誠昌飯店

營業中

休息中

黎親都係為左水蟹粥, 不過其實食落都覺得食緊味精粥..不過味道都可以既...重叫左墨魚 + 鯪魚雙拼墨魚超讚!! 好彈牙..都幾鮮味...不過鯪魚真係完全唔掂........又腥又淋PAT PAT.....下次去搵間再好D 既水蟹粥先...

果然係好介紹!!一去到就有位4個女仔叫左水蟹粥(大), 鯪魚球拼墨魚丸, 豉汁蒸大鱔個水蟹粥好好食, 有蟹味, 鮮甜!鯪魚球拼墨魚丸, 硬左少少, 不過墨魚丸有粒粒墨魚, 有咬口!豉汁蒸大鱔, 好大碟, 好彩個阿姐幫我地落半條.. 唔係4個女仔一定食唔哂!!!好多肉! 不過D汁太多, 鹹左少少...埋單$400幾! 都算OK!

我同我女朋友的第2日旅程午餐決定試食好出名的水蟹粥, 今日星期四係閒日只需等15分鐘就有位, 因為我地人數少及想食多點在官也街上的小食, 所以只叫左細的水蟹粥, 份量都幾多,大概有5碗, 蟹殼沒蟹膏, 蟹肉沒蟹味, 蟹膏整成粉狀係粥內, D粥吸收左蟹的鮮味都幾好味, 但是食完都係唔飽吐, 可能都係粥不是肉, 都幾貴$95

住係附近，有10幾年冇食過，唸住好似好多人嚟食，去試下啦，點知好失望喎，食完就唸一定要上網post出嚟!!一入去擺位d服務生就態度好差，點水蟹粥嗰阿叔就話，你哋10個人，1個大的得6碗唔夠食，叫我哋點2碗，點知其實大的一份我們都夠分...點生菜又話幫你哋要點中先夠，點大蝦又話一人要一隻啦，點知嚟到一隻蝦好大喎，兩個人分都很ok!點菜唔誠實就算，又一d都唔係咁好食，金沙大蝦、瑤柱生菜鹹死，大蟹伊面又無味...我們有細路仔，食完樓下睇數，又有服務生叫細路係外邊等啦，其實細路仔都已經跟住行出去...真係想唔到現在仲有呢種唔注重服務態度、又將食客當水魚的餐廳，而且居然仲有咁多人去食，所以...一定要係網post出嚟，比食客參考!!

店外不少人等位,我地留姓氏,半個鐘1:30pm準時進入。水蟹粥(大/6碗;細/4碗$125),聽聞用上三種不同蟹煲成。睇粥顏色,估到無乜蟹味。無蟹油,只有蟹膏碎,所以唔覺得特別好食。鯪魚球拼酥炸墨魚丸,反而是驚喜之作!鯪魚好似食有彈性的炸魚旦咁,o趙感好得意。墨魚丸更見出色!墨魚味好甜!外皮炸得又脆又香口!!勁掂呀!灼西生菜,唔油,仲有D淡添。荷葉蒸雞(半隻),好耐先至黎,”耐”即係過左火啦!雞一D荷葉味都無。食淨晒。

我地兩個人只係叫左細蟹粥($95)同炸墨魚丸($60), 點樣好食唔使再講啦!不過最唔好係佢份量多, 人少好難叫野食, 好彩真係好好食, 最後咩都食晒, 重要係三十幾度出晒汗gei情況下!!!

來到澳門第二日,繼續我們的覓食之旅...首先來到氹仔....就當然要食左最馳名既蟹粥先!果日仲落住超大雨...見到有好多人排緊隊...所以等左成半個鐘先到我們...4個人叫左4個餸...這就是我們的早餐 豐富吧~大既蟹粥 - 本來唔食得蟹既我都忍唔住要試下...之所以咁出名...因為D粥是由膏蟹,肉蟹 & 水蟹, 各取其精華部分煲成~但係D粥比較稀,見到有一粒粒的蟹膏,同埋D蟹肉很少...不過淡粥都幾甜!酥炸鯪魚球 - 雖然係炸,但係絕對不油膩!很彈牙...有口感~好好味!一定要食!!!西蘭花西魷 - 西魷很新鮮&爽口....西蘭花不過只是一般貨式!干燒伊麵 - 我們都遺忘了它,掛住食其他的...最後只有伊麵剩下大半,這並不代表它不好食~只是太飽食不下而已...伊麵跟金姑一齊炒...食落很爽口!配搭得很好...值得一試...總括而言,所有食物都是有水準的!服務都很好...而且價錢也算平....

