沛記咖啡室 (已結業)

        從威尼斯人過橋步行到官也街都只是10分鐘多點, 地方小有地方小的好處啊! 隨感覺走去一家80年代風格的茶餐廳-----沛記咖啡室. 只可以說, 我今日第六感強到冇朋友鳥! 又一家好店!!!沙爹牛脷撈麵, 牛脷厚切, 香煎封汁!味道剛剛好! 沙爹微微辣又惹味, 粗麵爽滑無堿水味!MOP30.  咖喱魚片面, 魚片其實是魚付片..也微微煎封.鮮香俱在.只需MOP21 . 吉列魚柳同吉列豬扒, 外脆內松, juice! 量多! 害我們四人一邊吃一邊感嘆....為嘛可以這個價格有這個質量分量的餐! 叫內地強國人情何以堪?! 雜果賓治有點甜了..凍奶茶不夠滑..小遺憾!

想食很久了，可是總是來不及在它關門前趕到。今天，趁著有時間，有機會，終於來到並飽吃一頓。可能店還是比較舊式，冷氣並不是太足夠。室內的空間算是較為狹窄。我和朋友點了一個沙爹豬扒飯和兩個紙杯蛋糕，都是這裏較為出名的。沙爹豬扒飯一上來就已經先聲奪人，濃濃的沙爹汁和白飯結合，真的有讓人想添飯的衝動，一放進口，原諒我孤陋寡聞，從來沒吃過這麼好吃的沙爹飯，充分感受到做飯者的誠意，真的想說一句很感動。蛋糕的口感很不錯，但原諒我對蛋糕真的沒有多大的研究，只知道很好吃很好吃。我們把桌上的東西吃得一點不剩才捨得離開。沛記真的是一間令人喜出望外的老店。

隨大型娛樂城澳門銀河於開業官也街旅遊業也興旺得可以=.=以前小小的食店也被商業化了$4一個的小小cupcake...已通脹至$7大元買了3個...$20鈔票白白飛走了><提子和合桃口味對我而言都沒差反正就是牛油cake base上洒幾粒提子和放一粒合桃...但小cup cake的質感厚實外面烤得焦香脆身(有butter cookie的感覺)裡面是老老實實的牛油蛋糕無花無假!勁牛油!富蛋香!!密度超高!!!哈哈...吃罷一個好飽了...喝杯水後好像在肚子裡發漲好幾倍的感覺.........噢

我們兩個啞子從「Bitter Sweet」吃飽了黃連後（詳情請參閱食評-《啞子吃黃連》），女朋友出店第一時間提出到「沛記」買蛋糕吃！女朋友鮮有吃了不少東西後還堅定不移的說再買東西吃，似乎剛才的木糠雪糕嚴重背叛了女朋友的預期，女朋友似乎急於找點美味的東西中和剛才的苦澀。女孩子受了背叛所爆發出來的能量，實在不容小覷，因此我也不敢有所異議，反正胃納空間仍在，沒什麼要麻惱的。問題來了，女朋友其實已有八分飽矣，吃蛋糕一方面為了解苦，另一則只為嚐新，我固然吃得下，但也要顧及餘下行程，不能耽擱太久，進到裡去又茶又水，結果只吃一個合桃蛋糕，面子上實在掛不住；還是和女朋友外賣一個在外吃吧！正好官也街店鋪的路中央，置了一些長椅供途人稍事休息，實在貼心，於是我就先坐到長椅等女朋友買回來了。合桃蛋糕不一會，女朋友就急不及待拿著一個白色小膠袋回來了，還說蛋糕仍是熱熱的，興奮之情溢於言表。內裡裝著一個小小的合桃蛋糕，面上有兩小塊合桃，Size類近我們小時候定必吃過的嘉頓孖寶蛋糕，只是較為高身而已。吃了一口，蛋糕呈微溫，頂層焦脆，而且充滿蛋香，再往下吃，蛋糕週邊相當軟，最難得是中心位置，仍呈僅熟狀態，帶輕微潤濕，要

十二月上旬‧晴在掃街中，記起這裡有蛋糕仔賣。入來見一盤新鮮熱辣的蛋糕仔正焗了出來，不吃何待？有提子及核桃兩個味道，就要了個核桃的。拿上手還是熱熱的，邊位焗得微脆，吃起來滿有蛋香，也甜甜的。微帶苦又香口的核桃剛好增加了味道的層次。六元一件，吃完也飽飽的。

不要小看這細細個的蛋糕仔, 它可以帶來幸福的感覺.剛剛出爐, 好香. 咬了一小口, 蛋糕中心冒起了絲絲蒸氣. 天氣很凍, 手中蛋糕仔暖暖的, 很滿足.蛋糕仔表面焗得金黃色, 外面脆脆的, 入面軟綿綿的, 好warm牛油味很重, 回味無窮 ^^

澳門兩天遊第一天，到官也街買手信，經過沛記，當然要試一試呢度既蛋糕仔。睇一睇餐牌，原來蛋糕仔係「本店之寶」！蛋糕仔上檯既時候仲係暖暖地，味道一流，外面又鬆脆，真係想再食一個，但要留肚繼續戰鬥，唯有忍口了。 太座同我各試一種味，加上飲品埋單$32。

