玥龍軒

營業中

休息中

每一個菜式都好有心機，而且好有水準好好食，特別係燒鵝外脆內嫩，好多肉汁，必食之選，今次叫咗個時令菜，苦瓜牛肉，苦瓜同牛肉都係唔同嘅，苦瓜係沖繩苦瓜，牛肉係和牛，個配搭非常好味，咕嚕肉，一定要叫，酸甜味道啱啱好，而且個脆皮好似玻璃咁，有點似冰糖葫蘆，但又唔會太甜鹹魚蒸肉餅，未食過咁好味嘅蒸肉餅，一定要試，啲肉好滑，好細緻，鹹魚係精挑細選嘅，一試難忘。最精彩就唔少得個甜品，個甜品每次嚟都有唔同嘅驚喜，驚奇都會換一個特別嘅甜品。環境非常舒適寬敞，衛生整潔服務質素非常好，有禮貌有耐心

原本想在網上訂5 位，但系統只有最多4 位的選擇，寫了電郵到餐廳加1 位也沒有回覆，到午餐前一天餐廳才有短訊通知已經更新到5 位，以這樣級數的餐廳，跟進和確認服務，真是比較差一點。最後我們4人到這裡午餐，茶叫左季節茶，好清香，尾段嘅玫瑰花茶亦都吾錯。開胃小食系炸蘿蔔糕，細細粒好鬆脆，紅米龍皇腸粉外脆內暖，蝦餃大大粒充滿蝦肉，燒鵝芋角個外皮硬而不鬆燒鵝餡味道吾太覺，這個比較差，叉燒酥件頭夠皮鬆化叉燒餡甜甜地好食，胡椒湯鮮竹卷湯頭好重胡椒，松茸花膠灌湯餃湯好清個餃餡料豐富，叉燒帶點肥個人覺得比譽龍軒還好食，燕窩蛋撻仔中間個蛋漿份量少影響左個撻嘅口感。韮菜餅冇試。敬送嘅甜點，西瓜啫喱凍、果仁酥、芝麻卷、朱古力波波，大部份都幾好食，又系比譽龍軒出色。 埋單$1550/4 位，可以啦。

不去刻意堆砌出金碧輝煌，但枱面上放着琉璃工房的擺設，還有精緻的餐具，尤其是鑲滿水晶閃石的龍吐珠筷子架，散發着由內而外的高貴氣質。室內佈置配色清雅，空間感充足，營造舒適的氛圍。這就是米芝連一星⭐️的氣派吧🫖入座先送上迎賓飲品，是小杯的「玥龍季節茶」，入口盡是苿莉，桂花和玫瑰的清香，完全是我的那杯茶，所以直接點了這款。而老公點了「桂花烏龍」，但味道比較接近烏龍茶，桂花味不太明顯⭐️然後還有餐前小食「酥炸蘿蔔糕」，鬆脆炸皮包住軟滑蘿蔔糕，帶點臘味鹹香加上少少辣醬，只有一小粒太令人意猶未盡了⭐️在等點心上桌時，又送來一套三小碟醬料，分別是豆辦醬/XO醬/黃辣椒醬。其中XO醬用上大量瑤柱/金華火腿，香辣中依然食到濃濃的鮮味然後點心出場了，每一款待應都會詳細介紹，令食客更感受到用料的認真和廚師的用心🦀皇帝蟹小籠包：怕浪費美味的湯汁整個放入口，皇帝蟹粉的鮮味和肉香在嘴裏完美融合，捨不得一口吞掉啊🐮金不換燒汁和牛酥：層層酥皮鬆脆而不油膩，香口燒汁帶著少少金不換的香氣和似有若無的辣，帶出濃厚的和牛肉味🐣金腿糖心鵪鶉蛋燒賣：這個鵪鶉蛋是藏在蝦膠球內。一咬開蛋黃傾瀉而出，令蝦膠球更鮮甜。蒸得蝦膠全熟而蛋黃依然流心

