西灣安記 (已結業)

Here I come to Macau again for business trip. After attending an epic party last night in one of the hotel's opening, I was craving for some hungover food. I walked around downtown and found everywhere jam packed. I have decided to stop by a random local Macau restaurant "On Kei" The two-storey restaurant was really welcoming for tourists. Located just in between some of the most popular curry stalls in town. It was not too crowded inside and it took us no time to get a nice seat with air-con. P

之前在旅遊書見過西灣安記，原來在大三巴大堂路都有分店喎﹗整件豬扒包試下先﹗我其實成日都講，去澳門，滿街食店吃不完，要多試多吃，不過亦係咁樣成日乃野﹗乃野都係好事，起碼下次唔會再去﹗唔洗我多講，你地一睇就知呢個所謂的豬扒包有咩問題啦﹗豬扒包落炸粉我老哥都係第一次見，仲要炸粉九尺厚，豬扒薄一薄，食落完全無味，九唔搭八，食完真係憤怒了﹗我敢講麥記都好食過佢﹗不會再幫趁﹗

路過此餐廳, 於是便入去一試. 發現所有食物都是有待改善.我們點了蟹子豬扒包, 牛脷膾意粉和菊蜜.牛脷膾意粉和菊蜜很快便到了. 牛脷膾意粉還可以一試, 與其他茶餐廳大致相同. 不過不失. 於是我們熱切期待其他食物的來臨。蟹子豬扒包登場啦.....結果是: 最令人失望的食物. 蟹子還蟹子, 豬扒還豬扒. 乾乾的, 一D 汁都無. 又無味. 全部用材料都唔配合. 簡直是浪費了材料的本身.菊蜜太甜, 如想解渴, 勿試 !服務態度簡直就是惡劣!!! 員工無禮貌得可怕. 試想想, 有誰放假去遊玩時想看到一些不太正面, 不太高興的場面!長此下去, 就算食物質素有所改善, 只怕食客都不會再次光顧. 更何況現在食物質素及服務態度都如此可怕.

返早放工既時間,系我最餓既時候食完早餐.后6小時左右先食野好肚餓好口渴先黎一杯利賓納summer時間最好飲一杯有檸檬片既飲品都好解暑之後要左一份豬扒墨魚汁炒一份炒得好香口 好多配料可是油太多 下次要少油先得味道ok既難怪好多朋友叫外賣都會叫一份

澳門為食之旅第三站。回到大馬路，原意幫襯黃枝記，不過因為實在太多人，所以決定行多陣先食，但結果越行越遠，而且越來越肚餓，最後去左盧氏大屋對面的西灣安記食午飯。剛入去，沒任何期望，純粹因為太肚餓，睇返餐牌都唔平，同香港的茶記差唔多價錢，而且無得加錢加野飲，不過行到勁累，都算啦。我叫左干炒魷魚麵，女朋友叫左焗豬扒意粉。落左單，唔夠五分鐘我的干炒魷魚麵就到，麵身好爽，係我最鐘意的竹昇麵，麵條本身的麵香，再加埋醬汁，淨麵都覺好食，唯獨魷魚就無咩味，可能炒麵要落重味的醬油，不過魷魚份量都叫多，而鬚的部份先叫入味。直到我差唔多食完，焗豬扒意粉先到，但呢個豬意粉實在價得一試再試。先講意粉本身，唔似一哥咁焗到乾哂水，仲係濕濕地，蕃茄汁只有小小酸，勁開胃，似係新鮮蕃茄味，撈埋好好食。豬扒本身好入味，而且好大塊，仲好鬆口，有無落過咩配料鬆肉就唔知啦，但味道中上。服務方面：其實都唔好預有咩服務可言，好多間澳門食店都係咁，野就好好食，但面口就唔係好好，我地坐低左又無俾水，都叫左幾聲先有人應我地，不過咁近大三巴旅遊區，野都叫好食，雖唔算好驚喜，但都叫可再幫襯。

Solar係旅遊書介紹這裡,當然要尋佢地既足跡。跟足書上面既地圖搵小店,不過都儉些找不到,下次記住係盧家大宅斜對面就搵到。Solar 介紹呢到既豬排包,辣魚包同意粉,所以我地都係食呢三樣野。豬排包比不上氹仔的豬排包,塊豬排唔夠大塊。不過呢到勝在唔洗睇住時間同排長龍。辣魚包有微微的辣,幾惹味,記住要親熱食。茄汁雞肉意粉,好好味,好家庭FEEL~雞肉全部都滑,茄汁同意粉比例岩岩好。

新馬路大堂巷6號ge西灣安記,,呢間唔夠西環戈間西灣安記好食,,質素一般,,但係員工態度很差話說有一日我同幾個朋友去食下午茶我叫維他奶 有某個女員工同我講: 盒裝定罐裝? 但係我一路都叫開支裝 我又唔知佢戈到冇支裝維他奶,,咁我就問佢有冇支裝啦,,之後佢居然話 : 我咪問你盒裝定罐裝囉 你叫咩野支裝姐,要飲你就自己去出買黎飲啦! 咩野態度 呢個員工態度真係唔掂!! 再係咁只會影響到西灣安記ge型象,,講真西灣的西灣安記真係要試下,,食物質素同服務都比 新馬路大堂巷6號西灣安記 為好~

上星期到澳門遊, 取房後第一時間到褔隆新街吃翅, 怎料給“翅客”殺過片甲不留! 最不幸是混亂中又入到這間寫著有50年歷史的“西灣安記”; 焗豬扒飯面層的汁醬未凝結, 根本未焗透, 味道好差! 菠蘿冰的菠蘿只得酸味, 還有那半生紅荳的紅荳冰! 唉, 只有辣魚飽是可下嚥的! 今次真是全軍覆沒!

