Mr. Lady

營業中

休息中

之所以嚟呢個餐廳嘅原因，係因為見到有個YouTuber介紹澳門美食，話依間甜品唔錯，於是我來澳門都要搵時間過嚟試一試。首先餐廳入邊嘅座位唔多，預咗唔會坐得好舒服。大概樓面有兩位職員，人手都算足夠。我哋order咗兩款pancake，香蕉朱古力梳乎厘鬆餅及色彩繽紛水果日式鬆餅，製作時間大概要等20至25分鐘。我認為個pancake嘅味道一般，口感正常，都鬆軟亦有蛋香味，就係冇乜驚喜，可能俾個YouTuber講到好好食，搞到自己好期待，所以食落就覺得有啲失望。我哋兩個人叫咗兩款pancake，份量太多，如果之後有其他食客去食，建議食一款就夠，寧願食其他熱食。值得一讚係個廁所好乾淨，又夠大，但缺點係地理位置唔容易搵到，都要花時間去，但又唔係好值得一定要嚟，有時間就想食吓甜品都可以一試。價錢印象中唔太貴，但忘記咗確實價錢，兩份pancake唔過$200

上網做哂功課見到依個Cafe既梳乎厘好評如潮，就特登黎試下，紅日晏就黎竟然唔洗排隊。Cafe裝修偏歐式風格，環境寧靜幾舒適，座位都算闊落，晏就想靜靜地享受Me Time品嘗甜品，依間Cafe係唔錯既選擇！————————————♥———————————- - - - - - - - - - - - - - - - - - - - - - - - - - - - -♥️ 焙茶焦糖蘋果梳乎厘鬆餅 $118梳乎厘即叫即整等約20-30分鐘，一上枱就聞到濃濃蛋香味，質地軟綿綿，唔會淨係食空氣咁，焙茶奶油茶味香濃，不過質感比較實，開頭以為係雪糕🙈，夾埋酸酸甜甜蘋果一齊食，味道變得清新。♥️ 水果茶 $48入面放左幾款當季水果，酸酸甜甜帶有茶香，清新又解渴。♥️ 黑糖拿鐵 $40第一啖飲落去甜甜地，慢慢開始滲咖啡味，有回甘味道。- - - - - - - - - - - - - - - - - - - - - - - - - - - - -————————————♥———————————

呢間人氣梳乎厘高峰時期無論平日假日午餐下午茶晚餐都要排隊，今次平日晚飯時間7點去，只有一台客人，正呀！提子蘆薈乳酪梳乎厘要等35分鐘先有，不同季節時間會有限定款，今次呢個好特別，提子勁甜，加上一粒粒蘆薈好清新，重點係平時梳乎厘上面會有堆好甜的cream，但佢呢個係乳酪味，酸酸甜甜，成件事好夾，惟一個梳乎厘外層老左小小，同空氣感重的內層不太夾蒜香辣蜆意粉呢個都幾辣下，應該有差不多大半隻小辣椒，蜆有6-7隻左右，無沙吸晒蒜辣味，天使面唔怕太腍卡邦尼意粉好黃的卡邦尼醬，芝士味濃，加上小小黑椒，增加層次感，但略嫌煙肉少左d價錢中等但份量好足，無加一收費，兩個人食到飽飽，滿足～

💁🏻‍♀️Mr. Lady (高士德)🍴-2018年年尾去左澳門一日遊，朋友介紹左間甜品店，認真多人排隊，但味道不錯👍🏻.由於果日系紅日，所以都幾多人排隊，排左足足差不多20分鐘先有位😵😵.原味梳乎厘鬆餅🥞（$65）之前香港食過有間梳乎厘完全冇味，好似食空氣咁😑但呢間嘅梳乎厘第一啖食落去，覺得好重蛋味😍好似食左幾隻蛋落肚咁🤤texture好軟綿綿，但唔係話係食空氣果種，再配埋cream食，好夾👍🏻～草莓🍓梳乎厘鬆餅🥞（$65）草莓嘅甜品真係百試不厭，值得讚嘅係佢呢隻草莓醬完全冇藥水味，仲有啖啖果肉，加埋啲鹹鹹甜甜嘅吉士醬，每一啖都好幸福🥰.呢間甜品店嘅食物唔錯，可惜：😢地方太細，要等好耐😢如果叫梳乎厘要等40分鐘，等到花兒也謝了🤦🏻‍♀️如果改善埋呢兩點就好啦🙆🏻‍♀️/📍 Mr. Lady (高士德)#澳門 #高士德高士德大馬路5-G號信佳閣地下C舖#小丸子搵食記 #小丸子澳門-#hkig #hkigfood #hkfoodblogger #hkfoodie #食好西 #香港美食 #香港 #hkfries #hkiger #852 #hkfoodlover #hkfood #hkfoods

某日為左line friends展覽 好日都唔去澳門既我竟然勇敢搭船過大海一同朋友提起將去澳門 佢第一個反應係：甘你咪可以去食pancake!?平日我真係幾唔中意食輕飄飄好似食空氣甘既梳乎厘pancake 但係橫店一場黎到澳門 就膽粗粗去闖下 點知.. 跟住個地址去搵 連的士大佬都唔知係邊度...熱辣辣搭完的士仲要周街行左十幾分中先搵到... 長長既人龍並冇擊退我既信心 因為我付出太多先黎到呢度！點都要食勁多！所以一個失心瘋之下 兩個人叫左3款 原味：本身係想叫流心焦糖波蘿 點知原來5點先供應！當時只係4:30 限時食一個中 就算5點叫 佢話要整40分中... 所以用原味代替佢 點知都幾好味 蛋味好重 cream好幼滑呢間比起香港尖沙咀果間我覺得更好味更實在 香到好似食左好多隻蛋甘樣 髒髒：呢個真係不建議... 隔離台都話唔好味朱古力搶晒蛋香 仲要食完好膩 流心焦糖波蘿：哈哈 係咪好奇怪點解明明話食唔到最後又有呢！因為我實在死心不息問左個店員可唔可以外賣之後佢知我山長水遠黎 好好人甘俾我食埋先走 話晒出面極熱難怪一路食出面人龍都冇少人過 我諗大家都係等5點可以食呢個！呢個推薦！ 好特別

而家潮流興食梳乎厘pancake，就連澳門都唔例外。今次食呢間Mr. Lady Cafe位於高士德，下午5點左右黎到 店外有大概8個人排隊。等左大約半個鐘，人齊先可以入座叫左個焙茶千層蛋糕，坊間一般既都係抹茶，老實講 真係食到有啲厭。而呢個焙茶千層 茶味好香濃，唔會太甜。加上白色既鮮奶油好香滑 好好味。而梳乎厘pancake即叫即整，所以要等二十分鐘。嗌左杯Rose Latte 同Cappuccino 飲住咖啡等，但杯Cappuccino 奶味過重 咖啡唔夠香。最後到主角出場，梳乎厘做到好動L既感覺，外觀已經好吸引。食落去亦好香蛋味，一陣風咁好快就食哂