媽閣長城燒烤

營業中

休息中

位於媽閣廟附近, 又唔係純葡國菜~不過主打就係「燒物」我地每次去澳門都一定會幫襯佢地~我地今次點了:1)燒牛肋骨3件:黎到呢度一定要食「燒牛肋骨」 即係類似香港人食果D牛仔骨一樣~佢燒得好好味~ 而且仲有D肉汁, 唔會太乾~~食左幾年都冇變~ 不過我地由$13食到而家$23一件~~真係物價高漲得好緊要~2)西洋炒蜆: 呢到D蜆好甜, 好好肉…而且佢呢個做法同香港常食的「豉椒炒蜆」差好遠~~呢個蜆個湯底好甜~不過有時辣, 有時唔辣, 真係有D睇師傅心情…上次黎食係微辣的~今次就完全唔辣~所以大家應該點菜時都可以同侍應單聲~3)葡式焗鮮魷: 澳門食的葡汁係好香椰汁味~D鮮魷都好鮮甜, 用「豬仔包」送呢個葡汁就最好不過~

一大班人去澳門玩,出發前當然要search 定有咩好食~0係openrice 見到呢間餐廳幾受歡迎,雖然之前未聽過,但都扑鎚lei 試一試餐廳位於下環,老實說交通不算方便,搭的士時有司機仲話搬左去新口岸,好彩無信...唔方便有唔方便的好,公眾假期都唔駛等位~~~既然叫長城燒烤當然要試下de 燒物,今次試左碟燒風鱔、燒豬手、燒牛仔肉,另外仲有芝士薯蓉、黑椒牛仔絲炒麵、馬介休炒飯、魷魚鬚、炒生菜等~燒風鱔:皮脆肉嫰又無骨燒豬手:都幾大份,唔太醎幾好味牛仔肉: 一致好評,燒得香又嫰滑芝士薯蓉: 好香芝士味,有點焦好好食其餘炒飯、炒麵等都不錯埋單每人都係五十,抵食!

老公表示想去海事博物館而我這貪吃的人當然是留意附近評分頗高的食店啦發現媽閣有間燒烤店剛好兩星期前在佐敦試了一間燒烤食店味道不錯惜價錢頗貴所以這日選了這間食店作晚餐進店後人頭湧湧幸好有一張大枱讓我們坐招呼我倆的婆婆很熱情她在最嘈吵的時候說了一句說話我們聽不到我們以為這張枱預留了要求我們讓座怎料她突然笑笑口再說一句"唔講邊有得笑"我們即意會到原來她在說笑所以我們也微笑回應由於我倆喜歡鱔魚非常所以燒風膳是必選另外多點兩款菜婆婆非常詑異地問"只有這些？"我們微笑回應已足夠心裡想：老實說我們也怕吃不掉燒風鱔 - $98一如其他網民所言皮層真的脆得很肉很嫩滑非常好吃燒春雞 - $68味道是不錯的不過只得我們兩人而且老公胃口很少最後我們剩了三數舊肉蒜香大蝦沙律 - $65味道亦幾好但其實只是將一隻大蝦開半焗好伴沙律頗貴吧埋單時婆婆問我們打包老公表示我們很飽吃不完婆婆不斷建議我們打包回酒店晚上再吃但老公仍婉拒其好意婆婆真的很環保只是我們真的飽到上心口晚上我們都不會吃宵夜的

舖位比較隱蔽，在船屋葡國餐廳後一條街，仲要上斜路先搵到。但食完後你會覺得值得！全店用可口可樂做主題，好有獨特風格。身置其中，再加上燒烤美食，不得不order一支可樂，仲要order支裝先至夠風味。燒牛肋骨，$24一件，都幾大件，但說到牛味，始終還欠一些。這裡可以讓你單叫燒烤食品，唔駛硬性規定一大碟，所以可以叫多d款式試下，抵讚。燒雞脾，約$18，略嫌燒得個皮唔夠脆，而且偏甜， 一般！燒香蒜大蝦沙律，估唔到隻蝦超好味，蒜子燒得好脆好香口，仲要金黃色，上枱時已切開一件件，超細心，好考工夫！沙律就係一般雜果沙律，中和了燒烤的油膩。炸大腸，重拾兒時在酒家品嚐的風味，現在在香港也很難尋回這種味道！燒風鱔，嘩，係我成世人試過最好食的，隻义一吉落去就知非同凡響，表面層皮清脆的聲響，再加上厚切，真係超正。成碟起碼有10件，唔駛$100。我早一晚在澳門另一餐館，標價$288，我諗都唔可能有咁嘅水準！埋單都係$289，食到嘔咁滯，相比前一晚去另一葡國餐廳，只點了2樣食品加一個椰青，埋單居然要$500多，這一餐真的超值x100！

