盛記白粥

營業中

休息中

本來想去食魚翅，但去食魚翅的途中，見到蛋散同馬仔，就忍唔住入左去本來想外賣的，但丫媽想食甜品，所以坐低左。叫左綠豆沙，芝麻糊，蛋散同馬仔。馬仔無想像中咁好食，因為唔鬆化。蛋散就好啲，鬆片化啲。而且甜度適中可惜蠢左，無叫多件。綠豆沙煲得好綿，好多豆，好足料，一共食左3碗見到餐牌啲食物名好得意，就叫左個糕腸來試下。原來係蘿蔔糕拼腸粉。蘿蔔糕好味，見到蘿蔔絲，唔太重胡椒粉味，又唔太多粉，真材實料腸粉唔滑，但有米香，下次試下粽同燒賣先

入到去樣樣都想食但一個人食不了太多見到個個入嚟都叫碗白粥但今日實在太熱下次先試由細到大都鍾情於蒸蘿蔔糕😍同埋最重要食既時候要有白胡椒粉貪心的要了燒賣糕即係燒賣加蘿蔔糕 Mop17.5再要多份細炸腸 Mop 15最鐘意所有醬料放在枱上任你用

黎到澳門都吾知食咩早餐好，又吾想食茶記，搵下搵下就搵到呢間盛記白粥，簡單既早餐之前搵資料既時候，因為比較少鋪面相，以為係小店，但黎到又覺得幾大間幾乾淨，雖然張枱吾算好大，但成個感覺都坐得好舒服我地幾個人叫左白粥、皮蛋瘦肉粥、咸煎餅、油條、甜煎堆、牛脷酥、炒麵、蘿蔔糕、腸粉一齊share，因為見好多人推薦綠茶豆腐花，最後都係想試下白粥會有啲稀，但係有淡淡豆味。皮蛋瘦肉粥好足料，有蠔仔、皮蛋、瘦肉，好食，又吾係味精味油條浸左落粥到食甜煎堆裡面係椰絲，但煎堆好油啊，一拎起個煎堆，隻碟有成層油咸煎餅同牛脷酥就普普通通，炒麵都較為一般，吾夠入味。蘿蔔糕都幾好食，吾會好粉，但就係乜料。腸粉都一般，都算滑，但整得比較厚。綠茶豆腐花：都幾驚喜，豆腐花本身應該都加入左綠茶粉去整，可見有啲綠綠地色，食落都有好香既綠茶味，值得一試

行去聖諾瑟教堂，途中見到對面間粥鋪有蛋散，好吸睛，即刻入去幫襯！點咗一碗白粥，蛋散同蘿白糕。白粥係全完無味，但驚喜係白粥裡面原來有腐竹！腐竹當然溶哂入白粥入面，由於粥係全完無味，所以腐竹味好出，我自己都係第一次食腐竹白粥，食完哩碗粥先知道原來腐竹係有味！原本吸引我地嘅蛋散反而有d失望，一來唔夠甜，二來質感唔夠實，鬆散咗少少。蘿白糕唔會好粉，可惜蝦米等配料唔夠多。𠵱呀！只係掛住食，唔記得影多幾張相添！

澳门一天游，看完大三巴后往关闸方向行，附近有间盛记白粥，知道好出名，就嚟咗呢度。唔多中意饮白粥，然后就点咗一杯冻豆浆，一个咸煎饼，一共11蚊。味道OK嘅，冻豆浆唔会太冻，唔会太甜，几有豆味。咸煎饼是冻的，但係都几新鲜下，味道都OK。环境好新净，空调够冻，加分。最唔OK就係个收银，我101佢找90，然后港纸入，葡币出，找咗葡币俾我，然后话下午冇人俾港纸。找我港纸仲可以去香港，依家一定要翻澳门了。唉，老人家喜爱的食物，果然比较少港纸人事帮衬。搞到我唸来唸去，最后带住90蚊MOP翻咗广州。唉。

