誠昌飯店

營業中

休息中

近年去澳門官也街，都無去誠昌，皆因早幾年食過，變得不知所謂，網上負評自然不少，今次俾多次機會，睇下係咪都係咁差！記得二十年前食過一次水蟹粥，簡直驚為天人！粥未入口，個鼻已經聞到強烈蟹味！成碗粥係金黃色！根本唔應該叫水蟹粥，應該叫膏蟹粥！果時細鍋都唔洗100蚊，當年甚至連食兩日先返香港。今次去到，蟹味完全消失，只有粥味，甚至碗粥都好似溝水咁，完全唔掛碗！蟹膏份量得返十分一，黃金色水蟹粥變成咖啡色！強烈感覺賣盤之後，只係一鍋略水嘅水蟹粥！好慶幸當年食過一次出色嘅水蟹粥，強烈推介大家唔好再去食！