影片
電話號碼
+853 68186319
營業時間
今日營業
12:00 - 16:00
18:00 - 21:30
星期一至日
12:00 - 16:00
18:00 - 21:30
以上資料只供參考, 請與餐廳確認詳情
一燉湯 一御飯的午市組合，「念湯舍」主打一系列原汁原味健康燉湯，當日午市暫時只有兩款提供，剛好各搭配一款飯，湯品會隨住時令材料而有所改變，有機會下次再去會試到其他湯水。同場御飯部分同「和陽小日」合作，排唔到堂食店亦可以係到試下佢地出品「慢煮牛肉飯」。.是日餐點：日本蘋果酣睡湯 x Wabi- Sabi 慢煮牛肉飯 x 甜點 ($98)寧化薏米春の湯 x 味噌鮭魚飯 x 甜點 ($98)溏心蛋 (單點一隻）.飲湯方面，店家教路先用正方形細布打開盅蓋，注意⚠️盅蓋溫度比較高，新鮮出爐熱辣辣😋。另外因為每一盅原盅燉，無添加任何鹽同味精，可以按個人口味鹹啖加鹽，第一啖試飲原汁原味偏清淡，大約加1/4茶匙鹽調調味，清清地又有自然甜味個種感覺幾養生，最後連湯料都可以食埋。.🍏 日本蘋果酣睡湯（日本蘋果、花旗參、麥冬、蓮子、百合、圓肉、金絲棗）有別於之前飲的蘋果湯，呢到較清甜又唔會有酸味，睇介紹有寧神安眠功效。.🌱 寧化薏米春の湯（寧化薏米、海底椰、無花果、南豆、淮山、蓮子、百合、玉竹）無蘋果湯清甜味道，呢款比較清淡少少，對於某部分人來講，蘋果湯的確較討喜，不過平時個人比較易累易水腫，飲呢款祛濕健脾胃的湯水就最適合。.🐮 迷你版慢煮牛肉飯粉嫩慢煮牛肉片配青瓜乳酪醬，是每次食和陽小日的首選，即使變成迷你版，但搭配埋燉湯份量亦剛剛好。.🍣 味噌鮭魚飯鮭魚煎到香口，生熟程度剛好，肉質唔會鞋，整塊基本上無骨，食得算放心，配旁邊香甜味噌汁，呢個飯有意外驚喜😋，同行人認為呢款比較出色。.附送甜點一口大小，唔會太甜，有少少飯後甜品的感覺，足夠過下癮。是日午餐七分飽，個胃飲完暖湯舒服左，整餐健康養生，食完唔會有負擔。午市時間基本滿座，建議大家12點半前到店。_⭐️ 午市套餐供應時間星期一至六 12:00-15:00⭐️ 掃枱上二維碼落單
繼續閱讀
您可能會有興趣的...