹。打個比喻呢間野(法蘭度) 個蟹煲，只可與酒樓的粉絲蟹煲相比，咁當然隻蟹係大D 靚D 囉，最後是隻乳豬，好友極力推介，因為之前食過好幾次，香脆肉質鮮味真係即燒果種，好友當然希望想和我們一起分享，乳豬到，滿心歡喜雖然$168

為了趕及晚上八時半的船及避開晚飯潮, 5時多便乘巴士去. 非常舒服, 巴士上有位坐, 餐廳亦不多人. 環境真舒服, 可能無乜客人; 可以安安靜靜, 優哉遊哉食一頓飯, 美極.點菜後, 即來了三大個麵包, 可惜唔係熱的, 不過後來點汁食, 真係可以成個食晒.燒大蝦 : 肉質有 D 散, 可能天氣熱, 可能唔太新鮮.  但調味不錯炒蜆 :  調味一流, 用來點包一流, 雖然有D 油膩, 但值得一試. 蜆肉肥美飽滿, 但間中一兩粒蜆有沙.燒乳豬 : 味道適中, 不太鹹, 肉質鮮嫩, 果然係推介. 但個人認為可以再燒耐一點, 皮可以再脆一點.  伴碟薯條吸晒D 油, 又 '林' 又油, 見到個樣都唔係好想食; 如果可以改為 side dish 上就好了.燒豬骨 : 完全過火, 鞋過鞋底, 無調味.... 敗筆   這碟薯條比燒乳豬的好一點, 因為鞋底豬骨無油滴下去.蛋布甸 : 質感似 Custard, 係朋友叫的, 我無試, 因對西方甜到漏的蛋漿物體無太大興趣.

由於法蘭度這裡不切訂檯，所以我們特地早一點來到吃個晚飯，希望避開晚市的人潮。我們大約六時左右到達，這個時候還未開始要等位，真好。於是我們便進人餐廳內，看看餐牌再點菜。先送上是免費的農夫包，每個都十分巨大，為了要留點胃納來吃這裡的食品，所以我只吃了半個。這個農夫包外脆內軟，塗點牛油來吃，十分不錯。葡式燒乳豬燒得皮脆肉嫩，皮和肉之間有一點點脂肪，吃來更加甘香。墊底的薯條是粗身的薯條，炸得金黃而且有薯味。可惜是這裡表明不提供茄汁，所以也不要問店方取茄汁，不過這個薯條淨吃也不錯。燒雞味道一般，燒得乾了一點，好處是雞皮不太肥，健康一點。相比之下，這裡的燒乳豬出色得多。吃了這麼多肉類也需要吃點蔬菜來平衡一下，這個什菜沙律簡單的用上蕃茄片，洋蔥，生菜及黑水欖，再加上大量橄欖油同吃，感覺很清新。雖然這裡沒有冷氣，但幸好這裡的通風也不錯，吃起來也不會太熱。

第一次去法蘭度吃飯的時候, 一到步已經愛上那邊的環境整間餐廳佈置得很有特色, 穿個第一部分用餐區會發現一個露天的酒吧區域每次來要等位的時候都會在那邊點一杯飲品跟朋友們聊聊天, 等候用餐的時間也不會急躁很好的地方, 令人很放鬆, 在香港找不到這種感覺葡國啤酒 等候時點的葡啤, 十多元一枝很抵喝餐包餐包大得有點誇張, 外面脆而內裹熱烘烘很好吃什菜沙律只是常常見到有外國人在吃好奇點點看來試, 蔬菜份量很多而且挺新鮮的,不過有兒清淡和寡口, 是可以減去葡菜油膩及濃味感, 可是不是我杯茶呢Sangria這裡的sangria是我每次必定會點的項目, 入口順滑而酒味香濃, 比起很多葡色餐廳為了將價就貨倒一大堆罐頭什果而且酒精比例減少以致死甜的水果酒法蘭度做得很出色了。葡國炒蜆炒蜆的醬汁加上大量芫茜及蒜蓉, 紅色的蜆汁用來沾麵包好吃非常, 蜆肉每次來都很穩定, 都很飽滿和空殼很少很少, 絕無欺場。2人點半份就已經很足夠了。蜆汁蝦顧名思義是跟炒蜆的汁底是一樣的, 但配上中蝦鮮倍感鮮味。蝦肉可能稍欠新鮮度, 可是大大隻已脫殼的蝦沾上濃濃的汁料滋味道還是爆登的。這是必定會選的項目。澳門炒飯比較冷門的選擇,那

