譚家魚翅

營業中

休息中

來到福隆新街想食返碗翅，太耐冇來，古老的街道由紅變綠。本身想去的添發排長龍，見周圍都係譚家魚翅，話時話未幫襯過，趁今次試下，點知就中伏！門面售賣魚翅等乾貨，行入點就係餐廳( 因為打通)，我哋4人即有位，入座等左成10幾分鐘都冇人招呼，催左3-4次比壺茶都冇反應，每位收$6茶錢但一壺茶都冇😡！個場又唔係好多人都咁款，之後比壺茶又冇茶葉得水😵！咩料呀大佬！個職員仲要黑面。張枱得一個餐牌，散叫嘅碗仔翅果個餐牌又冇，之後去左隔離枱拎另一個餐牌先有即點餐（有一刻懷疑想局人地點小菜同Set)。石窩中鮑翅，$55，熱騰騰，份量適中，味道上，翅的確係有嘅，兩條，味道就真係唔掂，重味精嘅粉水⋯食完仲要好口喝，唔好食。真係差的一間，唔怪之得冇人排，唔好食唔值呢個價態度又差好趕客。

每次去澳門都夾好哂時間，第一站去完瑪嘉烈食葡撻，之後就襯添發中午12:00開門營業前趕到門口排隊。但今時唔同往日，今時今日澳門四處人山人海，排隊一個鐘係平常，結果係瑪嘉烈花多咗時間，食完去到添發門口已經人海長龍.反而譚家魚翅無咩客人又有大把坐，轉場!相比起添發，譚家魚翅價錢又較貴，魚翅份量又比較少，味道又比較淡，只有一點係比添發優勝，坐得舒服!用石鍋上枱，魚翅必然熱到辣咀，冬天凍冰冰食就一流，可惜幫襯當日熱到似夏天，食到成身汗!之後兩次經過添發，都係長長人龍，唯有完全放棄幫襯添發.今次幫襯哩間譚家魚翅無咩客人，第二日去氹仔官也街，果邊嘅分店爆場門口排長龍! 唔知仲以為係D檢測中心!最後結論，都係果句，無比較無問，一比較就輸哂，相信唔會再幫襯.

朋友介紹去澳門🇲🇴一定要食依間魚翅撈飯，去到接近21:30，前面總有幾枱人排緊隊，店員話其實佢地差唔多閂門，接埋我地依枱就截單。————————————♥————————————- - - - - - - - - - - - - - - - - - - - - - - - - - - - - - - - - - -♥️ 牙揀大鮑翅(3両) $98用石鍋盛載，上到枱都總係滾熱辣，魚翅份量都唔小，有完整兩三塊，個汁係雞湯味道，撈飯一流。♥️ 鮑汁炆豬手 豬手麻麻地，炆得唔夠淋身，個皮咬落去好有咬口同埋唔夠入味。總有叫其他小菜，不過太肚餓冇影相。♥️ 雲腿津白上面雲腿好似煲湯瘦肉搣咗一絲絲咁，好乾身帶啲咸味。♥️ 京都肉排有5-6塊小形肉排🥩，炸到豬肉乾咁😑，醬汁味道好似麥樂雞甜酸醬。- - - - - - - - - - - - - - - - - - - - - - - - - - - - - - - - - - - ————————————♥————————————

未入到澳門朋友已經話同事推介要食魚翅撈飯去到官也街既時候見到好多人等位就放棄左點知去大三巴途中見到唔洗等好耐又有d凍就成就左今次有得食咁耐以黎去澳門咁多次都未食過，原來真係幾好食首先要簡要咩翅，中翅或者大翅都有，大多數係中翅配唔同既配料，我地就簡左一個石窩中鮑翅同花膠海參中鮑翅到左先發現所有既翅都係用石窩，所以都幾夠熱，岩曬冬天食，食完暖笠笠翅既份量都唔少，個汁都幾香幾夠味魚翅撈埋飯食，飯都食多碗❤️朋友仲話要影低我食得曬呢個奇蹟🤣

自從食過一次譚家魚翅之後就一直回味所以今次再去澳門玩點能夠唔去食下佢，新馬路附近有好多間鋪頭都係食魚翅。 今次中午去，已經接近爆左好彩早一步到，一坐低會比茶同紙巾你，但紙巾係會收$3，所以大家唔用都拎走魚翅海參拎到黎果時係真係咁滾架，係譚家食魚翅一定要叫個白飯撈黎食。價錢唔貴，六十幾蚊，但有兩三舊翅加一舊海參，味道翅香，海參係有鮮味鮑魚撈麵(大)喱個鮑魚係乾鮑，唔係鮮鮑，所以味道比較香濃，成個麵好好食好香濃馬介休球(椒鹽味)男人好中意，送酒一流，喱個係澳門特色菜好味架，口感好特別，佢將啲魚絲去炸成一舊整體我覺得去澳門真係可以試下譚家魚翅，價錢唔貴，唔一定要食葡國菜架，喱三樣野埋單先二百蚊

