祥記麵家

營業中

休息中

偶然認識了這間店，食完先知 祥記麵家係 2017米芝蓮推介的餐廳之一。與朋友同行澳門﹐他說幾年前光顧過一間麵店﹐想再去食它的咖哩牛腩麵。好吧! 澳門跟香港一樣，小店已賣少見少﹐就跟著他試試看吧!👊😊這店原來是澳門的老字號麵店，出名出產傳統竹昇及麵蝦子撈麵。一到店已座無虛席，我們四人在外等了一會。店內賣點之一﹕傳統竹昇麵! 夠爽口彈牙口呀! 配搭鹹鹹香香的蝦籽，好開胃呀！但是蝦子及竹昇麵份量比預期少。鯪魚球表面加了一層米粉，香口而不太油膩，外脆內軟! 鹹鮮的蜆介醬是精粹，提升整體鮮味！炸魚皮食得多﹐灼魚皮真你第一次試。魚皮灼得晶瑩剔透，好有彈性，好有口感。這道菜色在香港已很難找到﹐有機會大家要嘗嘗。 薑蔥豉油用來癖腥，更能帶出魚鮮味，整體好搭，但略嫌魚皮味道太淡。無得講，麵係店內賣點之一﹕傳統竹昇麵! 夠爽口彈牙口呀我無試個咖哩麵，但朋友話唔辣，咖哩味好香，可惜的是份量較少，唔夠喉🤣

澳門祥記出名蝦籽無人不識、未食過不算到過澳門。今日落著滂沱大雨、無懼。。。！蝦籽撈麵上枱已聞到陣陣蝦籽香氣、隨即拌勻蝦籽和麵。麵質爽口有靱性、疍味香濃。　蝦籽的鹹香滲入麵中、確係平民的珍品。炸雲吞、炸綾魚球雙併雲吞入口咔咔聲、鬆脆可口、沒帶點油膩感、醮少許甜酸汁更加好味。綾魚球比較實、魚味欠奉、失望！桑寄生蛋茶清淡的茶味、不會過甜。蛋隻完全充滿茶香。

Day 2勁食之旅第5站 - 蝦籽撈麵由大馬路 > 行上大三巴 > 再經果欄街 > 去埋大碼頭街啲時香買蝦籽/魚皮花生 > 食到第5站…終於到左祥記麵家。慕名而黎，行到過黎差不多5點幾，下午茶時間過哂，晚飯時候又未到，所以都唔算好多人，入去已經有位，不過依然要搭枱~但由於真係太飽啲關係，我同Cobi爸只係叫左一碟蝦籽撈麵 + 油菜 + 2枝大可樂~蝦籽撈麵啲碟頭好迷你(平時啲我一定彈佢細碟，但食濟左啲我就讚佢啱啱好~哈哈)，聞到陣陣啲蔥油香味，而據了解D麵係用鴨蛋打啲，所以好有蛋香，全冇鹼水味，廚房響出菜前加左少許啲醬油+豬油淋響D蔥花上面，簡直香噴噴到冇人有，最後當然要加上第2個主角蝦籽啦~入口只感覺麵質果然好彈牙，麵條睇得出係人手製做啲，有粗有幼，自家製啲蝦籽鹹鹹地鮮鮮地，非常惹味，不過略為唔夠乾身，蝦子份量適中(太多的話會苦…)。總括黎講，祥記啲蝦籽撈麵都算好食，鍾意食竹昇麵啲粉絲們順路經過黎食都唔錯，如果話要等成大半個鍾黎食個麵就好似勞師動眾左啦。走果陣買左2樽蝦籽做手信…嘩!一D都唔平，成$85一樽，不過都獲得好評。(自己都試過加左落個炒飯同白

第1次去澳門玩,就特地上網search 下有咩好食..見好多人推介哩個,所以試下..但覺得祥記既蝦籽撈麵都是一般般..而且個酥炸鯪魚球好多油!!!

兩個人叫左:兩個蝦籽撈麵 - 果然名不虛存，蝦籽鮮味而且麵好彈牙，講起都想食多次呀南乳豬手不過不失，夠軟淋但味道唔算好入味。炸鯪魚球一定要食，成十粒一碟，炸到外脆內軟，唔食真係走寶!

白灼魚皮,爽滑彈牙,但個豉油太咸啦,可能淨食唔係咁啦.米通炸魚球,炸得好香脆,唔油膩,2個人食哂成碟都ok蝦籽撈麵,蝦籽好香呀,d麵又爽喎,撈埋d豉油食唔會太咸,good!雲吞麵,麵身當然都係爽啦,雲吞係細細粒,蝦同豬肉比例傳統雲吞,正!

那間之前睇電視／旅遊雜誌都有介紹過，順路就過來試試灼魚皮～好爽好脆，一食難忘！三個人一下好快就食完～蝦籽撈麵～蝦子好香好味，可惜我覺得份量真的好少！另外仲叫了雲吞麵，份量同樣偏少啊～～

灼魚皮 $14 好爽,好脆 蝦籽撈麵 $19 可以一試,都幾好食 金沙鯪魚球 $28 炸得個皮好脆,裡面d魚肉有魚味,加埋個蜆汁. 正!