新帆船餐廳 (已結業)

光顧過這間餐廳數次，主要原因是因為貪方便，就在廣場對面。加上年輕時朋友帶我來過這兒吃飯，後來也就再光顧了兩次。食物方便尚可，但談不上優良。像最近一次去的時候，要了菠蘿炒飯、馬介休球、燒豬肋骨、炒飯，整體是普普通通。當中那馬介休球偏咸了，而燒豬肋骨也不夠鬆軟。收費方面，不算貴也不算便宜。但把食物質數算進去，就不算抵食了。

不吃葡國菜, 又怎算來過澳門?? 我一直好恨食黑沙環的法蘭度及下環區的利安餐廳, 但是兩處地方都何其偏遠, 今次扶老(沒有攜幼)到澳門, 方便為餐廳之首要條件. 法蘭度, 利安, 88了, 下次再來會一會你們!新帆船位於議事庭前地對面, 路痴也能輕易找到, 對於老人家亦很方便, 樓高三層的餐廳有電梯可達. 當天正午十二時, 一樓已坐滿大半, 很多不同國籍的旅客也慕名而來.我們一行六人, 叫了六樣食品: 薯條炒馬介休($148), 明爐燒沙甸魚(三條, $65), 蒜蓉包($40), 燒豬肋骨, 葡國雞及紅腰豆燴豬手(這三道菜的價錢已忘記了).蒜蓉包焗得偏硬, 欠了一點外脆內軟的感覺.薯條炒馬介休, 是看到Openrice食友的食評推介才點的, 索價148大元, 明明馬介休球五件才賣六十元, 一樣是馬介休, 薯仔的副產品, 為什麼會貴了一倍多? 真肉赤. 幸好, 除了價錢問題外, 這道其實是很好吃的!　 薯條炒馬介休其實是很新奇的食物, 我在香港, 甚至澳門的葡國菜館也未曾見過. 有小朋友同行者更加要點, 有薯條這樣終極法寶, 多麻煩的小朋友也會乖乖坐下品嘗.薯條有薯味, 炸完再炒減低熱

去到澳門，例必要去食番餐葡國菜，因趕住睇SHOW，要提早食晚飯，所以唔使等位，入到去得一兩枱客，餐廳佈置好有葡國色彩，哈﹗又有啲似隻船；今次坐近窗口，夠光猛開揚。今次點咗一個頭盤，兩個主菜SHARE嚟食；頭盤燒沙甸魚，主菜薯條炒馬介休同紅酒燴牛尾。首先上嘅菜唔係頭盤，而係薯條炒馬介休，馬介休加埋薯條火腿雞蛋洋蔥炒過，鹹鹹香香，最正就係薯條炒過仲保留少少脆，熱騰騰上碟，非常惹味。第二道上嘅係燒沙甸魚，燒到火候啱啱好，賣相唔錯，聞就有點腥，食落肉質鮮美，完全冇腥味，正﹗最後上紅酒燴牛尾，較前兩道菜遜色，味道和賣相不過不失；跟心形白飯，好浪漫噢﹗要加分。

週末過嚟澳門睇演唱會，第二日行下街買下嘢，食埋個午飯就返香港。諗起上次過嚟由於玩到太晏，想喺呢間食晚飯嘅但佢地就快打烊所以冇得食，今次一於咪錯過！點咗牛尾湯、薯條炒馬介休、芝士焗原隻魷筒、三文魚蟹籽炒飯先上餐湯第一道菜第二道菜跟住個飯... 埋單$50X，相當滿意，下次再嚟幫趁嘅機會相當大。

去澳門食葡國菜，D人話呢間好出名，就去試下啦，結果“非洲雞”超級鹹，又鞋...“墨魚燴飯”好“聲”，完全入唔到口，冇食過，問下可唔可以取消，唔得，要打電話去總公司...“豬肋骨”，總算可以入口，但係都唔好食.... 總之，呢個價錢，甘既食物，唔值！