朋友介紹呢間嘅翅唔錯,今次去開有時間就去試下.店鋪係大三巴附近,唔算太難搵,地方唔算大,去到嘅時候好在唔使等位.除咗翅之外,店鋪都有其他菜式選擇,價錢方面中等,但因為今次係想食翅,所以就冇點其他餸試.「花胶海参中鲍翅」「石锅中鲍翅」點咗兩個翅,份量都幾足,個湯底夠濃,搭配🍚撈嚟食,味道都幾唔錯.下次可以再試其他,佢哋嘅翅嘅選擇都有好多款,價錢有便有貴,要注意呢間分店只收現金,除咗呢間店外,係氹仔都有分店.

本來諗住去陶陶居...點知假期呢幾日，多人到嘔，咁朋友話譚家佢食過唔錯，咁我地就試下！點知去到都要等位...最後等左差唔多廿分鐘，好食都冇問題 😎 在等位其間最正係我地出去掃手信 🤣🤣 黎到梗係每人一鍋翅啦！其實都想飲啖湯，呢道湯飲得出冇咩味精 👍🏻 但翅就份量少就預左，但朋友話氹仔果間好食好多！但就冇呢間咁有小菜，唯有下次再試啦！一點鐘就叫乜冇乜...乜雞都冇哂！十個人冇理由唔叫一隻雞，但賣哂！豉汁炒蜆韮王煎蛋魚香豬肉鬆豆腐煲，呢個係全部入面最好味，又係令大家食多左碗飯，豆腐好滑，個醬汁好野味 👍🏻炸馬介休鮑汁娃娃菜避風塘軟殼蟹蠔仔鮑汁撈麵蠔仔煎蛋鮑汁生菜最後因爲乜都冇，補多個話梅豬手總括黎講，俾我再選既話就唔會黎...煎蛋既菜式都好好食，個豆腐煲有驚喜！話梅豬手如果淋既就正喇！完 ～

29-12-2018 (Sat)晚,同爸爸,佢朋友,我老公4人睇o左燈飾後拉葡國餐廳食晚飯,搵到喇,但客滿,要得半個鐘,唔等啦,繼續搵,又見到譚家魚翅, 5年前o係氹仔o個間食過,仍然好記得佢o地態度差 (o個個食評:https://www.openrice.com/zh/macau/review/%E6%9C%8D%E5%8B%99%E5%B7%AE-e2294488),今次因為唔想老人家又攰又凍,咁又入o黎啦.入到店內,飯店o係最入,開到冇晒細枱,俾張大枱我o地,但要我o地坐埋一邊,OK,冇問題.但佢俾埋晒啲圓凳我o地,我o地合作地坐好喇,冇耐有張細圓枱o既客人走,亞姐就叫我o地調枱,話唔使被人搭枱.好啊.坐定喇,睇完menu就叫o野食,叫o左MOP338.00o既大海參海味餐,MOP198.00o既五福餐,MOP48.00o既黃燜大排翅同MOP98.00o既譚公海參魚鰾.坐低後擺低碟杏仁俾客人,落完單擺低張單睇,原來收$24.00,呢隻杏仁餅杏仁味濃但偏甜.o野食陸續到o黎,翅同譚公海參魚鰾都用石窩上,兩個套餐中o既翅都係譚家黃燜飽翅,我覺得啲翅真係濃到有啲鯹.兩個餐都已經有一碗

今晚講起就超嬲、一心想去澳門食個人人話好味譚家魚趐食下啦、點知去呢間原來是魚翅餐廳、他應該改名、叫個花膠魚翅骨湯、點知𥚃面花膠就無、膠皮就有、細個我隻手指尾、魚翅骨也看到一片要用放大鏡先看到、冬菇就好多、湯底味噌口味、已且最氣就是呢個女服務員、問去她還問我你個花膠就是這樣、收我$158、呢餐飯食之無味😡😡😡無下次大家去普通一間唔出名、都好過去呢間譚家魚趐

聖誕假期周圍都係排隊食嘢嘅人龍。見到呢間喺新馬路夾福隆新街街口既『譚家魚翅』有位吾洗等，行到攰吾想再企喺到呆等其他店舗，所以就諗都吾諗即刻入咗去！兩個人每人叫咗一個石鍋排翅。一個2兩價錢係$55、一個1.8兩$48。另外，order 咗一個$38嘅14頭鮑魚撈麵。加埋茶錢總數食咗$153。曾經都喺氹仔官也街後面間舊店都食過！譚家個鍋湯味偏濃，但翅都算多！四、五十蚊個其實都食得過㗎...唯一比較遜色就係店舖環境比較陳舊！

