奧旋自助餐 (裝修中)

今日又去奧旋食自助午餐，2位 $456。今次冇左汽水任飲，點心蝦餃一貫的皮厚，珍珠雞比較多汁有點削，鳳爪好入味，燒賣肉汁豐富，义燒包d饀好少，奶皇包d奶皇比較實一舊舊。海鮮有青口，蝦及龍蝦仔，3款都幾新鮮，龍蝦仔仲有d海水味添。熱盤西蘭花炒蝦仁鮮魷，蝦好大隻又好惹味，琵琶鴨d鴨肉都幾嫩滑，蜜糖燒雞亦甜甜地又香口，薄餅細細件又熱呼呼的，餅底薄薄的帶點麵粉香，炸尤魚鬚粉太厚，就吾太得，即灼了一碗麵加喇沙湯底，個湯味好濃又有點椰香。刺身三文魚及八瓜魚各試了一件，三文魚油脂豐富，2樣都好新鮮。甜點葡撻水準依然，旦味香濃個皮又鬆化，麵包布甸個麵包面好硬，雪耳糖水得個甜字仲系凍嘅，蘋果批就好香肉桂味，入口濕潤，綠茶瑞士卷d綠茶味多到苦。

訂左今日自助午餐，12點去到，都幾多人。今次最大的出色位是現在包汽水無限添飲，不過要出去同d侍應講要乜野汽水，佢地系即刻開一罐比你，食物也比以前出色。珍珠糯米雞、葡撻一貫好味，日式煎餃皮脆內𥚃肉汁豐富，椒鹽豬頸肉又香又有咬口，燒鴨肉嫩又 juicy，薄餅餅底脆卜卜好似食緊克力架咁，紅豆沙吾太甜又有粒粒豆豆，桂花糕清香非常，燒賣肉質扎實有進步，义燒包細細個d餡味道調得甜度適中，韓式炸雞甜甜地雞肉入口嫩嫩的。比較差嘅有蝦餃d皮好厚，燒排骨好老又冇肉汁，麵包布甸就焗到好乾好硬，付竹糖水又浠又冇味。埋單 $496/2位，都還可以。

屋企人之前食過其他自助餐，今次同佢地黎就想黎呢間試下間舖係地下，樓底好高，加埋有唔同特色嘅食物，感覺好大間難得會食自助餐當然乜都試下啦壽司黎講今次比較少款，得5款卷物揀，不過三文魚刺身同吞拿魚刺身就唔差試左小小點心，表現中規中矩；肉類叫做入得下口，不過稍為有啲硬；葡式腸亦都可以一戰佢有供應雞串，加埋沙嗲醬都幾惹味overall黎講質素係唔差，只係款唔夠多，屋企人話另一間好食啲，不過我未試過就唔comment啦

今天過澳門準備明天跑馬拉松，於是book 左今日自助午餐於奧旋，現在下載微信優惠券可以二人同行，第二位半價，埋單2位 $388，都算抵食。食物方面，海鮮有凍蝦，青口，龍蝦仔，蜆仔，翡翠螺，但d螺有沙。刺身就試左吞拿魚及三文魚，師傅厚切，口感不錯。燒味油雞及燒鴨，選擇不多，熱盤燒雞扒不太新鮮，入口有點莓莓地，生炒牛肉飯好乾，葡腸又鹹又凍，四季豆炒豬頸肉好 juicy 好味，白酒青口，好香好入味，即燒沙爹雞串，好惹味，肉質鬆軟好好味，火腿、三文魚薄餅，熱熱的，餅底脆，細細件，好。冷盤有凍茄子，煙三文魚，八瓜魚沙律，cold cut，芝士碟，冇乜特別。燒沙甸魚，吾夠味。點心蝦餃皮好厚，燒買肉質有點不新鮮，奶皇包入面d奶皇一舊舊，义燒包包皮鬆軟好味，珍珠雞入面d料同d汁調味調得剛剛好，吾錯。即灼了一碗菜及幼面，湯頭味道不錯。燒肉眼扒，燒得生熟剛好，不下汁醬食也不俗，燒雞攞左隻雞肶就吾熟。甜點好一般，選擇也吾多，朱古力心太軟好硬，付竹白果糖水，好似水加糖，冇味，蘋果酥皮，外型美觀但入口淋曬，砵仔糕，其實系馬豆糕，神奇，木糠布甸，吾夠味，普通，葡撻細細個，微溫撻皮鬆化，連食3個，瑞士卷，旦糕食得出