去完龍環葡韻睇荷花，家人提議到誠昌食蟹粥。當時(下午一點左右)得三、四張枱有人，完全唔使等位，可能啱啱落完雨，入到去冷氣勁涼爽!我哋六個人，叫咗個蟹粥、炸鯪魚球、豉汁蒸鱔、乾燒伊麵、豉椒炒花甲同蠔油生菜。蟹粥 : 很稀、冇咩蟹味，算是普通料。炸鯪魚球 : 幾好味、彈牙，難得新鮮炸出來外皮脆、乾身，唔油"淋淋"，就算食到 尾都唔多見隻碟有一大灘油。豉汁蒸鱔 : order嗰陣阿姐話係海鱔，$9一両，我哋食嗰條有斤幾重，不過味道唔 錯，條鱔蒸得幾爽口。豉椒炒花甲 : 豉椒味好重，夠鑊氣，花甲都算唔錯。乾燒伊麵 : 初頭見到，呆咗，完完全全淨麵、無配料，但食落......比去飲吃的好 得多，麵夠乾身又有鑊氣，味道都算適中。整體來說，食物都算得上唔錯，但好似味道偏淡、唔夠味，可能迎合現家呢人的口 味。不過服務方面...我哋等食嗰陣，問過鯪魚球有無蜆蚧伴碟，

5月27日去澳門兩一夜旅遊第一站係來e到食午餐啦叫左好多樣的海鮮最好味都係黃金蝦,簡直就係正呀食海鮮來講真係超抵!!!!!!

已經係尾升...似乎已經食唔落，但係一心來想食個水蟹粥，食死都要試下啦！好在，沒有失望而回食三樣都有o的水準，不係好好好特別，o的野幾新鮮，唔錯！

同男友共二人去幫襯, 水準大不如前, 下次可能唔去蟹粥...成百蚊一個蟹粥, 得2-3件蟹仔, 好唔抵law墨魚丸 + 綾魚球 $50..冇咩特別, 得12粒....又唔抵食下次唔去啦, 服務又唔係好...

在2009-4-12 (SUN) 我與家人到達澳門，就即到誠昌食水蟹粥，點知餐廳大排長龍，要等上兩個小時先至有位，咁唯有等第二日先食過喇！到2009-4-14，下午一時重返此店，今次即刻有位。五人一共點了以下食物：1) 大蟹粥2) 炒蜆3) 炸鯪魚球4) 炸墨魚丸5) 炸田雞6) 西蘭花7) 炒飯全部食物都很有水準，所以全部食晒，一啲都無剩！特別足蟹粥、炸鯪魚球、炸墨魚丸、炸田雞，更是令人回味。蟹粥鮮甜，鯪魚球及墨魚丸夠彈牙(跑贏祥記麵家幾條街)，田雞夠大隻好肉，總括而言：此店食物會令你滿意，如在閒日去不用等位，那就更好。

上星期復活節假期同家人到澳門威尼斯人渡假村酒店玩....不用多說, 首站一定係哈哈) 賭場呀..... 當然係輸啦....之後出左氹仔食蟹粥....我相信好多朋友都去過既誠昌飯店, 個日都好多人, 都等左成半小時, 入到去就好快叫左野食呀好快好快之後...第一味菜到...炒蜆味道ok 唔太鹹, d 蜆隻隻都有肉, 唔會食到空殼, 之後到哈哈蟹粥呀, d 粥 "浠"左少少, 不過有鹹蛋黃增加d味道.....我就食左3碗跟隨一口氣送上4 道菜, 豬腸豬潤, 墨魚丸 (可惜冇鯪魚球), 西蘭花炒魷魚, 同埋椒盬蝦.....最近係薑蔥蟹同鷄....正呀埋單過千....都不過不失啦

４個人食左炸墨魚球，水蟹粥，乾燒面，堯柱菜。個人認為頭２樣都幾好食。後２樣就普通左ｄ。ｗａｉｔｅｒ態度不太好，可能我地無咩叫佢貴既送，連ｄ菜既ｐｒｉｃｅ都唔係好想回答我地咁。埋單要小心小心，佢計多左我地錢，好在我地之前已計定，跟住佢就話係張底單花左ｄ睇唔清楚，所以先計錯，我話佢地博ｘ就真。

同朋友去左2日澳門,朋友介紹下去左誠昌食crab粥,我地3個人去食,叫左個水crab粥同雙拼丸,因為我地至在try下,同你因為聽人講好食先去try,個度開下就12-晚12,所以唔好咁早去...講下個水crab粥先啦,其實我唔多鍾意食seafood,開頭我個fd講個陣我都無咩興趣,但佢真係極力推薦,個水crab粥真係唔錯,好綿,d粥入面仲有d crab肉,唔會d粥同水係separate既,我d fd就話dcrab肉麻麻,唔好食,但個粥好好食個雙拼真係好好食,墨魚丸個個好好食,佢入面有d墨魚粒,之後又彈口,好有口感,個鯪魚都唔錯,唔會話個外表同入面分開左,好有口感,好好食我去到見到枱枱都食水crab粥,仲有佢12點開,我1去個陣已經好多人,所以要食就要早少少去