到澳門，我們一早訂了這米芝蓮一星的中餐廳。因想試多點款式，所以叫了月龍軒主廚午宴。玥龍點心拼盤，包括醬皇野菌元貝餃，帝皇蟹小籠包，最喜歡紅米龍皇腸粉，外脆、腸粉滑又好味。蜜汁黑䐁叉燒拼金不換燒汁和牛酥，叉燒肥瘦適中，又香又有肉汁，和牛酥香脆美味。雲南靈芝花菇燉竹絲雞茶杯湯，清甜的竹絲雞湯，飲到停吾到口。沙茶鮮合桃蘆筍炒捲毛豬柳，味道香口，不錯。金瑤海皇蛋白藜麥炒絲苗，炒到粒粒飯又香又美味，連我這不食飯的也清晒。香芋雪燕蓉燉北海道鮮奶，很重的香芋味，又滑又香，甜度適中，正！最後那甜品，上菜時加埋乾冰，美侖美奐，美味又不太甜，為這餐畫上完美的句號。環境舒適，服務周到，價錢也很合理，絕對物有所值👍🏻

難得隔離咗七日先至可以嚟到澳門🇲🇴，梗係要試吓啲米芝蓮餐廳。 聽朋友講呢度啲小菜好精緻，而且服務都係一等一，所以就來試吓。黃金周成個禮拜都full晒。所以等過晒黃金周後，人潮散去，先book到位。入到嚟已經見到氣派不凡。餐館環境優雅、靜謐。而且枱同枱枱之間距離有返咁上下，傾密偈唔怕比人聽到。餐前小食同埋歡迎茶，已經有驚喜！每上一道菜，侍應都會介紹返，上嘅茶原來係根據時節特別調佩。剛秋涼，所以佩上紅茶加玫瑰桂花，花香味特濃，入口清新醒神。第一道菜係鵝肝金錢雞。傳統金錢雞係肥豬膏加雞肝。但呢度就用咗杏包菇代替左肥膏， 用鵝肝代替雞肝，高級之餘亦好似健康啲。 呢個trip 不停咁食， 但塊鵝肝入口即溶。 個啲膽固醇，高脂，乜都唔理住！跟住就係頭盆tasting menu 精選三小品 。 可以試晒「酥炸生蠔🦪+义燒+梅子蕃茄」生蠔就唔使講一睇就知肥美， 义燒係無敵，肉嫩爆汁。 而本人係無食肉獸，梅子蕃茄就無乜comment。再嚟就係焗釀蟹蓋。 依家唔係好多地方有。 所以見到即叫。 呢度菜😋佢話用咗松葉蟹肉、瑤柱、響螺焗釀，一個字 ～好味😋🤣。 旁邊仲加咗隻炸「清水蟹仔」。雙蟹🦀️出動鮮味係口腔內

我地次次來澳門必來氹仔玥瓏軒飲茶 🍵 呢度好Grand, 服務好，點心又可按人數多而加數量，性價比高👍由行入餐廳果一秒已經係食緊環境, 好有氣派🤣🤣 又有專人serve，不用自己斟茶😌澳門buffet都較平吸引，可惜我地食量較少，貴精不貴多，所以較prefer 來呢度享受😁lunch 飲茶每人消費約$200，係香港普通飲茶都要約$100， 呢度整體性價比高，值得再來👍每次贈送甜品都不同，好有驚喜！每人叫一壼靚茶，專人serve, 係度飲茶，點心精緻賞心悅目，好有做上等人的感覺🤭

這間玥瓏軒應該是三星譽龍軒的姊妹店，水準同樣高，雖然而家只係一星，我相信不久便能再掂星而上。去飲茶記得訂位，會有SMS和電話提醒預訂。餐廳有各式各樣既茶，每一款都各有特色，有專人幫你泡茶，可謂一種享受。價錢有貴有平，幾十蚊到幾百蚊都有環境高尚，地方舒適，卡位很大，侍應服務高水準。黎e到飲茶，同平時係嘈雜既茶樓完全唔同，係e到係一種享受，可以消磨一兩小時很容易。食物全部都係米芝蓮水準，每件點心都有佢既特色，新鮮即整。如果你想試下真正既米芝蓮中式點心，一定要試下，除左價錢比較貴之外，無得輸！

