悅緣四季

營業中

休息中

距地一共四間分店，地理位置都好方便，環境都相對舒適，不過座位係有少少逼，餐廳係主打椰子雞火鍋，佢哋用無添加椰子水煮海南文昌雞，文昌雞啲皮都幾脆同埋都好有雞味，雞胸肉都唔怕好柴，湯清甜好飲，比係深圳好食，選擇都幾多，海鮮同肉類都新鮮，紅燒乳鴿有驚喜，皮好脆，有肉汁，夠惹味。侍應服務態度唔錯，會幫你落雞煮雞同埋換骨碟，整體價錢唔貴，人均180左右，現場大部分都係澳門本地人多，下次有機會黎試下濃湯花膠雞。

周一去食都好多客人，都係本地人，食材新鮮。中意個椰子湯底，飲左三碗湯，雞都好味。海鮮叫左鮑魚有啲啲貴，但出街食飯，係咁，都係可接受範圍內。整體好推薦，會耐唔耐就想黎食，