行到攰去搵翅食，行黎行去咪又係食譚家。🙄叫左個雲腿津白、牙揀中勾翅、兩個花膠海參翅同鮑魚孖寶，當時得我地一枱客，所以好快就上菜。津白先上，汁好濃好香，雲腿碎略少，好食。翅上枱時係仲滾緊，等左好耐先放得入口。所謂嘅花膠，其間係魚肚（？），細細舊一pat野貢我唔識分🤷🏻‍♀️我只係知我𢳂起第一羹時就見到一條好長嘅頭髮，叫人換，好快又有，又要等好耐先食得。🤦🏻‍♀️鮑魚孖寶，應該有8-10頭，都係食個汁，二百零蚊可接受啦。

之前朋友介紹食過1次，自此每次黎澳門都必定要食。好多人宜家都會話嚮應環保而唔食魚翅，事實我都係一個好環保嘅人，但講真我唔係真係話鍾意食魚翅，而我欣賞嘅係佢嘅湯底。有好多款翅可以揀，我通常都係揀石窩中鮑翅，一黎$55超抵，二黎用石窩上菜。湯底好味到難以形容，撈飯真係一流，加上鍾意食芫茜嘅我，令個飯更加好味。個人建議個白飯千祈唔好1次過倒晒落個石窩度，因為咁樣好快吸晒啲湯，最好一啖湯，一啖飯咁食係最好。而且以$55 價錢黎講，翅嘅份量都算多，相當抵食。今次仲叫多左個薑蔥鮑片煲，同樣用石窩上菜，可以完全保持到食物熱度。上菜時，已經聞到好香薑蔥味，冬菇同鮑片相當入味，每咬一啖都有好濃嘅鮑汁味，真係令人回味無窮。

聽到不少對譚家魚翅嘅評價，都係話佢不復當年，我當年無幫襯過譚家，只可以用依家角度寫譚家。魚翅叫左石窩中鮑翅，鮑汁豬手同蜜香骨。蜜香骨係唯一可取嘅菜，排骨肉汁夠多，唔會煮過火，鮑汁豬手唔夠冧，鮑汁亦夠濃，唔錯。添發做魚翅實在太出色，好自然會囉黎同譚家比較，一比之下，譚家真係原全失色，份量細又比較貴！味道較添發淡，唯一同添發有得比嘅就只係一樣咁熱，熱到辣口，同埋環境比添發大，坐得比添發舒服。譚家另闢一角，傳賣魚翅同豬手，整好哂一盒盒膠盒，咁方便嘅外賣服務值得一讚！

去澳門食魚翅，最主要我係鍾意佢個湯，杰身得好緊要，又濃味，又香，魚翅反而唔係我主菜~其實係有想過去另一間出名瓦煲魚翅嘅，但係……可惜去到已經無晒，得返碗仔翅或者稀湯底嘅翅，所以最後都去返譚家，但係今次就去另一間~~呢間近大馬路，係罐頭博物館附近~~價錢好大眾化，幾十蚊，唔係好貴~~另外重可以買急凍咗嘅返香港或者內地，唔錯。有好多款可以揀，有魚翅、鮑魚、鹵水、花膠……返到去都可以品嘗到香濃美味石窩中鮑翅 - 經過上次經驗，知道石窩中飽翅係比較杰身同濃味，所以我當然唔需要考慮就點呢個，同上次一樣，我覺我好夠味，呢個如果唔太鍾意濃味嘅人會覺得好鹹，咁你可以試吓花膠海參中飽翅，呢個會比呢個淡口今次我地唔再一人一碗飯，我地決定share一碗就算，因為我地重要去食其他嘢，唔好食太飽，但係唔食飯又會太鹹蹄根中鮑翅 - 蹄根者係豬腳根，其實應該會係可以燉到好淋，但係呢個係硬的……所以我呢啲無牙咬嘅人唔會食，大少都覺得好硬，同埋個湯佢覺得都係淡口少少，係我嗰個咁鹹

花膠海參中鮑翅$68其實澳門現時有不少食店，標榜廉價魚翅撈飯，就算無中六合彩或者賺大錢，都可以試一試！依個花膠海參中鮑翅係用韓式石頭窩盛載住濃湯魚翅，而個窩都燒得火熱，跟住外加一碗白飯👍🏼趁翅湯還熱既時候倒白飯於湯中，一碗熱騰騰的魚翅撈飯便出現！！！雖然魚翅只有姆指般咁大既size，但湯味仍然相當濃厚！☺️☺️好味～～Ps.第一次食魚翅撈飯！正到爆呀～😋😋😋