常喜

營業中

休息中

老公安排了一個快閃澳門2日1夜遊，收工後立即趕去碼頭，抵達澳門後搭乘酒店安排的接駁車，我們先辦理酒店入住手續，然後再坐的士去吃晚餐。 途中遇到了小插曲，上了的士司機竟然有些不悅，要求我們在上車前先搜尋好目的地位置。我感到匆忙又看不順眼他的態度，當我想發火時，老公及時制止了我，向司機表示歉意，解釋我們剛到澳門，心急如焚而且我們並不熟悉路線。最終司機的態度有所軟化，唉，這個世界上確實各種人都有。 到達餐廳後，服務員態度親切又向我們介紹美食，之前的小插曲也被我們抹去。我們一邊聊天一邊享用美食，度過了一個愉快的晚餐。 頭盤點了他他牛和我一向最喜歡的馬介休球，兩者中他他牛真的很美味。 主菜我原本想點魚，但老公堅持選擇了牛面肉闊條麵，順他意思吧，幸好牛面肉也真美味。 另一道主菜是服務員介紹的炭燒紅菜頭鵝肝乳鴿，也是非常美味，而且醬汁烹煮得十分出色。兩個人整晚有傾有講就渡過了一個愉快晚餐。 

每次去澳門都要搵葡國菜但每次都唔會有太大驚喜今次唔特登揀葡國菜 試左間人氣小店食過之後 真心極力推薦 我一定會再去呢間人氣小店 聽講都難book位冇網上預約 唯有打電話去店舖細小 裝修簡約 幾cozy 唔知點解都有少少浪漫氣氛食物方面 全部都勁高質係覺得自己去左高級餐廳嘅質素【珍寶蟹肉配番茄及水牛芝士 $180】十分出色 味道非常清新 番茄超級鮮甜水牛芝士 加蟹肉唔洗蟹講 啖啖滋味【鮮拆大閘蟹意大利粉 $300】真係拆出黎嘅蟹肉 而且超足料係食每一啖意粉 都可以有蟹肉醬汁一齊食味道係超香濃 邪惡得黎超滿足【馬頭魚立鱗燒配豆苗伴龍蝦汁 $185】我不嬲對魚冇太大期望但佢整得好出色 立鱗燒令到外面一層十分香脆而魚肉好鮮嫩軟腍 而且兩個層次 口感更豐富【Lemon Tart】甜品都十分唔錯 餅底香脆 味道唔會太甜【Peanut Latte】見到有花生Latte即刻叫黎試 花生味又真係幾濃 好特別

由安排坐低要3個字先有人幫你落單落完單半個鐘話漏左你單期間員工又懶又hea冇理過客人如果唔想做 唔好浪費食客時間唔使試都知唔需要再幫襯仲要1個鐘後先拎壺水過黎問你食乜不知所謂

住喺澳門10年嘅朋友介紹我嚟～跟住官也街 食完仲可以去買手信 Cafe 嚟講算幾有驚喜如果單點都唔平lunch set 就正正常常價錢 同香港差唔多但係味道真係唔差有一半好食都當佢贏咗1）食咗個黑松露金沙雞翼最好食 $70 尤其流晒沙嗰個汁 真係好美味2）跟住鍾意食佢個 lunch set燉牛面珠肉醬闊條麵 $112 +20 配凍飲 不過美中不足係嗰啲牛肉整到碎晒完全食唔到面珠墩嗰種感覺但係個闊條麵就真係整得好食3）單點牛肉他他 $150牛肉新鮮幾有質感味道調校得啱啱好4）最唔好食係個set lunch豬（鞋颯颯）但係就抵食 $75 +18 配咗個熱朱古力（大杯）香港通常比咗薯菜俾你，就唔會再比意粉佢呢度兩樣都俾晒5）葡式雞飯 個雞其實係幾滑幾好食可惜個飯冇味道淡茂茂6）炸馬介休球 $88 OK脆口 但唔會覺得特別中午 1:00Pm 我見呢度都係滿晒一定要搵酒店打電話嚟 book 否則驚會摸門釘了我哋係遊客快閃當然全部嘢食都同朋友一齊share食所以能夠試晒咁多款口味去評價下次要過嚟試吓佢啲甜品我見到有啲少女喺度食賣相好似唔錯，亦都大份

