華峰食館

營業中

休息中

本來諗住食肥仔文，不過肥仔咪冇位，冇乜時間就過咗隔籬位食，冇諗過味道都OK！🍴水蟹粥 $88 (7/10)一碗可以夠兩個人食，估計應該有一隻蟹，蟹肉都好鮮甜有蟹味，個粥都吸收咗蟹嘅精華都幾滑嘅，唔知隔籬係咪真係差唔多定係更好食啦？但係呢一碗係唔錯嘅！🍴椒鹽焗鮮魷 $95 (7/10)好大兜，炸粉好薄，魷魚都彈牙，食到少少椒鹽味唔會太鹹，合格啦！
推薦指數: 7/10比想像中好食，如果隔離太多人嘅肚餓嘅話都可以試吓嘅唔會好伏。

1）點了白灼蔬菜，竟然來的是有醬油的蔬菜2）點菜到上菜差不多要等半個小時3）我們是搭枱的竟然將我們的一碗粥給對面的人，而且他們是點一鍋的4）服務態度很差5）吃到最後竟然發現有頭髮在菜里面！！！6）糯米雞真的太差勁了！！！總之就難食不建議幫襯！！！晚上去的。其實係想去肥仔文食嘢嘅，但係去到的時候特別多人就見到這一家，諗住醫一醫肚，入去時候見到很多點心，仲以為會好好食，跟住點餐，工作人員都好像忙着收工，唔係點理啲散客，淨係顧住啲熟客。體驗特別不好。

搭完金巴再轉搭102x巴士，原來餐廳附近有個站，行大概2分鐘就到。中午前去到餐廳唔算多人，仲有兩三張吉枱，點心係寫紙落單嘅。價錢中等唔算平，叫咗幾樣點心，點心味道中規中矩，腸粉同鹹水角好厚皮同少料，其中腸粉屬於超點，$26 得兩條，CP值不算高！優點係24小時營業，不過試過一次就夠

依家澳門飲茶，最早都11點先開，對於帶住要一早飲茶的父母，酒店介紹左依間一間好地道的餐廳，都係一班熟客，當然有遊客飲茶必點的就唔comment, 講返幾款真係吸引的點心粉果：吸引是手掌咁大個，食一個都飽左1/4啦，足料，唔會粉果大，料得少少咁空虛蚝油鮮竹卷：真係難揾到蚝油鮮竹卷，依家食的都係上湯浸，蚝油的分別係條鮮竹卷會比上湯浸較為結實 腸粉 : 佢的皮真係不得了，薄，黏韌，似係手拉皮，連鎖酒樓幾好食，皮都是厚，華峰的腸粉皮是有點點通透，值得一試

澳門美食多羅羅男朋友之前在澳門工作至深夜曾經到過的華峰食館 今次我地重遊本身出名燒味但非常之想打邊邊所以將他們合併真是十派.....好好味可惜我們只有2個人食既野真係太少了火鍋餐牌一覽真係好多野想食先叫了一個义燒併燒腩仔最有名的燒味,不過這一併盤係有少少失色因為义燒的蜜糖都"琼"左燒腩仔也不夠脆坐卡位,個爐擺得好近胡椒雞腳豬骨煲這個是非常十派的好味道只是湯底胡椒味非常香濃係本人暫時打過最好既邊爐底真係現在還超級回味煲內還有很多豬骨及雞腳仲有我最愛既栗米大愛由於我們只有兩個人煲已經夠多夥食我地都未敢輕舉妄動叫太多另外我們叫了雜菜欖--菜夠新鮮-推介枝竹--煲極都唔"林",千期唔好再叫由於他們24小時營業可以好夜落船都去食

一落机就去了华峰，以为书介绍就好好吃。点知唔係！吃落好咸！又贵！以后都唔会去。

同女朋友四圍找食, 終於去到這里. 食晚飯, 叫了幾個菜叉燒x乳豬 - 拖地叉燒, 蜜糖味足, 雖然d肉麻麻地, 但味道好好, 要肥肉可以好多肥肉, 乳豬一般, 但勝在仲好脆.粟米魚肚湯 - 唔小心叫左個我自己愛既湯, 不過仍然好飲, 因為係街飲通常難飲到死, 2個人飲, 真係飲唔晒, 但又真係好好飲, 咁既湯都咁有心機整, 師父多謝你, 我上癮了.....蝦醬通菜煲 - 份量十足, 因為好夠熱, 所以好好味, 2人一直續湯後又吃青光的菜.是日, 吃得太飽, 好彩要行好遠先番屋企, 還想試更多小炒, 之後再寫給大家看晚上10點後才有茶飲, 點心一般, 但晚上有得吃算係咁啦! 待續