影片
電話號碼
+853 63232214
+853 28576560
附加資料
適合小朋友
營業時間
今日營業
10:00 - 21:00
星期一
10:00 - 21:00
星期二
全日休息
星期三至日
10:00 - 21:00
以上資料只供參考, 請與餐廳確認詳情
澳門氹仔的「椰雞黃」是一家以緬甸菜做推廣的餐廳，餐牌最開始幾項都是「緬甸」開首的食物，例如緬甸椰汁雞撈麵和緬甸清湯牛腩麵。椰汁雞撈麵以新鮮椰醬和咖喱作為汁底，搭配已煮得入味的雞翼和彈牙的油麵，喜歡椰子味道的應該會愛上，我則再加點辣椒粉增加刺激。清湯牛腩麵則是以牛腩熬煮出濃郁的湯頭，搭配鮮甜的油菜，牛腩煮得夠焾，亦夠牛味，再加上一些特製醬汁，口感豐富鮮美。此外，「椰雞黃」還提供豬扒包，但真心要試澳門豬扒包的話，就不要試了，肉被打得很薄，炸過後已沒什麽肉汁，唯一是很香口，而麵包加熱過也不過不失。熱飲試了熱鴛鴦和朱古力，也是普通的茶餐廳水平，沒去到香濃順滑的程度。總體而言，「椰雞黃」的緬甸菜式算是獨特，價格也優惠，可以一試。餐廳沒有什麼特別裝潢。如果你對緬甸風味感興趣，「椰雞黃」是可以一試的餐廳。#澳門氹仔美食 #緬甸風味 #椰汁雞撈麵 #清湯牛腩麵 #普通豬扒包 #熱鴛鴦 #朱古力 #抵食 #探索美食
繼續閱讀
在澳門行左一陣,行到人都累埋,又夜夜地咁就搵野食,見到唔使等位就入左去椰雞黃每人叫左一個飯食下,因為我未食過緬甸野叫左緬甸咖哩豬扒飯,緬甸魚湯粉個咖哩飯都仲可以,但個粉個汁唔夠熱味又好古怪,真係唔太掂
繼續閱讀
穿梭在澳門旅遊區，位於澳門其中一條好受遊客歡迎，充滿歐陸風情的手信小街，官也街是也。今次會試呢間椰雞黃，係某日在我澳門朋友FACEBOOK 上睇到，見佢有LIKE 個粉PAGE，再望望個價錢，嘩!點解會0係官也街出現晚餐四十蚊有找0既一碗麫，雖則飲野另計，澳門地食晚餐都唔會包飲品，澳門葡菜餐館連水都要俾錢叫，而家普普通通出街無要求，求奇食都貴到屎，所以呢，一個字「平」係好震撼，而呢個平字更出現 0係威尼斯人、銀河附近而且係咩咩魚翅、物物葡菜林立的遊客區，以後終於有個地方係可以負擔成日去食。椰雞黃雖則位於大街上，但其實佢個門口 有D細，白天去就留心D，夜晚去你就會見到佢個勁量發光招牌，好SHARP。一打開門，你會見到店面設計，配合番椰汁咖喱呢個THEME，所以店面主色係黃色設計，以快餐店模式黎講，又有電視睇，佢算係坐得舒服。睇下個MENU，佢係「食材果幾樣 一汁走天下」，個椰汁沙爹汁底先係鎮店之寶，湯底可以玩大、小、中、不辣，而食材不離豬牛、雞翼，但有90幾樣配搭，所以個MENU 就好長下，粉麪、包類、小食。早、午、下午、晚餐，其實都可以玩到幾多花款下，仲有米、河、油麪、米線、泰國米粉等麪底俾客人選擇。其實都覺得自己幾玩野，因為我唔太想食辣，我都知食呢D點都有少少辣，你係無法去避。果則，EVEN 我叫不辣，都係有辣的。如圖吧，湯底可以再加料，椰汁味多D，沙爹再香D，一定無得輸。由於我上次食左椰汁雞米，本身以為食材係一舊舊0既雞肉，但其實係雞翼黎，所以大家唔好俾個MENU THICK 左。由於本人本身一般雞翼，而上次覺得雞翼內不夠味，所以我飛走椰汁雞。另外，我上次有俾錢加大，但後尾我食到好好飽，所以如果你係男士，可以諗下要唔要加大。所以今次我叫椰汁豬扒湯泰米，泰米質地比廣東米幼身，而且腍身些。今次食豬扒呢，係算厚身、有口感果種，豬肉一咬就能斷。而且係本身煎香左，好有家庭菜油香味道，我估應該都係簡單用鹽、黑椒等腌左再煎。佢其實俾到SURPRISE 我係果幾舊油炸鬼，油炸鬼半脆半腍，因為放左係湯上，但可以想像到，油炸鬼索曬D湯再放口內果種FEEL...軟軟腍腍，多重口感。本身油香再加個湯底，其實成碗米最好味係呢幾舊。雖則椰雞黃可以再做好D，但我已經係佢0既粉絲，因佢CP 值 太勁爆。而且0係果條街，無論食店好唔好食都好，有唔有名都好，當旁邊都係開高價時，幾多間食店會關心街坊本地人，而做呢D 良心價錢。
繼續閱讀
暑假黎完後 又趁聖誕假再黎 相隔幾個月 e間舖頭多佐好多野食 有飯有面有包 、又多佐小食👍🏼👍🏼今次叫佐緬甸咖哩豬扒飯 d 馬拉盞好正 好香ge蝦米味 又夠辣 👍🏼👍🏼 仲有咖哩角 個皮夠溥 夠脆🎉🎉當然唔少得舖頭主打的椰汁雞面 洋蔥加芫茜 配埋個湯 好香 好好味除佐食物好食 價格平（二個人 食到飽先係$80）我好欣賞老闆娘的服務態度 完全感到佢用心serve d客 又好有禮貌 我地澳門回歸日黎 可能係假期 其他舖要加收 但e間舖都係正常收費 仲要服務好好 所以一定要出po幫佢地宣傳
繼續閱讀
講到澳門這地方對我一啲都唔陌生因為每年至少會去六七次，固此它已成為我的後花園。每次過到去都會住新酒店和找不同的美食 ,今次亦不例外。 經朋友介紹原來有個地方叫三盞燈 ， 這是一處舊區所以有很多地道的美食可以找到如緬甸麵等。 很可惜當我們去到澳門時天正下雨， 經大家商議後決定放棄搭車到三盞燈，便在附近官也街搵食 。無意中找到了一間食肆有緬甸麵。我們喜出望外就立刻入內。 這食店是家庭式營業的，地方不算大只有數張枱。 老闆娘很熱誠地招呼大家坐下並詳細解釋 和推薦他們的招牌菜緬甸麵。 我們毫不猶豫地 揀選了椰汁雞麵和椰汁豬扒飯。 椰汁雞麵 湯很濃稠， 椰汁味濃; 介乎湯麵與撈麵之間，貌似星馬葡汁，需以油麵配搭但食落毫不濟口。而雞翼經炸過處理混以湯汁異常惹味。 椰汁豬扒飯 個汁的靈魂與椰汁雞麵相近，加上脆口的油條食落滋味;配上白飯一流之選。
繼續閱讀
您可能會有興趣的...