三元粥品專家

營業中

休息中

9/11 夜晚9點半去到, 唔太多人, 仲有卡位坐...第一時間叫金銀丸粥......點知咁早已經無牛丸了... 咁轉叫肉丸粥, 老公叫左肉丸魚片粥...我覺得d肉丸超好味, 有肉汁又彈牙!! 正...老公話佢d魚片好新鮮, 所以碗粥好甜...香港無一間鋪頭可以整到d肉丸咁好味...下次一定要早d去食金銀丸粥...

價錢$18~不過佢開早上0700-1100, 晚上1900~2400同埋唔太多位~~佢d肉丸好棉加小小胡椒粉更好味~佢會問你加唔加蛋~~我冇食加蛋其他人話加蛋好滑

試左最出名既牛肉丸粥，豬肉丸粥肉丸好食~ 牛比豬較為濃味，但豬比牛又較為軟滑想2樣都試就叫金銀丸粥....個粥底就稀稀地，有d味精果隻....成碗係好食的，不過無surprise的感覺lor....好多人話d阿姐態度差.... 但都ok咁啦....仲主動介紹邊隻粥出名(雖然好似播錄音既tone..... )我地4個人叫左3碗都無講d咩，無黑面如果想食真係要早.... 最遲11點前要到....佢地收12點，有d好賣的粥已經賣哂架喇PS: 佢地d匙更都幾污漕，抹下先用呀！

原本沒打算來澳門吃粥, 但很多的推介, 想知真的那麼好吃？想比較豬肉丸還是牛肉丸好吃, 於是點了金銀丸粥, 粥來了, 看到滿碗也是丸, 以為會很膩, 一試之下, 嘩, 原來兩者也很好吃, 一碗還不夠喉, 結果再點了多一碗來吃, 回到香港仍然想念著肉丸粥, 於是, 在香港的粥舖又點肉丸粥來吃, 希望能找到近似的味道, 可惜卻不是那一回事肉丸: 超級好味, 肉汁鮮味無比, 簡直是無敵粥底: 很棉很滑, 但稍稀, 還比較淡, 不知是否太多人的關係, 肉丸沒煲出味便要上檯的原故環境: 請有心理準備, 來這裡是吃東西的, 不是談天說地的

第一站--三元落船之後就即刻黎啦~搵左好耐都搵唔到呀... ><好彩皇天不負有心人最後都搵到間舖都幾舊下~而且幾迫...唉, 唔理, 叫野食先~個亞姐gei 態度... 都幾差ga wor!因為我地三個人食想留肚食其他野所以淨係叫左一碗牛肉丸粥, 一碗豬肉丸粥同一碟油炸鬼我地明明只係叫2碗個亞姐落單gei 時候竟然同我地講:"三碗下話!"嚇到我地大叫: " 唔係呀, 2碗jar!"亞姐即刻黑面, 好似話緊我地三個人叫兩碗粥咁少...亞姐明明落左單但都可以唔記得lor...我地碗粥食左一半, 吹左三次點油炸鬼都未黎...oh no!牛肉丸粥and 豬肉丸粥(MOP16@), 都幾有牛味gei~ 反而豬肉丸就無乜豬味啦... 一碗有6粒丸, 都幾多下~粥底都幾綿, 但係就落左好多"師傅"lor, 食完好口渴... 油炸鬼(MOP4.5), 望落好似好脆咁, 但食落係又凍又un lor.... 諗住咁耐都唔黎, 應該係整緊ga la, 點知, 哈哈哈...其實我個人(and 同行gei 朋友仔)認為佢d 肉丸粥唔係唔好食但唔係好值得專登黎食lor而且亞姐d 服務態度超差好似唔

我晌10月10號星期五到澳門一趟，第一站想嘆下三元肉丸粥，點知一去到己經關門休息，再睇睇門口個牌，營業時間：早上7點至中午12點半，夜晚7點至零晨12點半，所以想食既朋友一於要緊記中午休息時間呀，等此通知！KL

拎住本澳門旅遊書.見到呢間超過30年歷史既老粥店就諗住去試下啦..不過原來呢間粥店7點幾就有早餐賣.. 我地十點幾先去有d晏.. 得返唔係好多野揀..一入到去. 個粥店有d暗. 同埋有陣味 -.-" 怪怪的..仲有d阿伯坐起度"R"腳 -3-" 唔係真係好多人幫襯..可能因為係星期二.. 因為去到澳門想留肚試下食其他野. 所以2個人share一碗粥啦..個老闆娘不停咁問我地叫一碗咋咁.. 感覺不太好"我地叫左碗牛肉丸粥.. 又真係幾好味既..特別係D肉丸.. 又香又有肉味,又多汁.. 幾正幾抵食, 不過間粥店感覺似招待街坊 多過招待遊客就真.