位於氹仔舊城區麥當勞對面的「Cheri 」，喜歡佢純白感覺又有透光玻璃窗設計，中午有陽光打入Cafe中，晚上比較有情調，環境舒服，食物幾精緻，隨便拎起手機唔洗加濾鏡點打卡都靚🥰。整體來講無傳說中咁驚艷，可能因為無叫烤雞南瓜飯試，但當晚叫個幾款都好食既。.晚餐時間多數枱都已留座，建議大家提早預約，當晚留意到8點多9點有部分菜式賣完，想食到心儀餐點book早少少就萬無一失啦！.🥗香烤羊架配紅桑子沙律叫左七成熟的羊架，記得要一上枱趁熱食，肉的熟成程度會剛好，放耐左會有點過老，最後搭配紅桑子沙律酸酸地解油膩岩岩好，重點我最鍾意就係旁邊檸檬裝飾😂！.🍞鮮蟹肉醬布里歐多士 ($118)比「鮮蟹肉醬布里歐多士 」呢個名吸引左，底下脆多士有好香的牛油味，面頭由鮮甜蟹肉碎加清新蘋果碎組成，蟹肉碎混入蘋果碎多左一份清脆多汁咬口感，淋埋個醬酸酸甜甜，作為開胃前菜值得一試。.🍝白酒蜆肉意粉 ($92)意粉生熟程度剛好，蒜蓉香味亦恰到好處，味道會偏濃郁啲，蜆肉大大粒，發揮正常。

在氹仔逛了大半天，又到威尼斯人、GALAXY等旅遊景點遊覽（步行），結果累得很；但還是要回到氹仔此餐廳享用晚餐！侍應們都是年輕一輩的，服務態度頗佳！內𥚃環境十分舒適！而且我們七時多便到，很少顧客！於是我倆被安排到大大的沙發卡位！很舒服！我們看了看餐牌，點了以下幾款：（1）焗田園蔬菜意粉＄60﹣賣相十分吸引！﹣香味帶濃濃的忌廉和芝士味！﹣熱騰騰的意粉加分！﹣吃了幾口，配以不同款式的蔬菜，不會過膩！是很好味！！！！！！（2）焗葡國雞＄85﹣雖然是雞件，但份量十足！很滑！﹣味道很特別！有椰香、咖喱香，但不辣！﹣醬汁豐富，有紅腰豆、Olive在內！（3）焗蒜蓉飽＄25﹣香味十足的蒜蓉包，熱騰騰！﹣是因為焗葡國雞的葡汁美味，於是加點的！﹣將醬汁塗上蒜蓉包的底部，份外美味！有機會會再光顧！極力推介！服務好，價錢適中，食物佳！

尋晚同班同事去試下呢間歐陸裝修的西餐廳，定了7:30pm，不過我地成8:00pm先到。門外好特別，好似去左歐洲嘆除夕晚餐。一入餐廳，柔和既燈光有少少古堡感覺，坐抵睇餐牌，原來今晚淨係做set meal，無所謂啦！5 course meal喎，都算ok！有四個唔同既主菜黎揀，我揀左天使麵，同事揀左鱸魚同埋牛肋骨。頭盤先黎火雞拼鵝肝牛肉卷，跟住鮮蝦沙律，兩樣都好好味。南瓜翅湯黎啦！真係有翅食，正！主菜亦唔需要等，時間配合得好好，waitress不停斟水，我地開左枝澳州紅酒，享受人生。之後叫埋cuppaccino同tiramisu，埋單都11:00pm，下次再去試下其他。註: 老闆娘話有魚蛋粉食，叫我地下次試下，真係估佢唔到既一間餐廳。