六記粥麵

營業中

休息中

由於一直有朋友推介我試試六記，我就今日一早去試下佢。未開門就已經排晒長龍，仲以為真係會食到好野。點知！入到去餐廳環境惡劣 座位好迫。其次可能人手不足，店員姐姐忙不停手冇人招呼客人。食飯方面，我就叫左一碗淨雲吞、一個細碗水蟹粥、一個招牌蝦子𤏪麵 、一個炸鴛鴦。佢出餐嘅速度就好快，但係味道方面就名大於實。雲吞味道好似路邊30蚊一碗雲吞麵嘅雲吞，普普無奇，不值一提。水蟹粥鮮味不足，成碗都係水，冇咩粥。蝦子撈麵有少少驚喜，麵身煙韌彈牙，蝦子味香甜。蝦子𤏪麵係六記唯一可以推介。最後在炸鴛鴦方面，建議不要嘗試。炸鯪魚球雖然彈牙，但係落左太多味精粉。食完會非常口乾。炸雲吞只會食到大量麵粉，雲吞中的蝦少之又少。基本上冇咩味，食完只會不停飲水，十分難受。同我搭枱嘅食客都跟我同一觀感。最後餐廳老闆管理餐廳出現問題，以我在餐廳1小時的食用體驗。我觀察到餐廳員工經常漏單。員工可能人手不足要做太多事情，所有經常招呼不到客人。再者埋單位經常無人駐守，客人都埋不到單。希望餐廳可以改善上述問題，精進食物品質。否則就對不起年年的米之連推薦。