訂了Conrad Macao連早餐套票，到位於地下的奧旋自助餐廰吃早餐早餐食物選擇很多呢西式的熱盤，煙肉、腸仔、磨菇、茄汁豆等等，煙肉微脆不太乾雞蛋部放著各款煮法的雞蛋，頗欣賞雞蛋鬆餅，挖空鬆餅放上雞蛋煎好，賣相可愛燒肉部有火腿及腸，火腿外面甜甜的，肉質保持嫩滑，好吃原板蜜糖超跨張呢，我用來加進牛奶中滋潤滋潤芝士只有三款，Ｂrie Ｃheese只有一丁塊，久久也沒放上新的日式早餐有燒魚、味噌湯、飯圑等，好像只有日本客人拿呢印度部的酥餅好吃啊，咖哩有辣有不辣，厨師還是位印度帥哥呢 (眼睛超迷人)中菜部有麵食、炒飯等飽肚之選 (沒有碰呢)點心有八款，友人説糯米雞有水準吃早餐任少了果汁，奧旋自助早餐果汁選擇超過十種，可以自由混合作特色健康飲品呢其實另外一邊還有糓類早餐，麵包等澳門自助餐必會有的葡撻，撻皮酥脆蛋漿不太甜，不用買安德魯了窩夫較硬，建議吃Pancake見到旁邊客人都在喝益力多，找了很久也找不到，問了店員，對方郤聽不明廣東話，我努力地用普通話説出“益力多"三個字，都是聽不懂。後來直接問其他客人，原來會不定時出益力多的，但絶對是被秒殺，有興趣者可守着乳酪區。

求救~~係澳門Conrad酒店食飯,叫了一個海南雞飯$148.整左25分鐘,即整算係有誠意.一上碟,個焦點唔係雞,又唔係飯,而係左上角個碟野.有花生,番茄,青瓜,洋蔥,辣椒同埋腰果.我就問服務員,呢碟野用黎食定係咩,佢都話唔知.我真係解釋唔到,碟野用黎做咩,粉絲們可以幫我研究下嗎?咁個飯雞味都重,但唔夠油潤,飯粒魚煙韌,合格有突啦.雞肉彈牙但唔夠滑,配埋重口味辣醬同甜豉油,不太差.係酒店海南雞飯來講屬中級稍佳水平.如果有機會,真係想問下個師傳佢比呢碟野我做咩....

第一次同老婆去澳門食buffet 。第一次去一間咁x 差既buffet, 一入門口， 問一下個reception , 我問：請問有無生蠔架？ 佢話：無呀， 唔食無所謂架，我地今晚都好爆！ 即刻著左😡！算！金沙城中心， 諗住試下新野， 又有 wechat 優惠，食一次啦！點知真係出x晒事，d 長腳蟹唔係"梅"就係"鞋"既！ D 蝦同蜆完全無味！ 燉螺頭老火雞湯同水無分別！薯蓉係糖漿味！葡式豬手同燻蹄完全咬唔到咬唔斷！沙律連羅馬生菜都無， 得火箭菜！係d 魚生正常小小！款式真係好少， 除左食最正常既明輝蝦片，我就真係唔知食咩好！仲要一坐低野都未食要即刻埋單，收左我兩位$632, 呢間野真係俾佢$150位都覺蝕！俾張master card 條友， 佢仲要盤我："你張card 葡幣定港幣架", 大佬呀識唔識加句"請問"響前面呀！我叫你收野，都加句"唔該"啦！ 成間野無一個人係有笑容架！額！！！

在澳門工作的舅父說突然很掛念我,想我到澳門陪他3數天.還記得小時候,這個富有舅父經常帶我到不同地方遊玩,今天他提出的條件便是旅費全他付,還定了行程給我,第一天便是來金沙城的奧旋自助餐其實奧旋上台的不是像香港海逸般的貴價食材,但不知怎的很有風味,可能是因為在賭場刺激過後,腎上腺的影響,很多平平無奇的食物也變得吸引人參雞湯,自助餐當然不能期望太高,但這的雞湯確實不錯,人參味道也很濃烈,不錯的餐前湯生蠔份量比較細小,但非常新鮮,而且REFILL的速度也算快,抵讚!!中間其實有其他熟食及甜品,味道各有千秋,但算是不錯的最後要特別提到的是雪糕,自家制的雪糕味道可比美HZ的雪糕,果味清新香濃吃過豐盛的自助餐後,又要向賭場出發了!!!!

