Restaurante ESCADA

營業中

休息中

同班朋友去澳門玩上網見到ESCADA出名, 所以黎左試下!頭盤食左葡國炸蝦角, 好好食一切開就有芝士流出黎, 同埋都有唔少蝦雖然係炸既, 不過又唔會好油膩個皮炸得岩岩好, 好有水準仲有叫左檸檬炒蜆檸檬同海鮮, 經典組合檸檬既少少酸味, 帶出蜆既鮮味仲有少少牛油既香味, 十分唔錯又好味又開胃, 好好既頭盤上網見佢地既薯絲馬介休好出名, 我朋友話想試下本身我唔太鐘意食薯絲, 覺得好油而馬介休都好少食, 因為覺得太咸不過呢個菜好有驚喜!從來都冇諗過馬介休既咸同埋炸薯既油加埋會係咁夾之前都未試過呢個菜色, 好欣賞諗呢道菜出黎既人既創意同廚藝好彩我朋友話想食, 如果唔係就會miss左呢個咁出色既菜色仲有叫左燒魔鬼辣大蝦個汁好唔錯, 味道好豐富本身個汁已經好有咸香味, 但又唔會太咸辣味岩岩好, 唔會太突出蓋過蝦味又唔會太淡搞到冇左辣呢個元素而成個汁同大蝦既鮮味亦都相輔相成, 令到成個味道更加突出作為一個鐘意食蝦既人, 一定唔可以錯過!果日好肚餓, 我地仲食左葡式焗鴨飯鴨既油香同肉香完全滲哂入D飯入面每一粒飯都充滿住鴨既精華叫左呢個咁有肉香味既飯, 當然要紅酒黎配合我地試左呢度既紅酒雜飲入面有好多水