遊。咖啡

營業中

休息中

前日中午發現遊咖啡有新品推出，係佢地自家製牛角窩夫，睇介紹麵團都係自家發酵，馬上小跑去試，開啟十月連假既第一餐。.咁多年去食野基本上一定會有水果茶，睇圖就知我又叫左啦😆，另外有興趣試朋友仔要留意番今次新品係「關閘店限定」！～焦糖肉桂鮮果克林姆牛角窩夫 朱古力 ($58)慢煮雞胸鄉村牛角窩夫 ($68)冰黑橙咖啡 ($39)綜合水果茶～🆕 牛角窩夫有 粒粒花生醬香蕉、 香椰藍莓、焦糖肉桂鮮果克林姆和慢煮雞胸鄉材牛角窩夫 四款口味，叫左一鹹一甜試試。.🍓 焦糖肉桂鮮果克林姆牛角窩夫 厚奶油分別有焙茶、抹茶、泰茶和朱古力口味選擇，以雪糕球造型擺係窩夫上，甜食呢款食落有咬口，帶點酥脆，有焦糖香味，個人覺得肉桂味可以再重啲啲😍。.🐔 慢煮雞胸鄉村牛角窩夫窩夫上放雞胸粒、蔬菜和一隻流心蛋，翻開隻雞蛋發現底下雞胸份量好足，隨個人喜好加醬汁或檸檬汁。切一少塊窩夫配雞胸，加少少醬汁，味道剛好，食落亦唔會有油膩感覺。呢款較鬆軟微煙韌感，加上牛角窩夫係自家出品會大大加分！_⭐️ 牛角窩夫係關閘店限定⭐️ 平日下午三點到六點有下午茶優惠

行街經過呢間餐廳，難得唔使等位，於是入去試吓。餐牌選擇唔算多，其實主要都係意粉，意粉，同意粉。雖然整得算幾靚，不過意粉偏林，煮得過咗火，但勝在擺得幾有心思，都食得落嘅。值得一讚的是杯咖啡，竟然有拉花。

話說前晚響關閘附近行印田超市, 行完男朋友太肚餓又見間野靚靚仔仔就幫襯下; 叫左個西班牙炖飯同夏威夷pizza, 個飯普普通通無咩特別, 個夏威夷pizza 真係威, 夠膽死全部材料用一罐地滿雜果加芝士搞掂, 男朋友仲叫左支啤酒, 埋單二百幾蚊, 早知過隔離食個酸辣粉無咁嬲或者你會話佢主打唔係西餐, 但我真係以後都唔會幫襯, 拜拜

黑沙環罕有的cafe 格調，雖然枱唔多，不過每次來都不用等位，即使係星期六(>﹏<)，主食就沒特別驚喜，但梳乎厘就讓人一再回味，焦糖脆面配軟綿綿的治癒系外型，加上雪糕冷熱交融的豐富口感＼(^o^)／有下次

正面:關閘一帶少數的cafe, 去了兩次都不洗等位 試了個杏仁片鬆餅, 賣相比起一般其他店見到的鬆餅靚同有心思, 食起黎都好鬆化又唔怕太甜, 推介!改善空間:第二次再去時食了懷舊葡式佛跳牆飯和芥茉汁三文魚意粉, 兩個主食都偏鹹...