華軒美食

營業中

休息中

離開了十月初五街，終於來到我們的目的地：華軒美食！過來澳門之前，朋友已經在網上搜尋一些隠世美食。從網上美食博客介紹，原來很多澳門人也不認識這間店鋪，但這裡的墨魚餅和咖喱牛腩是非常出眾的，因此我們也慕名而來。咖喱牛腩湯麵面底是用上中式蛋面。咖喱味香濃，味道有點類似印巴咖喱。因為湯底稍微沖淡了咖喱汁，下次再來的時候必定在是它的咖喱牛腩撈粗。墨魚餅包麵包鬆軟可口，墨魚餅外層炸得金香又外脆內嫩。還可以咀嚼到細碎的墨魚粒，可真滋味無窮。但是感覺上好像缺乏了某些東西。麥林吉列墨魚餅堡肚子還有空間，所以特此再品嘗多一個升級版的墨魚餅包。外層麵包同樣是鬆軟，但墨魚餅比較厚身，還加添了蕃茄片和生菜，感覺清新怡人，還緩和了墨魚餅的油膩感。環境整潔尚有改善空間，但店員的服務是意想不到的親切有禮。

今年平安夜去咗澳門，一早起身梗係搵好嘢食，因為為咗慳錢去咗珠海住，朝早一起身過關，發現自己身上一啲散子都冇，冇得坐巴士去依度，做咗個驚人嘅決定，就係由關閘一路行到仁慕巷，足足用咗一個鐘，由11:30行到12點幾先到，奉勸大家如果為咗貪平去坐巴士由澳門一定要帶多啲散子係身，唔係後悔莫及都係講返嘢食先，經過一輪行行行行行，個肚已經餓都打鼓，一嚟就叫咗香煎墨魚餅，斑蘭雞髀飯，咖喱雞翼湯粉（我唔記得咗exactly個名)香煎墨魚真係好好味，又夠彈牙，正！下次再嚟真係必點～咖喱雞翼湯粉個湯真係好濃，濃濃香香咁，好重咖哩香味，而且個份係比較粗身啲，唔似我哋平時食開嘅米粉，鍾意食煙銀啲口感嘅人一定會鍾意，呢個我都好推介斑斕雞髀撈麵，呢個就份量好大雞髀肉好多，個汁味道亦都唔錯， CP值好高，但係咁大嘅份量係唔適合旅客食因為仲要留肚食其他野食咗幾樣野都覺得幾好味，下次再嚟嘅話一定會再嚟～ 其實我係第一次寫食評，因為我見到你間餐廳轉左手後無人講過，而且d嘢又咁好食，所以玉手寫咗呢段食評，估唔到我嘅第一次唔係寫香港嘅食評

好多人會問「香港冇乾炒牛河食咩？做咩條長路遠過黎食?」其實冇他啲，都係抱住試下啲心態啫，如果去澳門唔係去賭場同搵野食，我都唔知作為遊客仲有咩好做囉~話明係勁食之旅，所以一早plan好響林記食飽飽之後，立即轉場去十六蒲附近搵細龜。我地由黑沙環林記燒烤坐的士過黎，好容易就搵到華軒美食，因為響街口已經見到火光紅紅，細龜正響到炒牛河，火力強勁非常，而且仲聽到啲「薘薘聲」，真係唔食得都睇得啵~入坐之後立即order左個乾炒牛河，見隣近啲食客正在品嚐緊碟鮮牛肉腸粉(好似好好味咁)，我同Cobi爸即時你眼望我眼…都係忍唔住叫多碟牛腸，係時候發揮我地啲大食小宇宙啦，哈哈~乾炒牛河可能係星期五啲關係，比想像中啲人少，所以碟牛河都好快炒起，淨係睇個look就覺得色澤唔夠深，而且唔係炒到咁均勻(比Cobi爸見到有幾條河粉冇豉油色) ，由咁勁鑊氣炒出黎啲乾牛河，當然係要熱辣辣咁放入口啦…點解唔夠味?！佢用隻豉油唔得！色澤唔夠，味道又淡，加左D橙色啲辣椒醬就好番D，不過好在食到尾個碟底都唔多油，呢樣合格~牛肉唔係D咩靚牛肉($30蚊一碟…唔好玩啦~)，冇咩要求，冇梳打味，唔難咬開已經好好。鮮牛肉腸粉味道只屬一般

吃宵夜都會想起細龜的...水蟹粥, 干炒牛河, 炒花甲, 炸雲吞...水蟹粥不夠新鮮...炒花甲太過鹹...炸雲吞肉太少...最好吃就是干炒牛河! 條條分明, 味道剛好!

認真,有諗過,唔係求求其其,細龜老細好好人ar食飽dinner, 一場黎到,無理由唔食,外賣返酒店食都好la,但可能凍左.都好la.試試佢.叫左一個雞炒麵,企左好耐先到我地,外賣ar.$30貴左少少,係香港,我一定唔會食.係發泡膠入面有張鍚紙架.熱騰騰都唔怕,唔會食有害物質.「有諗過架」用心做.鑊氣好大.火好猛,好大既火炒出黎,返到酒店要一小時多,仲熱,盒底無油架仲教我地點樣好快行去大三巴.好好人ar