同朋友去澳門玩2日一夜最後一日既晚餐就係食呢間喇~上到去服務員都好有禮貌7個人嘈嘈閉等食..都等左好耐叫左個4人餐再加多一碟青口同炒飯最快黎既係青口,好味呀!!之後有蒜粒蝦,好香口好爽彈,大大隻都幾惹味再黎白烚三文魚....真係好清..無咩味豬仔骨好味,肉好淋嫩,汁夠香忌廉汁飯細細碟,,OK啦菠羅炒飯汁多夠香仲有個鱈魚,蔬菜就好味.個魚太咸喇=(之後送既JELLY就好差,ORDER既木糠布甸又係差..不過呢餐都係滿意同抵食既=D

錯過時間, 去不到原先PLAN好嘗試的葡國餐廳, 故就在附近尋食, 最後選了這間有三層高的食店(提供葡菜及泰菜)打開MENU, 除了沙津, 餐飲外, 別的餸茶都要百幾蚊一道, 確實比較貴, 餐牌內没有什麼招牌菜, 有的都是坊間的葡式菜餚點了豬耳沙津, 因為未試過這種沙津, 豬耳不硬, 加埋脆骨位, 好味道, 友人仲食得出是新鮮豬耳, 汁好好味, 帶點醒胃的酸味馬介休菜式: 脆脆的外皮包著彈牙的蝦膠, 但食晒成碟都好像無馬介休的咸香味, 陪碟的酥皮籃, 裝著白汁菇類, 吾錯葡式豬手: 上枱時嚇了一跳, 没想過會成碗湯咁上枱, 好"傑"的汁(深紅色)浸著堆菜, 肉塊, 見到都知佢濃味, 成碗野得一隻豬手, 豬手明顯是分開COOK的, 肉質超林, 當然不是COOK 到林, 是"那"到林, 豬手皮好硬, 食了一淡就己經吾想咬下去, 最後放棄, 食了少少己經要不停飲水, 雖然是熱開水, 但都要飲了兩杯

本身DINNER諗住掃街~但係因為落大雨~~所以都係食正餐算 ~* 海鮮PIZZA ?! 一上台見到隻PIZZA咁薄都有D出奇~不過食落好好味 *忌廉飯 ~ 味道一般~如果你想揀飯食既SUGGEST你揀原個菠蘿飯食 * 蒜蓉雪魚 呢個好好味丫 , 大家都搶黎食 *豬頸肉 ~ 呢個既醬汁做得唔錯~豬頸肉好食 , 唔會咬極都咬唔開~~另外佢配既沙律都好好食 )) *原個菠蘿飯 , 呢個係最好食既 ~因為佢用原個菠蘿咁整~D飯入晒味~~甜甜的,好野味 不過如果多人食就唔夠喉~可能一人得一啖仔~~呢間價錢都OK架 , 如果多人食的話 .我地5個人食左5樣野600蚊左右~野食又大大碟~

琴晚同個同事黎咗呢間試下, 因為近我公司, 而且聽人講都話唔錯~~~佢d野食價錢睇落有 d 貴, but 黎到睇到先覺得好抵, 好啱大棚人一齊去食飯~~~因為佢d野係幾大碟 ga lor~~~~ 我地得o個兩個人, 食到有 d 辛苦~~~ 好鍾意佢個蜜汁燒排骨, 好香, 好好味, 不過怕麻煩ge人仕就唔好叫la, 因為切要d時間~~~ 牛肋骨都唔錯~~~~幾香, 不過熟得滯 ~~~~overall 唔錯, 下次叫多d人去, 試多d野先!!~~~~