餐廳走瑰麗氣派，以龍為主裝飾，由餐具擺設到菜單封面，都見到龍嘅蹤影。枱剛好喺落地大玻璃旁，海景就冇，但就有成個新濠影匯賭場作景，唔知食食吓會唔會食出賭癮呢？先講講佢地嘅待客之道。所有客人走入餐廳都會被帶到等候區等，然後再逐張逐張台帶位。每張枱都近乎1對1服務，只要一舉手就有服務員黎幫你，每次落菜都會介紹菜式，又自動波令你茶杯常滿，米芝蓮餐廳果然係要食埋服務😏。 點菜後，每人都會有一盤頭盤，有由玥龍軒專業茶師調配符合季節飲用嘅好茶同一口炸鮮奶。茶順口清香，配炸得香脆嘅甜鮮奶，幫你打開味蕾，準備享用之後嘅點心。最特別係盤內有一個空嘅高身杯，係用黎聞，用嗅覺品嚐香茶。講返主角點心先😏玥龍極品鮮蝦餃🦐一粒蝦餃就知道一間酒樓嘅質素。呢粒竹炭蝦餃做到作為蝦餃嘅要求：皮薄餡靚；而且蝦大隻得黎爽口。圓潤嘅蝦餃加上金箔更顯貴氣。竹笙蟹粉百花卷🦀百花卷以蝦膠製成，本身味道比較淡，淋上嘅瑤柱蟹粉可以話有畫龍點睛嘅作用，令整個百花卷鮮味提升。鮮蝦韭黃春卷🦐蝦春卷非常脆口，但並不是驚喜之作；相反小妹鍾意裝春卷嘅盤子，好似酒杯咁，令整個點心升級咗。香茜石班脆皮海龍皇腸粉🐟係腸粉皮包住石班春卷；春卷炸得香脆，並冇被

#20190810🇲🇴🇲🇴🇲🇴玥龍軒響2017 2018 2019都獲得米芝蓮一星⭐️今次去澳門就試一試佢-🔶蜜汁黑豚叉燒佢嘅叉燒唔係半肥瘦，但係佢有半肥瘦嘅口感 豬肉自身好有水準 加埋用黑木燒烤 每一啖都食得岀木炭味👍🏻.🔶鵝肝金錢雞不得不讚鵝肝好肥美好厚身🤤加埋雞脾菇同黑毛豬 食落唔會好油👍🏻.🔶龍蝦湯金魚餃🦞🐟造型已經一百分💯餡係用波士頓龍蝦名乎其實 皮薄餡靚👍🏻.🔶菠蘿叉燒包個包itself好好食 甜甜地👍🏻入面嘅叉燒相對就麻麻地啦不過都值得一試.🔶燒汁和牛腸粉唯一對佢嘅好評係好多餡不過入面洋蔥搶晒d牛味同埋成碟都幾油下☹️.食完餐廳會送個飯後甜品造型十分可愛兔兔椰汁糕同豬豬芝麻糕-🤵🏻服務好好😊臨走嘅時候 職員送左d朱古力同叮囑我地小心岀面好熱好窩心🥰.🏠環境闊落👍🏻 樓底好高枱與枱之間都好有空間,好private今次餐廳安排左我地坐窗口位 對住新豪影匯嘅賭場 感覺好開掦👍🏻唯一係冷氣細左啲🤫 食食下會有啲熱🤫