朋友之前試過呢間餐廳, 推介我地黎黑沙灣因為番身封左, 法蘭度成為唯一的景點同餐廳因為只有一間餐廳, 所以雖然無門牌都好易搵到我地十二點幾到達, 初時在門口見唔到有人食, 有D擔心...點知原來行入去有個大廳, 果度先係用餐的地方, 都幾多人食大廳隔離就係花草樹木, 所有好有大自然feel, 但係就有蚊...餐廳比較歐式, 只提供付費樽裝水, 亦有餐前麵包餐前麵包很大個, 亦很脆, 好味我們點了炒蜆及乳豬炒蜆很鮮味, 沒有沙, 蜆肉亦很大乳豬係必食推介, 皮很脆, 肉很嫰個人覺得比King Ludwig的豬手還要好吃伴碟的沙律亦很新鮮雖然只係試左兩款菜, 但整體覺得法蘭度很著重食物的質素兩款食物的質素也很高下次黎澳門都會再試!

因為太太聽她的同事介紹這間葡國餐廳好食,所以我們便搭巴士到這裡食飯,我們在新馬路搭了差不多45分鐘車程,終於到達黑沙灣,在澳門需要搭45分鐘車我都是第一次,所以黑沙灣都真是幾遠.雖然它的門面不是太突出,但這間餐廳在海灘隔離,所以很容易便找到,不過聽講呢間餐廳好多人排隊,但我們因為要趕船,所以好早去唔駛排隊.不過這間餐廳有4點要注意:1. 全年365日冇冷氣2. 冇茄汁(但大部份菜式都有薯條跟)3. 冇飲用水供應4. 款式選擇很少幾脆,點醋食,我太太很喜歡,但我就一般.皮不是中式的脆,但葡式已經屬於脆,味道又好,唔錯.燒沙甸魚,鹹味適中,幾好味.由於冇水供應,所以我們每人叫了支葡國啤酒.雖然呢一餐都幾好,但冇冷氣,冇茄汁,又冇水供應,都幾串.

行到最後的一站就是黑沙灘，來到這兒遠，不知道有冇做出錯誤的選擇一出巴士，往前一點就是法蘭度餐廳，再前一點，就是黑沙灘，我系度念，如果法蘭度就系海邊，甘的餐廳真系贊講返食物我地叫了1-燒乳豬2-烤魚尼葛就系一人分的燒乳豬，真系好吃，吃佐無油膩，又爽口。平時我都無系很中意食肥肉但是這個真的不膩不油呢條魚雖然唔系咩名貴魚，但是卻烤的很均勻，加上那個配料汁，味道真好。記得淋漿哦其實，除了那個主菜，值得一提的是每一樣主菜的配菜都很好吃，加上這個麵包，還是剛烤的，真的一級棒雖然這個法蘭度遠了，但是食物還是值得吃的，但是我有點怨言就是價格高了些。我覺得如果價格能更大眾化，會能有更愉快的進餐環境

雖然好熱, 但都照o黎。今次好快有位, 不過係坐係門口位, 好熱呀....熱到好似係火爐咁架...好辛苦, 下次一定要坐入面口呀...燒乳豬皮簿香口, 今次食冇乜肉食, 只有脆皮同脂肪。麵包好好味, 又熱又脆架。燒倉魚好好味, 最鐘意個汁, 酸酸地好味, 同燒乳豬一樣次次都食架。食到好飽, 好低食, 好滿足啊...

朋友介紹到此葡菜餐館..很有風味....是不可訂位的....我們進去後剛有位..其他人到來都要等啊~真幸運....朋友介紹下選了一個葡式燒乳豬...皮很脆...蕃薯條帶了一點甜..我很喜歡..吃不停口一個馬介休炒飯...味道平平啤酒牛扒....味道少少甘香....一d也不苦.....很特別....今次macau 之旅不往此行...忘記了一讃是前菜法式飽..外脆內軟..又不會拉扯了牙齒....一口一口的分明....我見鄰枱還外賣了幾個外賣...mop 4 一個..