一朝早個肚勁餓，就黎到盛記白粥品嚐早餐。同行友人叫左蘿蔔糕， 燒賣腸粉，我就叫咗份炸兩。蘿蔔糕十分之大份，兩個人share食都得，十分足料。燒賣亦都好大粒，朋友話係由魚肉製成，十分彈牙。而腸粉所用嘅醬料，例如辣椒醬，豉油，芝麻等等都放喺哂係枱面，你想點加就點加！我叫個份炸兩反而就一般般，油炸鬼亦都冇想像中咁脆。早餐後甜品就叫咗期待已久嘅芒果豆腐花同埋綠茶豆腐花。芒果豆腐花果然係冇新鮮芒果係入面， 聞到就好香芒果啫喱粉味，食落就有啲失望因為芒果味就唔係好食到，而豆味又食唔到。不過幾蚊一碗嘅豆腐花，的而且確不能期望過高。反而綠茶豆腐花就另外有驚喜啦，食落去有味香嘅綠茶味， 唔會又苦又澀，仲滑嘟嘟添！

去澳門真係經常都係行，不過就係用對腳行先會不經意搵到好嘢食，今次我地誤打誤撞竟然搵到間粥店有蛋散賣我一向都幾鍾意食蛋散、馬仔呢啲，粥鋪新鮮做馬仔，梗係要食喇但係買完之後我地都無機會食，最後要夜晚返到酒店先食，竟然重好脆，唔會太甜，又唔會太黏牙呢間真係極度推介

C+旅行團 || 「我要食10餐」澳門之旅 - 傳統美食新做法: 盛記白粥 呢一站本來 ⌞ms.C⌟ 係冇預算的本來我地係去另一間豆腐花不過原來星期三人地off所以轉戰呢一間 盛記白粥 --雖然係粥店 不過只供應好少款式既粥品-- 裝修光猛 枱同枱之間唔會太過迫夾 -- 牆上有一幅畫左 盛記白粥前身既情景 都係賣油器、紅豆粥 & 芝麻糊 --但就送粥既小食/ 油器就好多選擇 全部都炸到金黃色家 -- 其實我地黎呢到醉翁之意不在酒 我地今次黎既目的唔係食粥轉戰呢到既芒果豆腐花 & 綠茶豆腐花--香港甜品店叫既芒果豆腐花好多時都係用普通豆腐花做底係面到加上芒果肉 / 芒果汁-- 今次係澳門盛記白粥食得到既芒果豆腐花 ⌞ms.C⌟ 就係第一次食將芒果汁加埋入豆漿凝固芒果豆腐花唔使加任何topping上枱就係橙橙黃黃既芒果豆腐花 -- 食落口都尚算嫩滑 充滿淡淡既芒果香味 + 豆香 -- 綠茶豆腐花 食得出茶味濃 但冇咩苦澀味 -- P.S 仲有其他糖水選擇家 --行過既話值得一試 行到熱熱地 入黎歇腳休息下 再戰下一場 -- 位置: 議事亭前地對面 民政總署左手面既斜路 (往東方斜巷

第二天的早餐，我們打算到大約十五分鐘路程的盛記白粥進食。途中看到一間健康純素店，可惜也是沒有營業。這是新馬路分店的盛記白粥。前一天我們到過此分店購買蛋散，MOP7。蛋散一點也不油膩。口感卻非常鬆脆。甜度適中，因為麥芽糖不多。麥芽糖很黏。手指和牙齒都黏住了。盛記白粥內部空間不小。燈光明亮。地板是淡灰色的瓷磚。牆壁是白色和淡灰色的瓦磚組成。有涼茶店慣常使用的圓形小木桌。桌面有圓形玻璃厚片。椅子也是木製的，圓鼓形狀，椅子腳微彎，椅子是中空的。白粥（小），MOP6。媽媽說有腐竹，應該已煲至溶爛，所以看不到。我覺得有米的香味。質感稀薄。腸粉，MOP14。質感不算很滑，但也不錯。炸腸，MOP14。香港稱為「炸兩」。油條不夠脆。所以這個很一般。牛脷酥，MOP5。我沒有吃……油條。（忘記了價錢。）只是微脆的口感。表面有白芝麻。除了粥是微熱（不是燙口的熱），全部食物都是涼的。這點似乎不太好。在粥店，理應所有食物也是燙熱的才是。

很多時候到訪盛記白粥，為的除了是白粥外，我更愛吃它的甜食而且價格不高，豆腐花的口味選擇也不少，這次吃的是燉木瓜，小小的剛好來滿足甜癮它的甜度並不會很高，木瓜的份量算多，還加入了雪花及南北杏