影片
更多
2016-12-19
3140 瀏覽
星期日第一餐就衝去食牛記。外面睇係一間舊式面檔。一行4個人。晏就一點幾，去到5使等位。叫左細鍋水蟹粥，炸米通鯪魚球，蟹黃撈麵加蟹黃，花雕烏雞，鮮柏葉麵。水蟹粥。細鍋份量4個人岩岩好每人一碗。好足料，2隻蟹煲個粥。粥係棉棉粥，單食粥已經有淡淡既蟹味，蟹都好新鮮，熬完粥食落仲鮮甜。蟹黃撈麵，加蟹黃。重點呀，呢餐畫龍點睛既一味菜。麵底係幼麵，硬到適中仲有小小咬口，無鹼水味，精粹係上面戈pat蟹黃。因為加多左蟹黃，撈完後仲會有小小淨。撈既時候，已聞到濃濃蟹味。食落，不得之了，好似食緊嗒嗒蟹膏，一嗒接一嗒。因為味道比較濃，食左撈麵再食粥，個粥就會變到無味。不過淨左係撈麵碟既蟹黃我地會撈埋粥食，依然美味！花雕烏雞。好香酒味。食落有小小藥材味，雞件好入味，不過太碎。肉質5滑但未算好鞋。有生菜墊底，索晒味好好食。呢款試一次夠，下次5使反兜再叫。炸米通鯪魚球。一碟12粒。熱辣辣脆卜卜。食落外脆內彈，單食鯪魚味最岀，但並無腥味，已經好好味。整粒都係鯪魚肉，5粉，似係全自家打岀黎。比起單食，更喜歡點蜆芥，味道更香同滋味。但蜆芥偏油，點時小心份量，否則又油又咸。鮮栢葉麵。入鋪時，見到好多本地人叫既黑色牛栢葉麵
一行4個人。晏就一點幾，去到5使等位。
叫左細鍋水蟹粥，炸米通鯪魚球，蟹黃撈麵加蟹黃，花雕烏雞，鮮柏葉麵。
水蟹粥。細鍋份量4個人岩岩好每人一碗。好足料，2隻蟹煲個粥。粥係棉棉粥，單食粥已經有淡淡既蟹味，蟹都好新鮮，熬完粥食落仲鮮甜。
蟹黃撈麵，加蟹黃。重點呀，呢餐畫龍點睛既一味菜。麵底係幼麵，硬到適中仲有小小咬口，無鹼水味，精粹係上面戈pat蟹黃。因為加多左蟹黃，撈完後仲會有小小淨。撈既時候，已聞到濃濃蟹味。食落，不得之了，好似食緊嗒嗒蟹膏，一嗒接一嗒。因為味道比較濃，食左撈麵再食粥，個粥就會變到無味。不過淨左係撈麵碟既蟹黃我地會撈埋粥食，依然美味！
花雕烏雞。好香酒味。食落有小小藥材味，雞件好入味，不過太碎。肉質5滑但未算好鞋。有生菜墊底，索晒味好好食。呢款試一次夠，下次5使反兜再叫。
炸米通鯪魚球。一碟12粒。熱辣辣脆卜卜。食落外脆內彈，單食鯪魚味最岀，但並無腥味，已經好好味。整粒都係鯪魚肉，5粉，似係全自家打岀黎。比起單食，更喜歡點蜆芥，味道更香同滋味。但蜆芥偏油，點時小心份量，否則又油又咸。
鮮栢葉麵。入鋪時，見到好多本地人叫既黑色牛栢葉麵，於是我地又叫左個。幼麵底無鹼水味，個湯底有腩汁味飲落甜甜地，黑色牛栢葉5奀幾好食。建議問店員拎辣椒油一齊食，個辣椒油都好香。
張貼