午餐吃了陸軍俱樂部的半自助餐，晚餐/宵夜撈埋一堆，八點多去到等了45分鐘才入座。等位期間見其他人多數是吃干炒牛河、炸鯪魚球、水蟹粥、豉椒炒蜆、雞腸通菜、鮮雞腳菜(菜心)。二人只叫了3種嘢，最好食是 ：- 炸鯪魚球，100分，鯪魚味濃、彈牙，新炸起特別香脆，送冰凍啤酒一流。- 干炒牛河，95分，正如眾人所說鑊氣夠，牛肉處理得剛剛好夠淋滑，冇梳打味。多啲芽菜及牛肉更好，因都要$30。- 雞腸通菜，95分 + 5分因香港冇咁多新鮮雞腸食，兩種食材都新鮮爽脆。- 蔗汁 $14不好，外邊交來的，冲太多水唔夠味。街邊的細龜當然功架一流干炒牛河鑊氣十足，但是地下廚房的炸鯪魚球和雞腸通菜亦不遑多讓，值得一去再去。地方是很普通但服務是很有誠意，這或許是細龜的堅持。我最失敗是冇食水蟹粥留小小肚吃對面六記的竹昇麵，結果一肚氣及非常失望。

聽講好好食...但係我唔會叫人去囉......我自己也不會再去....牛河1) 色: 唔夠深...2) 香: 無獲氣 3) 味: 好淡....仲食到一陣陣熡咪...(我發現炒到燶咗少少)..色香味都無...平都唔想食...我另外叫咗個豬紅油菜...個豬紅..實到...好似食緊香口膠咁...我同朋友食咗一粒就無辦法再食埋它...

We have been back, bringing our friends there - it was for Mr.細龜's performance and his wok-hei stir-fried flat noodle. He was a serious guy using only 3 seconds and finished his works. A really wok hei/hot plate of stir-fried noodle came out. It was of good taste.

住係十六蒲,夜晚特登行過去買宵夜~~我6點幾食六記已經見到細龜係度炒呀炒....去到12點仲係度係咁炒,見到都鄧佢辛苦~!!叫左外賣番酒店度食,一打開已經香噴噴,超有鑊氣~!!D味都剛剛好,用錫紙墊住,又唔覺佢好油~~廿幾蚊,食到咁既素質,真係好好~!!不過,如果可以多D牛肉就好喇,HAHAA

食完六記再食牛河好食過平時食開個d好夠獲氣但就好油囉庶汁..好普通..14蚊!

很普通的一蝶干炒牛河,除咗可以睇細龜炒功外,味道很一般,香港有些大排檔比佢好食,要排1hr先買到,下次不會再排.

干炒牛河 not that nice, quite oilly, nothing special, similar to normal "cha chan ting" in Hong Kong. 8 of us went there and all disappointed with it!雞腳 is very nice, should order just 雞腳 but not 雞腳+ veg.it is very easy to find, just tell the taxi drive to go to 細龜 and 干炒牛河, they all know it.but it will be hard to find a taxi when you leave...

久聞馬交細龜炒牛河的功架了得，但上次到訪適逢他關門度假去也，緣慳一面實在可惜，所以這裡再來碰碰運氣。皇天不負有心人，我們還沒到店門已聽到「薘！薘！」的拋鑊之聲。這天店裡客人不少，我們點了蟹粥、乾炒牛河和油鹽水菜心。 蟹粥是時價，這天是$58一小窩，抵食！十分欣賞澳門食肆對粥的那份認真，雖只是 一海之隔，但香港的粥品早淪為人有我有的食品了，用料馬虎兼有味精不說，連煲的功夫也省，以米粉開水混之了事，真是慘不忍暏。反而到了澳門能吃到充滿米香的粥品，細龜還不止這樣，為了增加粥品香味和口感，更加了蔥花和切得非常幼細的菜圃，與鮮美的蟹一起煲真是其味無窮！連既不愛粥更不愛蟹的老公也破例吃了不少。 乾炒牛河一如所料，鑊氣十足，河粉條條分明，牛肉新鮮且調味得宜，還有生炒的韮菜、蔥和芽菜，一吃就知是真功夫、大師父之作。反觀香港，要吃乾炒牛河不難，但想找到這種水平的還得另花心思和金錢才行。 油鹽水菜心令人有點失望，選擇這種烹調方法是為了吃菜心的鮮甜，但這裡用的菜心不好，不夠鮮甜而且菜莖太硬，其實冬天正是吃菜心的時候，還望店方入貨時多加注意。吃東西時看見其他客人都愛點牛肉腸粉，可惜夜已深不宜多吃，還待下次再

食完葡菜之後, 就黎細龜喥買外賣做消夜。一早上網搵定佢既地址, 有食家話近十六蒲,所以我就係十六蒲附近搵, 都行左好耐先之搵到呀, 但就好易認到囉。叫左個干炒牛河外賣返酒店食, 真係好夠鑊氣呀,同埋外賣盒係鍚紙底返到酒店個外賣仲熱架, 非常好呀

從新馬路出發找澳門黃一山，網站上的地址是位於三盞燈，事實卻是在外港碼頭附近，結果足足兜了一大個圈，原來就在十六浦附近，吹漲！街口見到細龜正在炒河，火力奇猛，喜歡干炒牛河的我見到此情此景，心內已暗中叫好，急不及待直上閣樓，點了馬拉盞炒通菜及細龜干炒牛河各一。先來的是馬拉盞炒通菜，份量不少，通菜鮮嫩爽脆，入口索索聲，十分對辦。吃了大半，卻不見干炒牛河的蹤影，跟阿姐說了好幾次，偏偏遲來的客人都有了，我仍只有等候的份兒。足足坐了廿分鐘，鑊氣十足的牛河來了，河粉入口熱辣辣的，顏色十分均勻，細龜哥的確幾好手勢，牛肉腍滑，芽菜及蔥也入味非常，絕對合格有餘，只略嫌炒河用油過多，吃來有種油膩感，未能使我一吃到盡，講鑊氣講味道，還是國內的大廚出色。只是一碟炒河、一碟通菜及一罐可樂，埋單收我八十幾，唔太對路，原來收多我一碗粥錢．．．