上次食左晩飯同事們都心思思想黎飲茶😌😌行動派既我 一於想就book位Happy Friday一行六人去食好西～每人嗌一款茶當中最特别就係呢壺花茶頭一啖飲落去好重陳皮味蓋哂花茶味過多幾次花茶味先開始出飲到尾段陳皮味先慢慢淡d飲茶前照舊會上一碟野由左到右 先聞食啫喱再飲啖茶我地食左好多點心呀～～蝦餃 皮好多薄X春蛋燒賣 超好食中間係流心架大家咬開後都嘩嘩聲！素餃 加左沙葛 好爽口素包 麻麻地杏仁流沙包 唔甜有粒粒杏仁係入面春卷 無特别皮太厚 不叫也罷xo醬腸粉 幾惹味 但唔辣小籠包 皮薄多汁酸辣湯鮮竹卷 我無食 但同事話好食香茜帶子腸 好抵食 粒粒帶子有五蚊銀咁大粒义燒酥麻麻 入面太甜牛肉球 我無食 同事話正正常常蘿白絲卷 我無食 無特別意見灌湯餃 為一個同事而嗌佢話個湯底好正 但舊餃零特别芥辣蘿白糕 賣相幾靚外面個皮有丁點芥辣味連甜品都唔放過🤣🤣同晚市一樣 黑豬白兔係送既湯丸依舊正到爆炸榴蓮雪糕 好好好食個皮唔厚 上枱仲熱夾埋凍冰冰既雪糕 冰火享受班斕千層糕 相比其他甜品就比下去偏甜 口感較實的的

老闆請食飯～拉大隊去食玥瓏軒想試好耐 終於有機會😂😂老闆話想食就嗌 唔洗客氣添一行七人 預早訂左七點食～餐廳有dress code smart casual要留意男仕們要著長褲要俾入👖👖由入餐廳個刻開始服務員已經貼身招待我地坐大枱 每人都有好鬆動既位置見我地多人亦主動比多兩本menu~我地嗌左超多碟😂😂加上有素食既同事 又嗌左幾碟素食上菜前每人一碟茶 (送既)前要聞一聞個杯 再食中間粒話梅啫喱最後飲杯茶個杯好香菊花味 粒啫喱同杯茶都好夾～素食頭盤蕃茄仔係兩個國家産地 綠色無記錯好似係希臘 同事們食得好滋味 話好甜千葉豆腐刀功一流 每塊豆腐都切到薄一薄除左賣相一流 味道亦無得頂招牌乳豬 例牌係六件剛剛好夠我地分 旁邊個籠係花卷配埋乳豬一齊食 乳豬好脆口但味道普通客家釀豆腐同事係客家人 話有家鄉既味道生菜包好靚呀～一上菜大家都嘩一聲連隻匙羹都食得架😂😂好勁賣相既佛跳牆保留小小神祕感 唔show入面既相😝招牌炒飯有特别需要可要求素上～又可要求特别一碗素上其實我地仲食左好幾碟餸 黑毛豬义燒 炒牛肉粒 素鵝卷 咕嚕肉 什菜煲 黃金豆腐etc但由於唔夠位擺相所以無得分享😣去到甜品篇～唔記得左個名

米其林一星有点期待。环境舒服，服务很好。价钱也不贵。点了好几样点心，菜名真是记不到但非常精致。味道绝对没问题。平心而论个人觉得以他们的环境，食物和服务可以拿两星

又一條龍，多年前去過新濠天地御龍軒晚飯，裝修服務，都還記憶猶新，可以開支細紅酒。坐張舒適長梳化，慢食晚餐，十分之享受，嘆啊。去之前一天訂枱，進入餐廳，經過寬濶走廊，中式酒或茶櫃，偌大寬敞的廂房，才轉入大廳，好有氣派。侍應帶我們在一張長枱，正對着娛樂場，只有3張枱有這個方向，有點驚喜，再加上枱上龍珠快子座，精美食具及茶盅，還有翠綠還型的裝籂，好雅緻及心思，再配高貴餐牌，未食都賞心悅目。問侍應今天特制茶~玫瑰烏龍茶(唔係國色添香)，$98位，覺得太貴， 我揀玫瑰花，青蛙揀桂花，每位$48；先來每人一小瓶歡迎茶(即今天特制茶)，之後待應冲水於茶盅之花茶，等一會後，將之擺在玻璃杯上扭一扭，茶就漏下再倒入茶杯内，幾花巧，茶沖幾次都還有味。朋友話幾嘆，我就唔慣，次次等佢來冲，我喜歡自己冲，我係水筒。先來歡迎點心，淮山唔記得的醬，百花膠油炸鬼，賣相精；黑豚义燒包，甚麽高级都話黑豚肉；小籠包，待應話可以2件上，水準合乎五星级；因為有所要求，所以唔覺特別；朋友推介鮑魚燒賣，賣相精美，皮帶翠綠晶瑩，鮑魚無朋友所說咁大，約茶匙大小，都鲜味，我主要食豬肉餡，是否彈牙，彈，鮮味！冷盤生菜鴨鬆，是暖暖，醬汁好似