周末跟老公到澳門走走, 晚上除了酒店附近的餐廳真的想不到能吃什麼..就試一下自助餐吧!看見對面的"鮮"火鍋放題也快400...好像自助餐更高興吧...可惜....除了我加了茄汁吃的普通青口可以之外, 其他都不行....長腳蟹沒淡淡海水帶出鮮味....螺極多沙...藍青口極un......在吃香口膠..煎盧魚極乾.....完全沒有汁...有一焗什麼西蘭花....是苦的......很苦這菜心才過份...所有花也沒去掉心想....雪糕無死啦~ 點會有難吃的雪糕...點知.....那粉紅色的不是士多卑梨..是咳藥水味...這件有點啡的甜品....初初以為是咖啡..原來是香蕉....但除了下半部有香蕉肉帶出香蕉味..整件也是極苦!! 那芝士餅...就是劣質芝士餅...我沒試到全部甜品...已經不敢再試了= =

澳門的自助餐，未必一定好食，卻確實是比較抵食，如這家在Conrad Hotel內的Grand Orbit，午市(連加一)只係二百蚊多一點，晚市(連加一)也只是三百個大洋鬆少少，雖然食物不是超級的多，但在香港已經很難以找到。難怪香港人咁中意一家大細，過大海食Buffet，新葡京的自助山，又能搏得大眾好評。香港收呢個價錢的自助餐，先不論食物質素，環境都唔慌好得去邊，仲要個個好似饑荒咁，同你爭食，真係唔使恨。反觀這裡，至少是高級酒店，環境有番咁上下舒服。走一圈，還是從冷盤開始介紹，幾款不同種類的Cold Cut，軟熟可口，刺身大致亦新鮮。海鮮類方面，雖然青口、蟹腳、凍蝦、翡翠螺等都有隻隻「棟」出來供應，但因為沒有生蠔，需知道很多香港人吃自助餐是衝著生蠔而來的，一吃要吃夠一打才足夠。如果說海鮮係弱項，那麵包就應該是這裡的強項，看見多款種類的麵包，雖不是全是熱暖，但起碼軟熟，有點麵粉香，總感得澳門的麵包是比香港的好，相個Matthew仔在場，一定會好開心。熱葷又真是平平無奇，都是燒牛肉、燒魚、羊架、咖喱及喇沙等，沒太多驚喜，泰式辣蝦和炒蜆可算是較為特別，但味道卻不太地道。另外有薄餅，薄薄的卻不脆

由朋友提出的聚會，原因是$298一位的自助餐，買3送1，折算每人約250，這價錢於5星酒店內出現，實在吸引，但一分錢一分貨，進場時已有心理準備，只求兩三款出色的吃飽，環境能讓大家舒服聚聚便算合格。一行16人，安排了一張長檯，位與位之間不算太窄，但仍有出現側身出入的情形，加上四面包圍國內遊客，算吧！每次拿多一點，免出入次數太多而阻其他人進食！首先，向必選的海鮮冷盤出發，那鹽水蟹腳，蟹肉少而霉；龍蝦仔因太細的關係，我怕浪費力氣後換來少量的肉，加上旁邊的朋友開了一隻後，碟上兩隻原封不動，我知道我對了！再來最基本的三文魚刺身，我的評語是不吃沒損失！ 熱食方面，有印度式及馬來西亞等食物，可惜賣相不太吸引，連我主張手機吃先的人也不想費力；最後，唯有吃了兩片麵包，再放以最後希望於甜品身上。甜品櫃放了很多的迷你版甜品，這是全晚得分最高的一刻，因這安排比平時放在檯上任取的感覺較清潔，選了基本的藍梅芝士蛋糕，小小一件，是整晚最好味的東西，曲奇餅是＂冧＂的，一口龜靈糕淡而無味，不下糖水也不會苦，這些質素.... 澳門5星酒店內有如此不濟的自助餐，根本是一個大笑話，很多酒店的自助餐收費超過$500／位，仍

其一，相当不抵。晚餐 288 的价钱，居然只给冻水，咖啡奶茶等还需要另外加钱买。再，无蚝 (生熟都无)，无鲍鱼，无蟹，无龙虾。海鲜只得帝王蟹脚，青口，冻虾，以及翡翠螺 这些平常货色。也没有发现什么特别的菜色，只感觉 288 这个价钱绝对偏高。其二，鱼生不错，种类够多，够新鲜。除了三文鱼，我个人最喜欢其中的 希鲮鱼。蟹脚和冻虾蛮新鲜的，可以一食。其三，甜品不够好。朱古力喷泉没有尝试。对蛋糕很失望，来来去去就都是很甜腻的朱古力慕斯 或芒果慕斯，细碟甜点来来去去都是各种brownie 或者 啫哩。我个人热爱的最普通的水果奶油蛋糕、各种轻重芝士蛋糕，黑森林，居然都没有，很失望。雪糕是软雪糕，应该是不错的，我本人没有吃，因为太冻。哦，热的西米露还不错。其四，水果超出预期的好，普通的蜜瓜西瓜菠萝就不说了，时常会有些 山竹、红毛丹 这样的稀奇货。最后，也没有发现什么特别合意的热菜，普普通通，种类不多，完全比不上同等价位的自助山。人不多，除了海鲜鱼生处略要排队外其他根本不需等候。服务不错，收碟加水都很快。只是这个价钱，以后不会再来尝试了。