今日同高生澳門半天遊。先黎西灣安記飲杯奶茶叉叉電。喜歡佢地既奶茶將奶同一壺茶分開上，自己沖都幾有風味。不過第一杯奶味就會重d，飲左小半杯之後，就將剩低既茶沖埋落去，味道就剛剛好啦!再食左沙丹豬扒燴意粉，豬扒唔會炸到好硬，仲有少少肉汁，d意粉係粗意粉所以腍少少都OK。新裝修好既西灣安記令人坐得舒服d，不過，d冷氣好凍。

前一晚六點幾去到竟然咩包都無曬 於是唯有第二日回港前再去食~終於食到呢個豬扒包，豬仔包焗到外脆內軟，豬扒夠大塊亦夠軟淋!我都推介大家食呢個豬扒包，味道好好! 檸茶味道好奇怪，千祁唔好試...我飲左杯菊蜜，味道正常。間野係大三巴附近，好方便，價錢都好合理，去開澳門可以一試!

早餐只是隨便的吃塊多士, 所以肚裡還有空位。想起大堂巷有間西灣安記, 一直都未試過其辣魚包, 今次未食飽正好試到啦! 聽人講總店食物水準最好, 是真的嗎? 豬扒包$12:豬扒可揀煎或炸, 真是很大塊, 比個包還要大呢! 麵包是咸豬仔那種, 稍為焗過, 但一咬落去都好易變扁左, 豬扒幾入味, 可惜乾身有點硬。 辣魚包$8: 之前去另一間茶餐廳吃過的是用整條辣沙甸魚夾包, 反而我好欣賞這裡弄碎辣魚再夾包,比豬扒包更出色, 又辣又惹味。 凍奶茶$10.5: 見人地杯熱奶茶是連壺和茶隔上, 幾有風味。甜度適中,但茶和奶味都較為淡薄。

睇到幾本書都有介紹西灣安記，一於黎試下，西灣個舖位係巷入面，由噴水池果邊方向行過去，見到 sasa 一定要望右，就係呢條巷，行過唔留心可能會 miss 左~環境好普通既茶餐廳格局，裝修頗舊，但都企理既。共有 2 層，地方唔算大，地下大約有 6-8 張檯，樓上多少少，大部份都係 4人檯。冷氣 ok，加上風扇，出面行到好熱入黎都幾涼快~食物種類唔算好多，同澳門好多茶餐廳一樣，都係無 set 供應，全部散叫，不過價錢唔貴，食包加杯飲品大約 $25~豬扒包 ($12)：~ 麵包外脆內軟，剛烘過所以仍暖，聞落幾香麵粉味~ 豬扒係炸既，個人覺得煎好食 d，唔駛食多層粉~ 豬扒好入味，好腍，無骨，食落唔乾仲好有肉汁~ 加埋少少洋蔥碎，好香~ 辣魚包 ($8)：~ 個包同豬扒包個包一樣，都好味~ d 辣魚比較普通，好似超市罐頭果 d，都幾香既，不過越食越辣!!紅豆冰 ($13)：~ 唔推介!!! 至少我一定唔會再點... 因為真係好無味!! ~ 紅豆好少，又唔香，個底係淡奶加水味，好稀好稀果隻...服務一般啦，又唔覺得 d 侍應好粗魯扔野咁，我地上到上層都有人招呼幫我搵個位，手腳都幾快，所以我覺得都

以前要數好食O既, 我一定會推介西灣安記O既「蟹子豬扒包」, 但係...佢依家...已經退步到...我唔會再返去食。 蟹子豬扒包最緊要脆, 但係佢依家d 包稔到不得了...豬扒個粉好厚, 厚得o黎無味; 蟹籽仲要有陣腥味。價錢就進步左好多喇, 由$12加到依家差不多$20個; 但係食物質素呢...香港是但一間茶餐廳都好過佢呀。最令人憤怒o既係佢o既服務態度!!! 超惡劣!!! 無禮貌, d位又迫, 一食完就趕你走。畀水攞o野都係掟畀你。呢方面, 我相信香港任何一間MK茶室都會做得比佢地好。唉~~ 要知道, 水能覆舟, 亦能載舟。你紅, 係因為有人O黎食, 畀錢你使, 你先紅到; 到你依家紅到目中無客, 將來? 難講喇。

在朋友介紹下, 來到這間其貌不揚的茶餐廳, 在這裡叫飲品, 可以只叫奶茶或檸茶(仲要係熱的), 因為他們的茶是一壺壺端上給客人, 讓他們自己倒入茶杯, 他們還給一個小小茶隔, 讓客人隔掉茶渣.我選了奶茶, 茶夠香滑, 而且沒有香港的奶茶那麼heavy.另外試了辣魚包&蛋牛治. 值得一提是那件蛋牛治, 人家用的只是尋常罐頭咸牛肉, 但是卻有心思地將咸牛肉跟洋蔥炒一炒, 令整件三文治變得香噴噴, 不比那些可恥的香港茶餐廳, 就這樣從罐頭中挖出來, 直接塗在麵包上就算.

差不多每月會到澳門工作，安記是我常光顧的茶餐廳之一。安記位於購物區附近，非常方便食物價錢價錢由幾蚊到三十幾有飽，有飯，有麫～～～上回我試過安記的辣魚咸牛肉飽，好美味喔！！！我也在安記吃過豬扒飽和牛尾湯通粉，不過味道真的不外如是。我不太喜歡炸過的豬扒，又沒有洋蔥！！！它的牛尾湯通粉和豬扒飽真的比不上澳門碼頭的餐廳～～那裡的牛尾湯通粉味道香濃，用洋蔥煎豬扒做的豬扒飽又香又juicy！！