第100篇的食評－獻給2016年年底首獲米芝蓮一星的——玥龍軒。今次能趕及在摘星前吃到玥龍軒，實在是一種緣份，首先是老公想要看4D蝙蝠俠，因為套要價格優惠，所以乾脆訂新濠影匯的酒店套票，包船票、酒店住宿、蝙蝠俠門票和摩天輪票。Checkin 當日因爲太早checkin未能進房，住到邊食到邊，就在剛入口路過的樓梯見到的酒樓覓食吧！如果當天沒有到訪，恐怕會成為2016年的一個遺憾，因為此行只兩天，餐廳跟我們說，翌日和後天招呼貴賓，不接外來客人，即是說，要來只能在到步的第一天來，第一天沒來就會是摘星之後！現在回想起來，都覺得自己實在太幸運！好了，入正題，當日的用餐體驗令人賓至如歸，侍應服務水準很高，連我們這些等閒之輩不過是抱著一般飲茶吃點心的心態，都受到"上賓"的禮遇。侍應帶我們經過又長又寬的長廊，到達了裝潢華麗、氣派非凡的用餐位置。桌上放著一個龍的擺設，應該是一個菜牌座。菜牌造工精美，一本金龍一本銀龍，龍是立體繡花，下面還有一塊玉似的，抺手毛巾擺放在漂亮精緻的貝殼碟子上，這麼多龍的裝飾擺設，忽然覺得自己好像變成了皇帝。先奉上芳香的茶一杯作為迎賓茶，若要再要茶可再點。我一邊品嚐香茶，一邊欣賞

新濠影滙》的粵菜廳「玥龍軒」，是米芝蓮二星中菜「譽瓏軒」的姊妹店, 由米芝蓮名廚譚國鋒師傅主理，出品已有信心。 價值連城的茂台，最貴那支要廿多萬，開一支少一支:茶壺甚有心思，將龍上茶杯的位置轉動，就可以選焗茶或倒茶：先來餐前小吃：「玥龍拼盤 - 芥末子南非鮮鮑 / 百花乳豬」，南非鮑帶來開胃香辛。乳豬一小件，皮與肉中間釀入蝦膠再炸，難度甚高。「瑪卡燉竹絲雞」，瑪卡是來自秘魯的植物，能提高抗氧化能力、抗疲勞、舒緩焦慮、增強記憶力等等，是很有益的食材，湯鮮。「古法蒸斑球伴椒鹽頭腩」，一魚兩吃。蒸斑球伴金華火腿絲和用滾油溓過的薑蔥絲，吸收魚肉精華的甜豉油，用來撈飯最好。「無花果和牛脯」，軟嫩：「濃湯鮮竹紫淮山泡龍鬚菜」，嫩綠南瓜苗用湯浸熟，上湯味道我最欣賞，可以把它喝得光光。「極品玥龍軒炒飯」，由師傅用砂煲即場堂炒。飯粒炒得分明，用頭抽的鮮提香，如清秀少女化上淡妝，恰到好處。「川貝雪蓮子燉蘋果」，蘋果已燉至半溶化，乾燥天氣來碗，滋潤。最後中式的 Petit Four：好一個味覺享受，相受能摘星，指日可待。