榮暉咖啡美食

營業中

休息中

未上台已經聞到藥材香味﹐除了天麻魚頭湯﹐還有藥材雞湯底﹐一碗份量都好足﹐對女士可能會太大碗添。點了個炸雜錦﹐除了雲吞好吃之外﹐其他就太油膩。飲品推介蜂蜜柑橘﹐蜂蜜同柑橘味道都好出﹐非常好味﹐只是不夠凍。但是服務員很樂意提供冰塊﹐服務方面都過得去。下次去澳門必定會再去!

由金莎開業到永利到威尼斯人,每次到馬交都要首站到司打口店吃雞湯米,馬交朋友Jacky 同Jason介紹架,雞好多,雞湯好味而且好大碗又平,平日在家唔多飲湯的我都要吃光才行,另推介炸雲吞/鯪魚球,可叫拼盤

去到澳門第一站就係醫肚，同事帶我哋去食雞湯米出名嘅店，由於我唔太肚餓，所以我點了豬扒包，其他人就每人一碗雞湯米，再加上一碟炸雲吞、炸蝦丸、炸鯪魚球、每人一杯飲品。雞湯米大家話唔錯，藥材湯底，大大碗，只賣MOP20，都十分抵食，炸丸方面，有杏仁一起炸，同事話杏仁搶晒味道，蝦味唔突出，魚丸反而好啲，炸物中就以炸雲吞比較有水準。而我所點的豬扒包，薄薄豬扒妨如肉片，唔突出，一般，而之個豬仔包我認為不錯，脆口。店舖都幾多人，雖然多位，可能星期日，滿滿的，但較迫，侍應都有禮。

我覺得佢最好食既係墨魚丸米，墨魚丸好正!不過雞湯方面己經退步了，越來越淡，以前雞味好濃，現在已經沒雞味所以招牌雞湯米唔食都冇所謂，不過近來加價加得好厲害，好少食了...但係客還是那麼多

一到步首先去食三元既肉丸粥再唻呢度食雞湯米,煎鱔魚鍾意食藥材味野既一定都鍾意食呢度既雞湯米鱔魚d汁好惹味,一試難忘!!!