與同事一起到澳門一天遊，跟旅遊書的推介到了這裡吃晚飯。因為我們先致電訂位，所以不同等就可入座了。這裡的燒烤食品比其他的食品出色得用！這個燒風鱔非常非常美味，我們吃完一份後，忍不住要多order多一份！鮮味十足！吃了一口後，第一句：「好好味！」，第二句：「唔該多叫一份吖！」這個一定要趁熱食，又鮮味又爽口，但冷了之後就變實了，不易咬開，所以一定要趁熱食！不太咸，很香燒烤的風味。這個是旅遊書的推薦，但只是賣相非常吸引，味道就非常普通。飯炒得雖香，但完全沒有蟹味，而蟹就只得咸味，沒有鮮味。總括來說，燒烤食品最出色！

來到澳門的第一頓晚餐想吃吃葡菜，朋友說長城的葡菜價錢合理且好食即管來試一試！在媽閣廟落了巴士揀對一條斜路就會見到長城的圍牆。燒牛肋骨($24)：必試的一道食品拍照前已急不及待吃了一囗味道絕佳醃料份量下得剛剛好不算濃味，但很惹味！燒鮮墨魚($48)：賣相絕頂墨魚燒得金金黃黃的可惜味道不是想像的好原來是燒得過火肉地很韌！不易咬開！屬失望之作馬介休炒飯($55)：足料之作，每粒飯也夾雜着馬介休可以品嘗到馬介休的鮮味！比香港經常吃到的咸魚雞粒炒飯更美味！

去完媽閣廟就黎呢度開餐食lunch, 睇食評唔錯, 對佢d食物都有d期望.....去到12點多, 啱啱開門無耐, 我地係第二枱客, 地方唔係好大, 不過都算乾淨, 同埋有好多可樂飾物, 都有d特色。店員好熱情, 仲問我地係咪第一次黎...因為之前溫左書, 所以好快就決定到食乜...我地4個大人兩個小朋友, 最後叫左燒牛肋骨(因為之前果晚係小飛象試左呢個, 所以想係呢度再回味下),燒鮮墨魚, 燒風鱔, 馬介休炒飯, 西洋炒雜菜, 因為叫左太多燒野食, 好似好熱氣咁, 叫多渣菊花茶消消熱...馬介休炒飯同埋炒雜菜都ok, 燒牛肋骨同之前係小飛象食比較, 呢間好似咸左少少, 不過其實都好味; 燒鮮墨魚點埋wasabi黎食..唔錯, 不過無乜驚喜既感覺, 反而燒風鱔就有驚喜feel...(不過張相唔啱format upload唔到上黎) 超好味... 一路食呢d熱氣野, 一路飲住杯熱菊花茶, 真係好正! 最後食完好似意猶未盡咁, 就叫埋個炸南乳雞翼,一碟8隻, d肉炒得好鬆化..其實如果呢碟係第一碟上黎, 一定唔駛一分鍾食晒..不過而家兩個小朋友都食飽飽, 所以每個大人食兩隻就好似多左dd..

這裏以燒烤為名，就叫燒牛肋骨及燒羊扒捧場。不過此等燒烤食物沒什麼特色可言，當小食便算，無謂浪費quota。隔晚在葡韻吃不到心目中的美味炒蜆，一於叫客西洋炒蜆補數。蜆鮮甜，汁帶少少辣的好好味，即刻加單要蒜蓉包索汁食。薯燴馬介休亦令人回味。起初翻起時見比較濕，以為不夠乾身不會好吃。不過食落軟軟滑滑的，又沒有飽滯感覺，兼且下了不少馬介休，越覺歡喜。此店還有一個優點：熱茶免費供應！

　　一睇個名就知呢度食燒烤野，雖然呢度好偏僻，但真係值得去，每樣燒烤菜色都好香好夠燒烤味。最鍾意既就係燒鱔，個皮燒得好香好脆，ｄ肉又夠厚，所以食得好滿足，唯一美中不足就係有ｄ細骨，食既時候要好小心。另外燒牛肋骨又係好正！香得黎之餘牛肉又唔會韌，仲要好多汁好有牛肉味！　　唯一失色既就係個焗蟹飯，雖然焗得好香，但個炒飯因為再經過焗爐後變得好乾、有ｄ硬，而且咁大盤炒飯只係得一隻好細既蟹，唔係太夠分。其餘菜色都不俗，絕對值得再去！