晚餐選擇食葡國菜，家姐曾經來過這裡午膳，覺得不錯，所以提議再次光臨。接近九時才到達，因為平日關係，不繁忙，人客不算多，可即時入座。環境幾舒服，佈置得富歐洲色彩~頗有情調晚市有套餐供應，可惜不對胃口，於是四人散叫了~(有些價錢忘記了)蝦醬燒墨魚仔($55)：墨魚仔似炒過多於似燒過，墨魚仔是BB size，很索味，吸收了不少蝦醬的味道，爽身有咬口，幾惹味，但多吃則頗咸。雖是前菜一道，但也適合用來送飯。蒜香炒雜菜：雜菜是西蘭花和椰菜，拌有磨菇冬菇甘荀，材料新鮮蔬菜爽口，加了炸蒜同炒增加不少香口感，但茨汁略為咸了少許。咖喱炒中蝦($148)：一上檯，起初是有失望的，因為只見數隻蝦而已；但原來寶物尋龜底，其他的都被咖喱汁淹沒蓋了，份量足夠四人分吃。果然是中蝦，頗大隻，雖然肉質不算十分爽口，但也吃得出有蝦的鮮甜，蝦頭有不少蝦膏，撈上咖喱汁再添惹味，咖喱汁不辣，帶甜的，其實刺激一點會更好。可惜洋蔥薯仔份量不足夠。因為淨食太單調，於是提議追加一份蒜茸包，沒人異議hehe蒜茸包($40)香脆度ok，未算好滿意，個人喜好較硬身的法包，這個硬度不太足，幸好整塊都充滿牛油和蒜茸香，拌上咖喱汁同吃就美味得多了。

到過新帆船食幾次晚飯，大概因為位於新馬路，較近大三巴等名勝每次光顧，均會叫葡國雞(跟飯)、馬介休球葡國雞(跟飯)的葡汁惹味無窮，薯仔、雞均吸收了葡汁的香濃味道，格外好味而且，叫一客葡國雞還送埋一碟白飯；最特別之處，就是白飯以心形上碟，十分獨特 馬介休球炸得幾香脆，也是到場必吃的小食這葡國餐廳的服務也屬唔錯，效率高，態度殷勤，抵讚的

試過幾間既葡國雞, 都係覺得呢間既味道最好, 唔知點解佢地既雞肉一d "鞋" 都冇, 滑過我d 皮, 哈哈 .. 得2個人, 食得唔多 , 點左2樣野..葡國雞配心形飯 --- 只可以講4個字 ---> "好味 , 夠滑"原個菠蘿焗飯 ---- 2個字---> "好味"食完坐船回港 --- 呢個澳門之旅完滿結束 .. ^.^

珠海澳間遊最後一站來吃了位於新馬路的新帆船餐廳. 朋友介紹, 於是一試. 餐廳有幾層, 分別提供葡國菜和泰菜的. 我們於黃昏入座, 食客不多. 餐牌的食物並不便宜的, 翻來覆去後, 終於決定點了以下三個菜: 1. 馬介休薯球 - 即鹹魚薯球, 味道還可以, 但略嫌內裡有幼骨, 雖不至於會"哽親", 但總覺得要吃得很小心. 2. 原個菠蘿焗飯 - 份量也可接受, 賣相也不錯, 但略嫌味道偏淡, 若再酸或濃味一點更好. 3. 燒肋骨 - 不算特別的食物, 但個人偏好, 肋骨燒得頗"燶"的, 我覺得味道幾好. 但男友覺得太乾了一些, 亦嫌醬汁太杰, 感覺很"漿口". 餐廳還有幾款cheese cake供應, 但賣相不太好, 所以都放棄了. 可能抱着期望來試, 結果是覺得不外如是. 唯一可取是地點便利, 吃飽就可在門外乘車到碼頭回港.

Lunch食這間葡國菜，餐廳裝修有點歐洲古雅的氣息炭燒墨魚仔，有點濃味豬雞扒+羊鞍，很嫩很易入口菠蘿炒飯，由兩個小菠蘿盛載，比泰式的惹味發現佢地很喜歡配上黑橄欖，試了兩粒，怪怪的...

初頭都係見佢個位就腳於是就入去試下啦我地叫左非洲雞, 波蘿炒飯, 馬介休薯球其實都等左幾耐先上菜首先黎既係馬介休薯球我覺得無乜特別 普普通通咁但係我既朋友都覺得好食而波蘿炒飯都係我朋友叫既 佢話好好食初頭我唔認為呢一個炒飯可以有幾好味但係 我錯啦呢一個波蘿炒飯係我食過既最好味既一個佢個飯會鋪上一層汁然後就放落焗爐度焗真係有d料到~而個非洲雞呢初頭我都驚佢"鞋"但係佢唔鞋 嫰口之餘個汁係超級好口野味之餘帶少少辣令到我本來有少少食濟左既胃開胃哂~