影片
更多
2023-06-11
454 瀏覽
話說尋日生日，又返去我嘅second home-澳門，check in 完肚仔餓餓地於是去搵嘢食先，諗到一間之前嚟到點知果日晏晝冇開嘅居酒屋，一入門口已經好似去咗日本咁充滿和風嘅裝修，好，入坐準備嗌嘢食啦！我同夫人嗌咗北海道茶漬飯、豚軟骨烏冬、和風照燒雞肉丸子、 昭和焦糖雞蛋布甸。首先嚟咗北海道茶漬飯，個飯有蟹鉗、帆立貝、同好多三文魚子，茶漬湯好香，每啖入口都有好多三文魚子，鮮甜清香，唯一係個蟹鉗解凍時間唔夠，雪味重。和風照燒雞肉丸，好香，跟一隻溫泉蛋攞嚟點雞肉丸食，首先試燒大蔥點蛋漿，已經好食到痴線，到將條雞肉丸點落蛋漿，嘩！照燒汁同蛋漿混合簡直絕配，免治雞肉入面有雞軟骨混合，好有口感，有驚喜。豚軟骨烏冬，湯底香濃，味噌味好出，豬軟骨好淋，不過下次會揀蕎麥麵，會更加好食。雞蛋布甸又係極品，佢嘅味道好似東京好出名果間老伯布甸店咁，焦糖唔係好甜而且係水質唔結，淡甜而香滑，冇得頂！絕對係下次返澳門要再食嘅餐廳。
我同夫人嗌咗北海道茶漬飯、豚軟骨烏冬、和風照燒雞肉丸子、 昭和焦糖雞蛋布甸。
首先嚟咗北海道茶漬飯，個飯有蟹鉗、帆立貝、同好多三文魚子，茶漬湯好香，每啖入口都有好多三文魚子，鮮甜清香，唯一係個蟹鉗解凍時間唔夠，雪味重。
和風照燒雞肉丸，好香，跟一隻溫泉蛋攞嚟點雞肉丸食，首先試燒大蔥點蛋漿，已經好食到痴線，到將條雞肉丸點落蛋漿，嘩！照燒汁同蛋漿混合簡直絕配，免治雞肉入面有雞軟骨混合，好有口感，有驚喜。
豚軟骨烏冬，湯底香濃，味噌味好出，豬軟骨好淋，不過下次會揀蕎麥麵，會更加好食。
雞蛋布甸又係極品，佢嘅味道好似東京好出名果間老伯布甸店咁，焦糖唔係好甜而且係水質唔結，淡甜而香滑，冇得頂！
絕對係下次返澳門要再食嘅餐廳。
張貼