jun 25, 10,食緊lunch時,有1友人講開上次食過嘅南乳雞翼好正,所以即興6人來食round 2 lunch,叫咗 : 1) 菊花茶 x 2渣 (@mop35)-ok 2) 南乳炸雞翼 x 2 (@mop48)-1碟8小隻-個皮炸得都脆-南乳味溫和-肉質嫩滑-果然不錯 3) 炸大腸 (mop48)-大腸都頗肥美-個切法同香港嗰d唔同-幸好處理得好,沒有"押"味-不過略嫌個皮沒有挺脆-但都不錯,友人們都幾欣賞 4) 馬介休炒椰菜 (mop48)-好大碟-不過切得太細,全部都腍咗,無咗爽/挺口度-友人(懂性以來就唔多食菜)再1次突破食菜關口,大家為此舉杯慶賀,hahaha 5) 燒羊扒 x 2 (@mop18)-幾羊味吓-ok 6) 燒鱔-佢個皮好薄,燒得好脆-肉亦彈-喜歡佢嘅醬汁帶甜,不過友人就覺得個醬就甜咗d

今次係小妹第二次寫食評.....寫得唔好請見諒...心情不好, 和兩位姊妹黎左澳門散心話說上一次來都是10 年前既事, 人生....有幾多個10 年? 重遊舊地, 好像有很多都不同了..雖然當時年紀還少......來得散心就緊係要以食得好為主啦....所以就上左黎e 度plan 下去邊食~睇到e 間野, 個名幾吸引就入左黎openrice睇下,....... 都幾多好評所以就try 啦~先說說交通, 其實坐車來也很方便, 很多車都能到這兒, 只要問一問司機叔叔在那下車就可不過先說說...媽閣夜晚真的有點靜...要小心些一下車我們就見到有間文具店..一問個老闆佢就好好人咁點左我地去.....其實係5mins 就到的路程不太遠~去到, 比條萬里長城路吸引住, 如果係鐘意影相可以夜晚黎~ 好正啊....翻翻正題先~環境: 其實不是太好, 不過有點古舊feel, 好多的coka cola 的擺設, fans一定要來看一下....食物: 叫了幾樣.... 先來了一個炒雜菜, 一大碟, 味道很好, 都是大約50元....(價錢差不多, 不記得了) 再要了一塊羊扖, 個fd 之前

每次去澳門都一定會幫襯此食店, 雖然沒有豪裝及小店形式, 但服務人員態度親切, 又抵食又好食, 最好地方係可以每件 order, 可以叫多幾樣o野食, 最不好地方搭車不方便必試美食1. 燒牛肋骨 ~ 勁好食2. 燒沙甸魚 ~ 超鐘意食3. 椒鹽雞翼尖 ~ 叫啤酒同食最好 4. 紅酒煮牛尾 ~ 好好味5. 白酒煮蜆 ~ 唔錯又無沙 唔好意思, 可能食物名稱有點少少出入..., ha..ha..

第一次去澳門個時跟住本旅遊書搵到呢間舖頭打後每次再去都要食一餐先肯走食過GE野有:薯蓉焗青口﹣好好味！雖然係焗但係一Ｄ都唔乾身！焗海鮮飯﹣份量多！基本上兩個人叫一個再加少少野就飽~~燒羊扒 ﹣好味！燒牛仔骨﹣好味！燒墨魚﹣只係ＯＫ，無乜特別葡國雞﹣好正！Ｄ汁撈飯好正！可惜雞就麻麻地！唔係好記得個名係咪燒雞﹣呢個最難食，好乾好鞋炸雪糕﹣麻麻地有時諗起都好掛住好想食！哈哈！

朋友介紹，第一次去，要點時間才搵到。其實在船屋餐廳旁的斜路上。七點到，不是太多人。但八點後就要等檯，裝修在Home Feel,簡簡單單，但很多同可樂有關的裝飾。食物很有水準，當晚叫了1) 燒羊扒 - 有羊味2) 燒豬手 - 皮不是很脆，因為不是炸而真是燒的，但肉味非常好3) 咖哩雞 - 不辣，有大量洋蔥及薯仔4) 燒鱔 - 皮脆但無上汁去燒，所以比較乾身5) Garlic bread / 豬仔包 - 一個字「脆」6) 燒墨魚 - okay飲品有Borba紅酒及鹹檸七四個人食了$540.很滿足。

烤牛肋骨: 幾惹味烤墨魚: 烤乾了烤豬排: 好好食推介蟹焗飯: 失望雞脾: 好好食推介烤魚: ok啦整體都ok, 不過有點兒貴了.