31-10-2010Brunch 想食碗牛尾通, 本來想試喜蓮咖啡的, 但原來佢星期日唔開門, 兜兜轉轉返到官也街一帶, 見呢度都有供應, 又試試.熱奶茶: 多茶少奶, 而茶味當然唔係港式的「複雜」啦, 不過幾香又唔澀, 都幾啱飲; 唯一唔好就係飲完嚡口嚡脷的.牛尾湯通粉: 通粉係有坑紋嗰隻, 淥得幾有咬口, 不過唔好講 al dente 唔 al dente 喇, 茶記 style 湯通粉你想點? 湯底的茄膏味幾濃烈, 飲落好酸, 完全唔似牛尾湯, 叫「蕃茄濃湯」貼切好多 , 不過撈吓撈吓, 又真係有兩件幾鬆化的連骨牛尾喎. 其他配料就以紅蘿蔔為主, 索滿勁酸湯底, 味道就有點「漬物」feel 朋友食豬扒包, 包身烘得脆口鬆化, 不過連骨豬扒就幾韌幾乾嚡, 唉. 環境衛生 ok, 格局同一般茶記無異, 不過食客不少店內都好安靜, 幾舒服的, 喺又迫又嘈到爆的官也街, 都算係一個「綠洲」. 埋單 total $60 有找, 食飽離開時忽然發覺無試呢度的「名物」合桃蛋糕 咁即係下次過澳門「又要」再返嚟啦.

最後一天係澳門去左氹仔買埋手信就要離開, 成條手信街都係人頭湧湧...迫完買野之後見到有蛋糕仔買..就買左一個合桃蛋糕仔上船食la.估唔到真係好得, 好香牛油味好好味...不過相信這個蛋糕仔細細個, 卡路里都應該相當高.

買完番香港才知呢間嘢好出名架合桃蛋糕, 我都係睇書見人介紹, 又咁啱經過才買架剛剛出爐, 好香, 但要5元一個囉, 細細個, 仲貴過香港添~但好好味呀, 好重牛油味, 好正就算我回港第二天當早餐食, 一樣咁好, 好回味呀~

真係名不虛傳呀!呢度既合桃蛋糕真係外脆內軟..非常creamy..五蚊一個真係超值～去到果時岩岩賣晒..一問之下，十五分鐘後會再有出爐，梗係等啦..同朋友每人兩個"激仔"，加杯熱飲當lunch，由於非常creamy..食晒兩個之後，都幾漏架，但果種滿足..真係好難形容呀!之前都有試過提子"激仔"，但我都係覺得合桃好味d～佢地個menu真係叫"激仔"，幾得意~

由細到大我都好鐘意食牛油蛋糕, 呢到既合桃牛油蛋糕係我記憶中最好食既! 離遠已經聞到佢濃濃既牛奶味就知新鮮出爐, 摵開佢既時候中間仲有熱氣升起架! 蛋糕外層焗到岩岩好既金黃色, 未放入口已經聞到好香濃既牛油味. 搣左一角放入口, 蛋糕面焗到脆脆地但係蛋糕內部就軟綿綿咁, 睇下先知原來佢蛋糕中間既密度好高, 口感非常綿密. 我平時咁鐘意食牛油蛋糕, 呢到既牛油蛋糕暫時真係最好食. 一個細細既size真係唔係好夠食, 好彩將最後一啖放入口既時候已經遠離左沛記, 如果唔係我又要重多磅喇!

朋友問我過大海最好食咩? 魚翅? 葡菜? 乳豬? 豬扒飽? 我諗咗諗, 係兩人行程中, 最教我念念不忘的係沛記的合桃旦糕. 哈哈! 係咪有點爆冷呢? 因為呢個實在太驚喜啦! 到了官也街, 被撲鼻的蛋糕香味攻陷了. 循著香味而走, 發現係來自一奇貎不揚的茶記! 急忙買了來試, oh… 蛋糕係扎實的那種, 有蛋香之餘, 牛油味亦重. 外面係烘得金黃色, 底部還帶點微焦, 正是我杯茶! 不消2分鐘, 被我消滅了. 好想嚟多個! 若唔係第二日先走, 我諗我諗買呢個做手信呢!

知道這裡差不多每半小時就會有出爐蛋糕，很早便來了，但原來要十一時左右才有，唯有在附近行行，聞到蛋糕香便知有得食。蛋糕香味四溢，合桃蛋糕和提子蛋糕，料足，鬆軟，牛油味香，熱辣辣，想不到會不好食的理由。簡簡單單，價廉而悠閑的享受，香港就是少有。凍奶茶，可能叫錯了，不行。下次應叫杯熱咖啡配核桃蛋糕，比起連鎖店飲凍咖啡食muffin, 更有型。

aug 17, 09,其實食完之前嘅早餐..........打算行陣消化吓先食.......但去到門口,竟然見到1盤剛出爐嘅蛋糕仔........入到去近門嘅收銀位........牛油味真喺香噴噴........好難忍呢,所以完全忘記之前食唔落嘅言論............我同另1友人共買咗2個食 : 1) 合桃蛋糕仔 x 2-因剛出爐,所以超熱..........店員知道我哋即刻食,都仲可以放上牛油紙上賣比我哋,否則要等佢涼少少先可以入膠袋-好燙口,剛出爐喺唔同d嘅.........外小脆,裡面好鬆軟-或者涼多少少,可能食落會有另1番質感* 女店員好好.....知我想影,特別拉出嚟比我哋影個夠.........明顯合桃味嘅銷情1定比提子乾味嘅好幾倍* 女店員話我哋好彩,嗰日比平時(大約11.00am)早出