晌出呢個食評前見到 7 vs 0 vs 0 呢個景況, 搞到我出呢個非笑面既食評, 真係覺得有 D 唔好意思.... 早上 10 時左右, 已經店內人頭湧湧, 慶幸店外沒有排隊, 一入內便有食客離開... Yeah~ 首次光臨, 當然試其招牌菜 - 金銀丸粥 肉丸 - 真係無敵, 無論豬肉丸抑或牛肉丸, 都算是暫時吃過最好味的~ 粥 - 咸淡味道剛剛好, 可惜受了前一晚晌 "帝王點心" 嚐過無敵粥底的影響, "三元" 既粥底即時給比下去... 油條 - 不是即炸的, 一大籃放在筲箕上, 冷冰冰的, 卻因為 "粥+油條" 的傳統配搭文化而極受食客歡迎, 賣剩最後數碟, 店員即是變了拍賣官, 大叫 "淨返最後兩碟, 邊個要??" 同場友人那碗粥更附送小動物一隻, 雖則不是出現於我那碗內, 但畢竟粥底應該是來自同一處吧.....

電視效應，店裏人山人海，擠得水洩不通。粥品各分大小，每碗相差二元，另有油條、生魚片等小吃供應。小的肉丸粥也給了八大粒肉丸，把瓷碗擠得滿滿，賣相吸引。豬肉新鮮，肉丸有咬口，味道不錯。朋友說白粥過鹹，我倒不覺得，但粥底稍為稀薄，倒是真的，特別在試過肥妹粥品之後，後者的粥軟綿可口，三元那碗，就更容易被比下去了。

5-6-08 (四)吃完酒店的自助早餐，肚子雖然飽了，滿腦子仍是 “思飲思食”，三元粥品，遠近馳名，很想試試豬肉丸粥。坐下只叫了一碗豬肉丸粥 ($16)，店方不但不介意，還拿了小碗叫我們分來試試。敢稱粥品專家，果然不是浪得虛名，很香很綿的粥底，肉丸鮮味無窮，好一碗超班的生滾粥。很想試其他粥品，但接著還有鎖定的目標，只好下次再訪了。舊鋪子裏，滿載著對粥品的熱誠，也洋溢濃濃的人情味。

一搭完船之後, 早餐又未食, 梗係要去醫醫肚~ 一早梗係去三元粥食番碗靚粥啦~ 入到去間舖真係超級細, 真係冇乜位可以坐, 不過一去到我就有位, 開心~ 我地食左 金銀丸粥 同埋 皮蛋瘦肉粥!! 金銀丸有豬肉丸同牛肉丸! 厘度D粥D味道好正, 唔會淡, 唔會太咸, 亦唔肉味精粥, 係好D新鮮肉既味道, 真材實料!! 加埋佢地同新鮮肉自己整成既肉丸真係正~ D肉丸唔會話烚得耐會好"鞋", 仲係好好味, 質感一流!! 黎厘度唔食肉丸我覺得係損失!! 另外, 個皮蛋瘦肉粥好多皮蛋呀!!!! 好多料~~~~ 雖然我覺得肉丸粥正D, 但皮蛋瘦肉粥都唔弱, 都好值得食呀!!! 值得推薦!!!! 可以試下~~!!!

即煮...大大粒豬肉丸粥...明顯係街坊店...都算抵食之選...食左肉丸弱和及第粥(都有3大粒丸)

慕名而來, 在福隆新街兜兜轉轉, 終於找到點了豬肉丸魚片粥(大), 和皮蛋瘦肉粥(大)豬肉丸有五大粒, 新鮮多肉汁咬了一口仍有肉汁在肉丸裡流出@@粥底味足, 魚片則普通~ 皮蛋沒什麼特別, 瘦肉則很滑但吃完有少少口渴我們十一時十五分左右到此店, 原來已賣到尾聲再有客人來, 店主亦稱粥已賣清光@@ 難以置信...早上十一時便賣清?原來他們只推出一定數量, 供早上售賣搬到台前的小廚房即做賣完便要等晚上七時再來怪不得營業時間是早上七時至十一時"多"

到澳門幾次都食足幾次，無法真係好食到不得了，大家可以試下食肉丸粥個陣可以叫佢加蛋，食起上黎D粥滑D正D不過如果唔加都一樣咁好味，要食返碗大肉丸先至夠候。下午時間唔開架，唔好摸門釘，早好就等佢開門前去到，因為一開門就會無晒位了，可想言之有幾好食啦 !!

我地叫左金銀丸粥　（即係豬肉丸＋牛肉丸）一碗有成７粒丸，粒粒都勁大粒，真係好FULL呀!不過真係好好味，好JUICY !我地都覺得豬肉好味過牛肉個粥都煮得好棉 好夠味男友仲加左隻蛋好味好多!*呢度只開早上0700-1100, 晚上1900~我地都摸過門釘 ,好在之後堅持再來先食到咁好味既粥 !